Actualitats
Un milion de signaturas per que l’UE legiferisca per protegir las lengas minorizadas
L’inciativa ciutadana cèrca que l’Union Europèa promòga de leis que permetan una proteccion adeqüata de las minoritats
S’es lançada una mobilizacion per que l’Union Europèa prenga en compte los dreches lingüistics de las minoritats e ne promòga una legislacion adeqüata. Per reüssir, devon amassar un milion de signaturas en provenença d’almens sèt estats europèus abans lo 24 d’abril. Per ara, an signat mai de 400 000 personas.
Los estats qu’an portat mai de signaturas son pel moment Romania e Ongria, qu’an atench aperaquí lo 975% e lo 670% de las signaturas que lor caliá. En çò que concernís los estats que tòcan Occitània, Espanha a amassat lo 65% de sas signaturas, Itàlia un pauc mens del 9% e França arriba pas a la chifra del 5%.
L’iniciativa, nomenada “Minority Safety-Pack“, l’a bandida l’Union Federala de las Nacionalitats Europèas (FUEN), una federacion d’aperaquí 90 organizacions que trabalha pels dreches de las minoritats en Euròpa.
50 milions de ciutadans concernits
Al delà dels occitanofòns, qu’après lo lingüicidi patit avèm pas un pes demografic fòrt, l’iniciativa concernís los aperaquí 50 milions de ciutadans de l’UE que fan partida d’una comunautat nacionala o lingüistica minorizada. Segon la FUEN, “aquelas minoritats contribuisson enòrmament a la diversitat lingüistica e culturala d’Euròpa. Amb los autres europèus, desiran de contribuir al futur de l’Union Europèa; un futur ont se prenga en compte non solament las lengas oficialas dels estats o las culturas dominantas. Per la subrevivença de lor identitat, las minoritats an de besonh de proteccion e sosten. Aquò es l’objectiu de l’Iniciativa Minority SafePack”.
Per mai d’informacions o per signar la peticion podètz vesitar minority-safepack.eu.
Los estats qu’an portat mai de signaturas son pel moment Romania e Ongria, qu’an atench aperaquí lo 975% e lo 670% de las signaturas que lor caliá. En çò que concernís los estats que tòcan Occitània, Espanha a amassat lo 65% de sas signaturas, Itàlia un pauc mens del 9% e França arriba pas a la chifra del 5%.
L’iniciativa, nomenada “Minority Safety-Pack“, l’a bandida l’Union Federala de las Nacionalitats Europèas (FUEN), una federacion d’aperaquí 90 organizacions que trabalha pels dreches de las minoritats en Euròpa.
50 milions de ciutadans concernits
Al delà dels occitanofòns, qu’après lo lingüicidi patit avèm pas un pes demografic fòrt, l’iniciativa concernís los aperaquí 50 milions de ciutadans de l’UE que fan partida d’una comunautat nacionala o lingüistica minorizada. Segon la FUEN, “aquelas minoritats contribuisson enòrmament a la diversitat lingüistica e culturala d’Euròpa. Amb los autres europèus, desiran de contribuir al futur de l’Union Europèa; un futur ont se prenga en compte non solament las lengas oficialas dels estats o las culturas dominantas. Per la subrevivença de lor identitat, las minoritats an de besonh de proteccion e sosten. Aquò es l’objectiu de l’Iniciativa Minority SafePack”.
Per mai d’informacions o per signar la peticion podètz vesitar minority-safepack.eu.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Ja hai signat. per las nostras lengas occitan ,catalan; sard, breton,flamenc, dialectes, galés, escocès, yiddish(lenga dels territoris alemanhs que parlaven els jueus i que los nazis massacraren),......
L'UE a totjorn pres en compte los dreches linguistics de las minoritats europencas. Sul papier.Teoricament.Sem plan pagats per saupre qu'a instituit una Charta de las lengas minorizadas, signada pel govern de Paris que l'aplicara pas jamai perque l'UE dispausa de cap esplech de pression per obligar un estat a l'aplicar. Segur que sera parrier amb aquesta novela (eniema ?) iniciativa d'aparament de las lengas minorizadas. Que quand los dreches de las minoritats son pas respiechats en Europa maastrichiana, e ben Brusselas prefera melhor agachar endacom mai. Demandatz a Puigdemont...
Socrates cercava la vertat. Èrem pas un milion a la cercar amb el. Jamai l'empachèt pas d'aver rason, ni los autres (plan mai d'un milion) a s'enganar…
#1 "Firmar" ??
L'ai signada.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari