Actualitats
Una particula quantica permet una comunicacion bidireccionala
La demostracion de tot aquò foguèt atencha en utilizant un solet foton e en fasent arribar amb aqueste d’informacion a doas personas a l’encòp
Los nòus estudis an confirmat que, mercés al fenomèn de la superposicion quantica, una soleta particula de lutz pòt enviar d’informacion en doas direccions a l’encòp. Es un fach teoric de mal demostrar mas una còla de cercaires de l’Institut per l’Informacion e l’Optica Quantica de Viena o a reüssit: amb una soleta particula de lutz an enviat lo meteis messatge a dos luòcs, çò es en doas direccions.
La demostracion de tot aquò foguèt atencha en utilizant un solet foton (particula de lutz) e en fasent arribar amb aqueste d’informacion a doas personas a l’encòp. Aquò es possible solament pr’amor de la mecanica quantica: es a causa del fenomèn de la superposicion, amb lo mandadís d’informacion per mejan d’una soleta particula a dos luòcs a l’encòp.
Una tematica populara
D’enviar d’informacion en tot utilizar de particulas quanticas es estat una tematica populara puèi que totes cresián qu’amb la comunicacion quantica arribariá pas res de melhor. E los nòus estudis faches sus aquela matèria an descobèrt de nòvas tecnicas. “De còps avèm l’obsession d’una idèa –çò diguèt lo fisician Philip Walter, de l’Universitat de Viena–. E sul còp, o as davant tu sens o veire.”
Aital, los fisicians Flavio del Santo, de la meteissa universitat, e Borivige Dakic, de l’Acadèmia de las Sciéncias austriaca, an descrich la teoria d’aquela nòva tecnica dins la revista numerica Physical Review Letters.
Mas, a mai, pendent aqueste mes an fach una demostracion empirica de tot çò anonciat. Segon aquesta, cal imaginar doas personas desparièras, Jan e Jana, que son en diferents luòcs. Amb la fisica classica, Jana a besonh d’un foton e Jana d’un autre per se mandar de messatges a l’encòp –e cada particula de lutz transmet un bit, 0 o 1–.
Mas se Jana e Jan an un foton en superposicion –a l’encòp prèp d’ambedós–, pòdon manipular lo foton per i metre 0 o 1 e l’enviar a l’autre. Mas un lo recebrà primièr. Se Jana e Jan meton lo meteis bit, Jana recep primièr lo foton. Se lo bit es desparièr, Jan lo recep primièr. E cadun sap çò qu’a mes l’autre.
Aital, los scientifics envièron de fotons a travèrs d’un camin de miralhs. En tot metre lo foton en superposicion podèron mandar lo meteis foton als dos ponches que s’apelavan Jana e Jan.
En tot cambiar la fasa de l’ondada electromagnetica de la lutz los cercaires balhèron lo còde de 0 o 1 a cada ponch. Mentre qu’arribava al ponch, lo foton –qu’encara flotejava entre Jan e Jana– èra enviat tanben en direccion contrària. En rota, lo foton interagiguèt amb el meteis e aquò foguèt a l’origina de de sa primièra arribada, siá en çò de Jana, siá en çò de Jan.(Legissètz la seguida).
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.
La demostracion de tot aquò foguèt atencha en utilizant un solet foton (particula de lutz) e en fasent arribar amb aqueste d’informacion a doas personas a l’encòp. Aquò es possible solament pr’amor de la mecanica quantica: es a causa del fenomèn de la superposicion, amb lo mandadís d’informacion per mejan d’una soleta particula a dos luòcs a l’encòp.
Una tematica populara
D’enviar d’informacion en tot utilizar de particulas quanticas es estat una tematica populara puèi que totes cresián qu’amb la comunicacion quantica arribariá pas res de melhor. E los nòus estudis faches sus aquela matèria an descobèrt de nòvas tecnicas. “De còps avèm l’obsession d’una idèa –çò diguèt lo fisician Philip Walter, de l’Universitat de Viena–. E sul còp, o as davant tu sens o veire.”
Aital, los fisicians Flavio del Santo, de la meteissa universitat, e Borivige Dakic, de l’Acadèmia de las Sciéncias austriaca, an descrich la teoria d’aquela nòva tecnica dins la revista numerica Physical Review Letters.
Mas, a mai, pendent aqueste mes an fach una demostracion empirica de tot çò anonciat. Segon aquesta, cal imaginar doas personas desparièras, Jan e Jana, que son en diferents luòcs. Amb la fisica classica, Jana a besonh d’un foton e Jana d’un autre per se mandar de messatges a l’encòp –e cada particula de lutz transmet un bit, 0 o 1–.
Mas se Jana e Jan an un foton en superposicion –a l’encòp prèp d’ambedós–, pòdon manipular lo foton per i metre 0 o 1 e l’enviar a l’autre. Mas un lo recebrà primièr. Se Jana e Jan meton lo meteis bit, Jana recep primièr lo foton. Se lo bit es desparièr, Jan lo recep primièr. E cadun sap çò qu’a mes l’autre.
Aital, los scientifics envièron de fotons a travèrs d’un camin de miralhs. En tot metre lo foton en superposicion podèron mandar lo meteis foton als dos ponches que s’apelavan Jana e Jan.
En tot cambiar la fasa de l’ondada electromagnetica de la lutz los cercaires balhèron lo còde de 0 o 1 a cada ponch. Mentre qu’arribava al ponch, lo foton –qu’encara flotejava entre Jan e Jana– èra enviat tanben en direccion contrària. En rota, lo foton interagiguèt amb el meteis e aquò foguèt a l’origina de de sa primièra arribada, siá en çò de Jana, siá en çò de Jan.(Legissètz la seguida).
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 Segur que cal aver d'aarticilmes subre totas causas. Mas los nos cal plan faits. Aquí, que podèm deduïre, concrètament, de la compreneson de l'univèrs. Quina aplicacion practica se pòt tirar d'aiçò. Quina aplicacion metafisica ? Quina aplicacion filosofica de l'entendement del mond ? S'un article sabent me demòstra que la tèrra es pas lo centre del mond, las consequéncias metafisicas, fisicas, filosoficas e, accessòriament, religiosas, son pro claras. Mentre que s'una particula quantica permet una comunicacion bidireccionala, filosoficament, fisicament, metafisicament, practicament, me tròbi pas gaire abançat… D'aquí ma question : e alara, qué ?
#1 Qu'avèm besonh d'articles scientifics escriches en òc, siquenon lo Michel Serres contunharà de dire que se pòt pas far de matematicas en occitan.
E alara ? Qué ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari