Solidaritat. Dab lo hred qui s'installa, las autoritats qu'apèran a la prudéncia. E au bèth miei de las arrecomandacions, de bon notar l'iniciativa de Retraite Plus. En efèit, l'organisme que lança ua bèra iniciativa de sostien, dab ua interfàcia de benevolat dedicada au servici de las personas atjadas isoladas. Concretament, qu'ei ua plataforma qui permet a cadun de s'inscríver entà dar la man: miar un repaish, visitar, har quauquas crompas o benlèu sonque dar ua telefonada de quan en quan entà s'assegurar que tot va plan.
 
Retraite Plus que bremba suu son site internet lo dangèr que pòt representar lo hred taus nostes ancians, sustot taus qui an ua mobilitat arredusida, e qui ne pòden pas gerir solets ua pana de cauhage, per exemple. Tot an, mantuas personas atjadas e son arretrobadas mortas a casa pr'amor deu hred.
 
Rendetz-ve sus retraiteplus.fr/benevoles se voletz participar.
 
 
 
 
Joan-Nadau Commeres