Actualitats
L’autor de la fusilhada dins un licèu de Florida es membre d’una milícia racista
Nikolas Cruz foguèt entraïnat per un gropuscul racista violent e abans de cometre lo masèl aviá publicat un vidèo que cridava a la guèrra raciala
Nikolas Cruz, lo responsable del masèl dins una escòla de Florida (Estats Units) lo 15 de febrièr passat, que tuèt detz e sèt personas e ne nafrèt d’autras quinze, es un supremacista blanc e fa partida d’una milícia racista. Segon çò que rapòrta Directa, Nikolas Cruz foguèt entraïnat per una milícia nomenada Republic of Florida, e aviá participat a las manifestacions faissistas de Charlottesville. Quatre jorns abans de cometre lo chaple aviá difusat un vidèo que cridava a la guèrra raciala.
Cruz perpetrèt lo masèl amb un fusilh d’assaut AR-15 aquerit illegalament en Florida. Totun, aquel estat exigís pas nat permés ni nada licéncia per aquerir una arma. Es quitament pas necite de l’enregistrar. Après lo crime se liurèt a la polícia. Abans, el aviá participat a un programa d’entraïnament militar que l’organiza l’estat pels joves.
Sa militància dins la milícia Republic of Florida la confirmèt lo cap d’aquel gropuscul racista, Jordan Jareb, a la Liga Antidifamacion (ADL). Jareb, que definís son grop coma “organizacion protofaissista” precisèt que lo jove tuaire partejava la tòca de crear un “etnoestat blanc” en Florida, qu’”asirava los jusieus e lo feminisme” e qu’admirava l’ultradrechista norvegian Anders Behring Breivik, autor del masèl d’Utøya e de l’atemptat d’Òslo en 2014.
Republic of Florida recomanda tanben la lectura d’un libre de James Mason, qu’apèla a las accions de lops solitaris contra los non-blancs e los josieus.
Al licèu o sabián plan, l’FBI faguèt pas res
La militància drechista, conservatritz e islamofòba de Cruz èran plan conegudas al licèu Stoneman Douglas, ont semenèt la mòrt. Cruz portava sovent la casqueta de Donald Trump que ditz “Make America Great Again”. Èra tanben evidenta sa passion per las armas, qu’aviá mostrada en d’autras escasenças tant al licèu coma suls rets socials. Sus YouTube aviá confirmat sas intencions: “Vòli tuar de mond amb mon AR-15”, çò i afirmèt. Aviá tanben escrich que voliá aucir de policièrs e d’antifaissistas e èra obsessionat pel grop neonazi Atomwaffen Division, responsable de plusors assassinats recents en Florida.
Las menaças dirèctas que proferiguèt Cruz en setembre passat, las denoncièt un usatgièr de YouTube a l’FBI, que faguèt pas res.
Lo massacre escolar de Parkland es aparit dos meses après la fusilhada dins lo collègi d’Aztec al Nòu Mexic, ont un autre supremacista blanc fusilhèt dos companhs. Lo debat sul contraròtle de las armas s’intensifiquèt après lo masèl de Las Vegas, ont foguèron assassinadas 58 personas, mas Trump a pas desplegat cap de politica. Lo chaple de Parkland es lo segond pus murtrièr dins un centre educacion après lo de l’escòla de Sandy Hook, en 2012, ont foguèron assassinadas 28 personas. L’assassinat en massa de Florida supèra lo massacre de Columbine, ont i aguèt quinze mòrts, compreses los dos tiraires adolescents, escolans del centre.
Cruz perpetrèt lo masèl amb un fusilh d’assaut AR-15 aquerit illegalament en Florida. Totun, aquel estat exigís pas nat permés ni nada licéncia per aquerir una arma. Es quitament pas necite de l’enregistrar. Après lo crime se liurèt a la polícia. Abans, el aviá participat a un programa d’entraïnament militar que l’organiza l’estat pels joves.
Sa militància dins la milícia Republic of Florida la confirmèt lo cap d’aquel gropuscul racista, Jordan Jareb, a la Liga Antidifamacion (ADL). Jareb, que definís son grop coma “organizacion protofaissista” precisèt que lo jove tuaire partejava la tòca de crear un “etnoestat blanc” en Florida, qu’”asirava los jusieus e lo feminisme” e qu’admirava l’ultradrechista norvegian Anders Behring Breivik, autor del masèl d’Utøya e de l’atemptat d’Òslo en 2014.
Republic of Florida recomanda tanben la lectura d’un libre de James Mason, qu’apèla a las accions de lops solitaris contra los non-blancs e los josieus.
Al licèu o sabián plan, l’FBI faguèt pas res
La militància drechista, conservatritz e islamofòba de Cruz èran plan conegudas al licèu Stoneman Douglas, ont semenèt la mòrt. Cruz portava sovent la casqueta de Donald Trump que ditz “Make America Great Again”. Èra tanben evidenta sa passion per las armas, qu’aviá mostrada en d’autras escasenças tant al licèu coma suls rets socials. Sus YouTube aviá confirmat sas intencions: “Vòli tuar de mond amb mon AR-15”, çò i afirmèt. Aviá tanben escrich que voliá aucir de policièrs e d’antifaissistas e èra obsessionat pel grop neonazi Atomwaffen Division, responsable de plusors assassinats recents en Florida.
Las menaças dirèctas que proferiguèt Cruz en setembre passat, las denoncièt un usatgièr de YouTube a l’FBI, que faguèt pas res.
Lo massacre escolar de Parkland es aparit dos meses après la fusilhada dins lo collègi d’Aztec al Nòu Mexic, ont un autre supremacista blanc fusilhèt dos companhs. Lo debat sul contraròtle de las armas s’intensifiquèt après lo masèl de Las Vegas, ont foguèron assassinadas 58 personas, mas Trump a pas desplegat cap de politica. Lo chaple de Parkland es lo segond pus murtrièr dins un centre educacion après lo de l’escòla de Sandy Hook, en 2012, ont foguèron assassinadas 28 personas. L’assassinat en massa de Florida supèra lo massacre de Columbine, ont i aguèt quinze mòrts, compreses los dos tiraires adolescents, escolans del centre.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Aquela fusilhada es un false flag (ataca sos fau drapeu). Veire la definicion sus lo site :
http//conscience-du-peuple.blogspot.fr/2018/03 o ben sus lo site "changera-blogspot - le grand changement (5 mars 2018).
Lo Trumpetaire a preconisat que los professors pòrten d'armas per defensar los escolans. Se trapa que, i a qualques jorns, èra un professor que s'èra embarrat dins una sala e menaçava amb d'armas. Aürosament, sembla que passèt pas d'èsser un còp de caluguitge a i aguèt pas de victimas. Demòra la clarvesença del gal Donald.
E parlant de l'estat de Florida, es pas un Bush que n'es lo president, lo fraire de Georges W? S'o es pas pus o es estat, e dins aquela familha de cow boys son pas per contrarotlar las armas.
Enfin, lo supremacista blanc a un nom ispano, Cruz. Encara un d'aqueles que vòlon èsser mai papistas que lo Papa, de mond plan dangieroses, coma s'es vist.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari