Actualitats
Prepausan un referendum d’independéncia de Taiwan l’an que ven
L'inciativa la sostenon dos èx-presidents, e s’i opausa la Republica Populara de China
Dos èx-presidents de Taiwan, Lǐ Dēnghuī e Chén Shuǐbiǎn, anoncièron la setmana passada que sostenián l'iniciativa de far un referendum d’independéncia lo 6 d’abril de 2019. L'iniciativa l'aviá prepausada, qualques jorns abans, lo president de Formosa TV e li donan lor supòrt d’importants elegits de l'illa.
Lo sosten d'aqueles dos èx-caps d'estat dona un vam important a la proposicion, que ten lo sosten del govèrn independentista de l'illa, e mai s'encara s'es pas prononciat oficialament.
Taiwan a un estatut unic en politica internacionala. Oficialament, lo govèrn de Taibei ditz, dempuèi 1941, qu'es lo govèrn legitim de China tota e es reconegut coma tal per vint estats de tot lo Mond. Pasmens, en practica, Taiwan es un estat independent, amb una granda estabilitat economica e politica e un poder militar remarcable. Ça que la, l'independéncia de Taiwan s’es pas jamai mesa sus la taula formalament perque la Republica Populara de China considèra que Taiwan es una part de la China e es absoludament contrària a l'independéncia.
Taiwan a una estenduda de 35 801 km2 e una populacion de près de 23 milions d’abitants. Taibei n’es la vila principala e la capitala.
Lo sosten d'aqueles dos èx-caps d'estat dona un vam important a la proposicion, que ten lo sosten del govèrn independentista de l'illa, e mai s'encara s'es pas prononciat oficialament.
Taiwan a un estatut unic en politica internacionala. Oficialament, lo govèrn de Taibei ditz, dempuèi 1941, qu'es lo govèrn legitim de China tota e es reconegut coma tal per vint estats de tot lo Mond. Pasmens, en practica, Taiwan es un estat independent, amb una granda estabilitat economica e politica e un poder militar remarcable. Ça que la, l'independéncia de Taiwan s’es pas jamai mesa sus la taula formalament perque la Republica Populara de China considèra que Taiwan es una part de la China e es absoludament contrària a l'independéncia.
Taiwan a una estenduda de 35 801 km2 e una populacion de près de 23 milions d’abitants. Taibei n’es la vila principala e la capitala.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari