Actualitats
Un roman infantil que revendica Occitània, son istòria e sas femnas
Una istòria de gats, de trobadors, de jòcs florals e sustot de femnas e de trobairises, la nos conta Cinta Arasa dins son libre Mission Trobairitz
Qualques jorns abans lo Grand Concors dels Trobadors de Lengadòc, un comando d’ombras misteriosas envasiguèt de nuèch las carrièras de Tolosa. L’endeman, las parets de la Ciutat Mondina èran plenas de poèmas escriches en violet. Degun sap pas qual o a fach, quitament pas las trobairises, qu’an vist qu’aqueles pichons èssers desconeguts avián aviat un plan per lor ajudar a far ausir lor votz.
Aquesta istòria de gats, de trobadors, de jòcs florals e sustot de femnas e de trobairises, la nos conta Cinta Arasa dins son libre Mission Trobairitz, un roman infantil que revendica Occitània, sa lenga, sa cultura, son istòria e sas femnas.
Lo libre se publiquèt en catalan en 2013 e aguèt un brave succès. De soslinhar que l’escrivana, Cinta Arasa, nascuda a Tortosa en 1978, a publicat mai d'un libre pels enfants. Mas aquela darrièra òbra que revendica Occitània l’an traducha en occitan aranés. ‘Ei un libre d’interès coma materiau didactic entàs escòles dera Val d’Aran per sua tematica plan restacada damb era lengua aranesa’, çò diguèt lo Sindic d’Aran dins l’encastre de la presentacion de l’òbra en Aran en novembre passat.
L’òbra en occitan se presentèt a Barcelona, al CAÒC, lo 22 de febrièr passat en preséncia de l’escrivana e d’Antoni Rossell, director de l’Archiu Occitan de l’Universitat Autonòma de Barcelona.
L’òbra l'illustran los dessenhs d’Ignasi Blanch.
ARASA, Cinta. Mission Trobairitz. (Traduccion occitana de María José Fernández). Animallibres, 2017. 127 paginas. 8,31 èuros.
Presentacion a Barcelona:
Aquesta istòria de gats, de trobadors, de jòcs florals e sustot de femnas e de trobairises, la nos conta Cinta Arasa dins son libre Mission Trobairitz, un roman infantil que revendica Occitània, sa lenga, sa cultura, son istòria e sas femnas.
Lo libre se publiquèt en catalan en 2013 e aguèt un brave succès. De soslinhar que l’escrivana, Cinta Arasa, nascuda a Tortosa en 1978, a publicat mai d'un libre pels enfants. Mas aquela darrièra òbra que revendica Occitània l’an traducha en occitan aranés. ‘Ei un libre d’interès coma materiau didactic entàs escòles dera Val d’Aran per sua tematica plan restacada damb era lengua aranesa’, çò diguèt lo Sindic d’Aran dins l’encastre de la presentacion de l’òbra en Aran en novembre passat.
L’òbra en occitan se presentèt a Barcelona, al CAÒC, lo 22 de febrièr passat en preséncia de l’escrivana e d’Antoni Rossell, director de l’Archiu Occitan de l’Universitat Autonòma de Barcelona.
L’òbra l'illustran los dessenhs d’Ignasi Blanch.
ARASA, Cinta. Mission Trobairitz. (Traduccion occitana de María José Fernández). Animallibres, 2017. 127 paginas. 8,31 èuros.
Presentacion a Barcelona:
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 Lo concors Aran de literatura aviá una categoria "conde infantil" duscas a 2016: https://www.jornalet.com/nova/4470/an-doberta-la-convocacion-de-2015-del-premi-aran-de-literatura Es pas de lengadocian mas res empacha pas de far de manlèus.
Un "roman infantil" ...
Francament, Jornalet, se me trapatz una vidèo de qualqu'un qu'emplega aquel qualificatiu per parlar d'un "roman"
O
... se me trapatz un estrach d'un autre jornal o d'un autre escrich quin que siá que l'emplega ...
OK ... cambiarai d'avís ...
Mas per ieu ara un "roman infantil" aquò EXISTIS PAS ! Se vei pas enluòc. Pas en lengadocian. E es lo dialecte de l'article.
Sens voler èsser nèci, me serà de milhor legir la version en catalan que non pas la en gascon aranès =/
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari