Actualitats
Val d’Aosta: nòu movement politic autonomista-federalista
Lo grop d’opinion Mouv’ es vengut un partit que se vòl presentar a las eleccions, après la “decepcion” del govèrn actual del país arpitan
Los membres del Mouv’ considèran que caliá fondar un nòu partit autonomista e progressista dins lo país arpitan, après “la decepcion del govèrn actual” compausat dels dos partits autonomistas màgers, l’Union Valdostana e l’Union Valdostana Progressista.
De fach, tres sòcis del movement Mouv’ èran ja deputats al Conselh de la Val d’Aosta dins de partits diferents.
La lenga arpitana
La Val d’Aosta es un dels endreches ont la lenga arpitana se tròba en melhora santat. Aquela lenga, tanben sonada francoprovençal, se parla dins los estats francés, soís e italian (Aosta), ont gaudís d’una cèrta reconeissença.
Arpitània, es a dire lo país de la lenga arpitana, sembla un triangle que compren Lion, Roana, Sant Estève, Pontarliér, Grenòble, Chamberí, Aosta, Genèva, Lausana e Nôchâthél (Neuchâtel). La lenga seriá parlada solament per 60 000 personas, dont la majoritat de vièlhs. Pasmens, son usatge es encara fòrça important en Val d’Aosta e dins lo vilatge soís d’Evolêna (Évolène). Dempuèi los ans 1970 existís un movement de recuperacion lingüistica.
La lenga recebèt la denominacion de francoprovençal en 1873 de las mans del filològ friolan Graziadio Isaia Ascoli, que considerèt que s’agissiá d’un parlar de transicion entre lo francés e l’occitan. Lo nom arpitan, format a partir del nom dels Alps en arpitan, es sortit al sen dels militants de la Val d’Aosta, en particular de Jozé Harrieta, a partir dels ans 1970.
Ieri nel corso dell'assemblea sono stati eletti i membri del nuovo coordinamento che sono:
— MOUV' (@MOUV2017) 25 de febrer de 2018
Riccardo Santin
Simona Mele
Luciano Caveri
Corrado Binel
Jenny Cagniney
Andrea Perosino
Massimo Salvadori
Mauro Caniggia
Chantal Vuillermoz
Monica Segandreddo
Sandro Brunodet pic.twitter.com/11ya6XXgQi
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Vinga, Vinga, quants mes serem mes... Que la Vall d'Aosta miri endavant sense traves i que arribi allà on els ciutadans desitjin.
Visca la Terra...Lliure!
L'Ernest, "El Tàrrega".
Obludatz de dire que l'arpitan es tanben parlat dins lu Piemont, expl. : la val de Susa, la val de Soana...
Podem maitot nomar las comunas de Fête e Cèles, dins la Polha (la Poulye), isolats lingusitics coma lur quasi-vesina La Gàrdia (Guardia Piemontese) en Calàbria.
Arpitans, occitans, mesma(-s) combat(-s) !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari