Actualitats
Rugbi de XIII: promocion suls cartons en Elèit 1
Lo temps que fa jòga un ròtle dins lo debanament de las competicions e de las partidas: anullacions per causa de nèu o d’aigat, vent que rend malaisidas las passas e improbables los còps de pè
Alan Roch
Superliga: la nèu se convida a la fèsta
La nèu que tombèt sus Anglatèrra menèt al repòrt de la partida dels Dragons Catalans cò dels campions de Leeds a una data qu’es pas encara fixada pels organizaires de la competicion. Reportat tanben lo rescontre Hull KR-Castleford. Se Hull KR poguèt pas jogar lo dijòus, Hull FC poguèt divendres per batre Warrington: 21-12. Wigan, un moment menat 16-0 sus sa pelena pels Vikings de Widnes, cambièt de ritme per véncer 32-16!
Doas autras partidas foguèron remandadas del divendres al dimenge e vegèron las victòrias de Wakefield sus Huddersfield: 22-4 e de Saint Helens sens pietat per Salford: 34-2.
Aqueste dissabte 10 de març, a Brutus (6 oras del ser), los Dragons catalans reçaupràn Hull KR.
Elèit-1: desequilibri de las fòrças
En Elèit 1, tres de las cinc partidas de la primièra jornada retorn se son clavadas sus de diferéncias bèlas: victòrias dels Dragonets fàcia a Vilanòva: 70-6; de Lesinhan sus Tolosa: 58-16 e de Limós fàcia a Sent Gaudenç: 58-6. Los prepausats als planchòts acabèron la partida amb de bastets als caps dels dets!
Los catalans de Palau son los autors de la suspresa del jorn: dissabte en fin de vèspre, s’anèron impausar a Albi 28-22 e tornan al classament a un punt de l’AS Carcassona . Los Canaris, que coneisson de problèmas extrasportius (las caissas del club refofan pas de moneda) e tanben una infirmariá plan garnida, tornan pèrdre a Domèc fàcia a Avinhon: 27-12.
Una sola partida al programa de la dimenjada venenta per començar a metre lo calendièr a jorn: Avinhon-Vilanòva, dissabte a 4 oras del vèspre al Pargue dels Espòrts ont jòga dempuèi la debuta de la sason l’esquipa blau e blanc.
Elèit 2: los Lops mossegan encara e encara
Aqueste dimenge, a Vilagalhenc, l’equipa locala del VARL recebiá lo cap de fila d’Elèit 2: Vilafranca de Roergue. La partida foguèt indecisa e los vesitaires passèron una penalitat a la darrièra minuta per ganhar: 24-22. Lo president de la Federacion Marc Palanques a rescontrat dirigents e elegits de la ciutat roergassa per considerar la montada del club (campion en Elèit 2 en 2016 e 2017) en Elèit 1 al mai lèu.
Los quarts de la Copa
Diluns passat (26 de febrièr), se tirèron dins los locals de L’Indépendant a Perpinhan los quarts de finala de la Copa Lòrd-Derby. Al programa: lo revenge de la finala 2017 amb Carcassona-Lesinhan; la formacion d’Elèit 2 Vilagalhenc-Argon reçauprà Albi; Palau anirà desfisar Limós alara qu’a Sant Estève los Dragonets ensajaràn de batre Avinhon.
Represa en NRL
Lo campionat australian repren aquesta setmana amb las partidas: Dragons de St Jòrdi contra Brisbane Broncos (dijòus); Newcastle contra Manly, los Vaquièrs contra las Làmias de Cronulla (divendres); los Tigres contra los Pols de Sydney, los Lapinons contra los NZ Fighters, los Dògols contra Melbourne (dissabte). La darrièra partida entre Titans e Raiders se jogarà dimenge. Una primièra jornada per una avaloracion de las fòrças en preséncia. Qual marcarà son nom darrièr la Tempèsta de Melbourne sul trofèu?
Alan Roch
La nèu que tombèt sus Anglatèrra menèt al repòrt de la partida dels Dragons Catalans cò dels campions de Leeds a una data qu’es pas encara fixada pels organizaires de la competicion. Reportat tanben lo rescontre Hull KR-Castleford. Se Hull KR poguèt pas jogar lo dijòus, Hull FC poguèt divendres per batre Warrington: 21-12. Wigan, un moment menat 16-0 sus sa pelena pels Vikings de Widnes, cambièt de ritme per véncer 32-16!
Doas autras partidas foguèron remandadas del divendres al dimenge e vegèron las victòrias de Wakefield sus Huddersfield: 22-4 e de Saint Helens sens pietat per Salford: 34-2.
Aqueste dissabte 10 de març, a Brutus (6 oras del ser), los Dragons catalans reçaupràn Hull KR.
Elèit-1: desequilibri de las fòrças
En Elèit 1, tres de las cinc partidas de la primièra jornada retorn se son clavadas sus de diferéncias bèlas: victòrias dels Dragonets fàcia a Vilanòva: 70-6; de Lesinhan sus Tolosa: 58-16 e de Limós fàcia a Sent Gaudenç: 58-6. Los prepausats als planchòts acabèron la partida amb de bastets als caps dels dets!
Los catalans de Palau son los autors de la suspresa del jorn: dissabte en fin de vèspre, s’anèron impausar a Albi 28-22 e tornan al classament a un punt de l’AS Carcassona . Los Canaris, que coneisson de problèmas extrasportius (las caissas del club refofan pas de moneda) e tanben una infirmariá plan garnida, tornan pèrdre a Domèc fàcia a Avinhon: 27-12.
Una sola partida al programa de la dimenjada venenta per començar a metre lo calendièr a jorn: Avinhon-Vilanòva, dissabte a 4 oras del vèspre al Pargue dels Espòrts ont jòga dempuèi la debuta de la sason l’esquipa blau e blanc.
Elèit 2: los Lops mossegan encara e encara
Aqueste dimenge, a Vilagalhenc, l’equipa locala del VARL recebiá lo cap de fila d’Elèit 2: Vilafranca de Roergue. La partida foguèt indecisa e los vesitaires passèron una penalitat a la darrièra minuta per ganhar: 24-22. Lo president de la Federacion Marc Palanques a rescontrat dirigents e elegits de la ciutat roergassa per considerar la montada del club (campion en Elèit 2 en 2016 e 2017) en Elèit 1 al mai lèu.
Los quarts de la Copa
Diluns passat (26 de febrièr), se tirèron dins los locals de L’Indépendant a Perpinhan los quarts de finala de la Copa Lòrd-Derby. Al programa: lo revenge de la finala 2017 amb Carcassona-Lesinhan; la formacion d’Elèit 2 Vilagalhenc-Argon reçauprà Albi; Palau anirà desfisar Limós alara qu’a Sant Estève los Dragonets ensajaràn de batre Avinhon.
Represa en NRL
Lo campionat australian repren aquesta setmana amb las partidas: Dragons de St Jòrdi contra Brisbane Broncos (dijòus); Newcastle contra Manly, los Vaquièrs contra las Làmias de Cronulla (divendres); los Tigres contra los Pols de Sydney, los Lapinons contra los NZ Fighters, los Dògols contra Melbourne (dissabte). La darrièra partida entre Titans e Raiders se jogarà dimenge. Una primièra jornada per una avaloracion de las fòrças en preséncia. Qual marcarà son nom darrièr la Tempèsta de Melbourne sul trofèu?
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari