Actualitats
Reialme Unit: un èx-espion rus intoxicat se tròba dins un estat de santat fòrça critic
La situacion a amodat l’alèrta maximala perque son cas ramenta lo d’Aleksandr Litvinenko
Un èx-espion rus es estat intoxicat al Reialme Unit per una substància desconeguda e son estat de santat es fòrça critic. La situacion a amodat l’alèrta maximala perque son cas remembra lo de l’èx-agent de la KGB, Aleksandr Litvinenko, que moriguèt en 2006, empoisonat per una substància radioactiva.
L’òme intoxicat es Sergei Skripal, un ancian agent rus condemnat dins son país en 2006 per aver espionat al servici del Reialme Unit. Quatre ans pus tard, foguèt menat a Londres, dins un dels escambis pus importants de la Guèrra Freja.
Skripal, de 66 ans, e una femna de 30, los trobèron inconscients a Salisbury, dins lo sud-oèst d’Anglatèrra. Segon de testimoniatges, “la femna s’apiegèt sus el, semblava que s’èra estavanida. Fasiá de movements estranhs amb las mans en regardant lo cèl”. Los testimònis afirman que la situacion èra talament estranha que sabián pas qué far per lor ajudar.
L’afar Litvinenko
En genièr de l’an passat, dètz ans après sa mòrt, los enquestaires del presumit assassinat de l’èx-membre del KGB Aleksandr Litvinenko publiquèron los resultats definitius. Lor recèrca confirmava çò que fòrça mond ja pensavan: Litvinenko moriguèt après ingerir de polòni 210. Çò mai determinant es que los servicis secrets britanics an pogut demostrar que foguèron los èx-companhs e camaradas de Litvinenko, Andrei Lugovoi e Dmitriy Kovtun, qu’aurián introduch la substància letala dins lo tè que lo prenguèt Litvinenko pendent un rescontre cordial dels tres al centre de Londres. 22 jorns puèi, Litvinenko morissiá dins la capitala britanica al mièg de la polemica.
L’òme intoxicat es Sergei Skripal, un ancian agent rus condemnat dins son país en 2006 per aver espionat al servici del Reialme Unit. Quatre ans pus tard, foguèt menat a Londres, dins un dels escambis pus importants de la Guèrra Freja.
Skripal, de 66 ans, e una femna de 30, los trobèron inconscients a Salisbury, dins lo sud-oèst d’Anglatèrra. Segon de testimoniatges, “la femna s’apiegèt sus el, semblava que s’èra estavanida. Fasiá de movements estranhs amb las mans en regardant lo cèl”. Los testimònis afirman que la situacion èra talament estranha que sabián pas qué far per lor ajudar.
L’afar Litvinenko
En genièr de l’an passat, dètz ans après sa mòrt, los enquestaires del presumit assassinat de l’èx-membre del KGB Aleksandr Litvinenko publiquèron los resultats definitius. Lor recèrca confirmava çò que fòrça mond ja pensavan: Litvinenko moriguèt après ingerir de polòni 210. Çò mai determinant es que los servicis secrets britanics an pogut demostrar que foguèron los èx-companhs e camaradas de Litvinenko, Andrei Lugovoi e Dmitriy Kovtun, qu’aurián introduch la substància letala dins lo tè que lo prenguèt Litvinenko pendent un rescontre cordial dels tres al centre de Londres. 22 jorns puèi, Litvinenko morissiá dins la capitala britanica al mièg de la polemica.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Los serveis secrets britanics estan molt units als dels EEUU. Son la prolongacions dels serveis secrets nordamericans a Europa. No farien res qu' anàs en contra dels serveis nordamericans, tant per tuar coma per espiar o per donar informacions messorguieras. Non cresi qu' un exagent secret rus ja gran estigue segur en GB.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari