Actualitats
Cauma mondiala feminista
Jornalet sosten las revendicacions dels collectius feministas e fasèm la cauma
Es l’uèch de març, lo Jorn Internacional dels Dreches de las Femnas. Ongan, aquela commemoracion e revendicacion per l'egalitat de genre, es venguda una cauma mondiala pels dreches, l'egalitat e la justícia de las femnas. Lo secutament sexual, la violéncia e la discriminacion de las femnas fan tròp sovent la primièra pagina dels mèdias. Per tant, los mèdias cresèm qu'es tanben nòstra tòca d'encoratjar lo debat public per tal que s’engatge per un cambiament social.
Jornalet sosten las revendicacions dels collectius feministas e fasèm la cauma. Uèi, publicam doncas solament aquesta informacion sens article d'opinion. Encoratjam los legeires a daissar de costat l'ordenador, lo telefòn mobil o la tauleta, e a jónher lo movement feminista, en participant a qualque manifestacion, o en sostenent las caumairas e los caumaires.
Los que demoraràn connectats poiràn seguir lo debanament de la jornada mejançant l'etiqueta #IWD2018.
Una cauma de portada mondiala
Es la primièra cauma feminista de 24h, malgrat que i aja de precedents dins de païses coma Islàndia, ont en 1975 una cauma de femnas paralisèt lo país. L’an passat, una iniciativa semblabla per protestar contra la violéncia masclista aguèt un grand succès en Argentina, e aquela convocacion, amb la Women’s March dels Estats Units e la manifestacion multitudinària contra l’enebicion de l’avortament en Polonha, an donat de vam a aquela nòva protèsta feminista a escala internacionala. Mai de cent cinquanta païses jonhon lo #WeStrike jos un lèma que met sus la taula totes los tipes de violéncia que los patisson las femnas: “Se nòstras vidas valon pas res, produsètz sens nosautras”.
Mai de 150 estats de la planeta viuràn aquesta cauma feminista, e s’espèra que las manifestacions sián las pus multitudinàrias de l’istòria gràcias a la campanha #Metoo qu’a revelat fòrça escàndols masclistas. Aquela campanha se difusèt a partir d’octòbre passat e encoratja las femnas a partejar lors experiéncias sus Twitter. Las revelacions son susprenentas e nos mòstran que las agressions masclistas dins nòstra societat son inquietantas. La campanha fa servir d’etiquetas suls rets socials en divèrsas lengas, dont أنا_كمان# en arabi, #NiEre en basco, #JoTambé en catalan, #QuellaVoltaChe en italian, #YoTambién en espanhòl... En francés s’emplega las etiquetas #MoiAussi e #BalanceTonPorc, e en occitan Jornalet prepausa d’utilizar #IeuTanben.
Dins l’estat francés, se fa una crida a una cauma del trabalh, del consume, de l’educacion... I aurà doas manifestacions a París, una d’institucionala que passarà per las carrièras de la capitala francesa coma cada an, e una autra que cercarà de generar un debat a l’entorn dels subjèctes mai polemics que son dins lo debat public coma lo cairat islamic o la prostitucion. Lo collectiu Grève Internationale des Femmes (Cauma internacionala de las femnas) publica sus Facebook una mapa collaborativa ont se pòt partejar totes los endreches ont auràn luòc d’accions.
En Catalonha, los principals sindicats (CGT, CNT, USTEC, CCOO, UGT, CSC) cridan tanben a la cauma mai que mai per revendicar la diferéncia salariala, qu’es del 23% entre los òmes e las femnas, e tanben contra lo secutament e las agressions masclistas. La cauma concernís tanben los domenis del trabalh, de l’educacion, del consume... En mai d’aquò, tanben s’apèla a una cauma de las femnas al fogal que se revendica amb l’etiqueta #PenjaElDavantal (penja lo davantal).
Que pòdon far los òmes?
E mai se tracte d’una cauma de femnas que servís per revendicar los dreches de las femnas, los òmes pòdon e devon sosténer. Los òmes pòdon ajudar a lors collègas caumairas dins los mitans del trabalh o l’educacion, sonhar lors parents e sustot assistir e participar a las mobilizacions.
Jornalet sosten las revendicacions dels collectius feministas e fasèm la cauma. Uèi, publicam doncas solament aquesta informacion sens article d'opinion. Encoratjam los legeires a daissar de costat l'ordenador, lo telefòn mobil o la tauleta, e a jónher lo movement feminista, en participant a qualque manifestacion, o en sostenent las caumairas e los caumaires.
Los que demoraràn connectats poiràn seguir lo debanament de la jornada mejançant l'etiqueta #IWD2018.
Una cauma de portada mondiala
Es la primièra cauma feminista de 24h, malgrat que i aja de precedents dins de païses coma Islàndia, ont en 1975 una cauma de femnas paralisèt lo país. L’an passat, una iniciativa semblabla per protestar contra la violéncia masclista aguèt un grand succès en Argentina, e aquela convocacion, amb la Women’s March dels Estats Units e la manifestacion multitudinària contra l’enebicion de l’avortament en Polonha, an donat de vam a aquela nòva protèsta feminista a escala internacionala. Mai de cent cinquanta païses jonhon lo #WeStrike jos un lèma que met sus la taula totes los tipes de violéncia que los patisson las femnas: “Se nòstras vidas valon pas res, produsètz sens nosautras”.
Mai de 150 estats de la planeta viuràn aquesta cauma feminista, e s’espèra que las manifestacions sián las pus multitudinàrias de l’istòria gràcias a la campanha #Metoo qu’a revelat fòrça escàndols masclistas. Aquela campanha se difusèt a partir d’octòbre passat e encoratja las femnas a partejar lors experiéncias sus Twitter. Las revelacions son susprenentas e nos mòstran que las agressions masclistas dins nòstra societat son inquietantas. La campanha fa servir d’etiquetas suls rets socials en divèrsas lengas, dont أنا_كمان# en arabi, #NiEre en basco, #JoTambé en catalan, #QuellaVoltaChe en italian, #YoTambién en espanhòl... En francés s’emplega las etiquetas #MoiAussi e #BalanceTonPorc, e en occitan Jornalet prepausa d’utilizar #IeuTanben.
Dins l’estat francés, se fa una crida a una cauma del trabalh, del consume, de l’educacion... I aurà doas manifestacions a París, una d’institucionala que passarà per las carrièras de la capitala francesa coma cada an, e una autra que cercarà de generar un debat a l’entorn dels subjèctes mai polemics que son dins lo debat public coma lo cairat islamic o la prostitucion. Lo collectiu Grève Internationale des Femmes (Cauma internacionala de las femnas) publica sus Facebook una mapa collaborativa ont se pòt partejar totes los endreches ont auràn luòc d’accions.
En Catalonha, los principals sindicats (CGT, CNT, USTEC, CCOO, UGT, CSC) cridan tanben a la cauma mai que mai per revendicar la diferéncia salariala, qu’es del 23% entre los òmes e las femnas, e tanben contra lo secutament e las agressions masclistas. La cauma concernís tanben los domenis del trabalh, de l’educacion, del consume... En mai d’aquò, tanben s’apèla a una cauma de las femnas al fogal que se revendica amb l’etiqueta #PenjaElDavantal (penja lo davantal).
Que pòdon far los òmes?
E mai se tracte d’una cauma de femnas que servís per revendicar los dreches de las femnas, los òmes pòdon e devon sosténer. Los òmes pòdon ajudar a lors collègas caumairas dins los mitans del trabalh o l’educacion, sonhar lors parents e sustot assistir e participar a las mobilizacions.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Aquela jornada devria se sonar jornada de l'energia feminina.
L'energia feminina es mai qu'una revendicacion feminista. Tòca tot lo monde, los òmes coma las femnas. L'energia feminina quò es mai de fisança en se, a son intuicion, a son còr. D'alhors Jornalet, dins aquesta article, zo dich plan : laissatz l'ordinator, lo jornau, lo media e jònher las manifestatacions autrament dich laissam l'agitacion politica e mediatica per escotar son ressenti. la meditacion pren de mai en mai de plaça dins la societat. Veiretz que lo president d'una amassada locala o nacionala commençara sa presidença de seança en far una meditacion e lo quite ensenhaire tanben..
Sur internet i a belcòp de festivals dau feminin ente se mela l'espirituau emben lo feminisma.
Lo cairat islamiste es dins lo debat public? Perque lo cairat catariste es pas dins lo debat public?
Que podan far los òmes? Sostener de las revendicacions materialistas? Balhar daus dreits a las pinha-bregaudas qu'abusan de lòrs poders? Sufis pas de balhar daus dreits; fau pensar a s'ocupar de las relacions entre los uns e los autres : lo respect de se, de l'autre, de la planeta son de valors femininas.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari