Actualitats
Estat francés: enebiràn los uòus sortits de galinas engabiadas
A partir de 2022 se poirà solament crompar los uòus faches per de galinas que vivon en plen aire. Aquela mesura concernirà pas la produccion d'uòus per d'usatges industrials
A partir de l’an 2022 serà enebida en França la venda d’uòus de galinas engabiadas. Es a dire que dins quatre ans, la majoritat d’occitans consumarem solament d’uòus sortits de galinas elevadas en plen aire.
La mesura arriba d’un latz per de rasons de santat, car las polas elevadas dins de gàbias vivon amolonadas dins de pichons espacis sens lutz e son expausadas a mai de malautiás. De l’autre cal mençonar una reüssida importanta del movement animalista. Cossí que siá, lo ministre francés de l’agricultura e de l’alimentacion, Stéphane Travert, a anonciat que la mesura “es un engatjament de campanha del president de la Republica [francesa], e serà tengut”.
Ça que la, l’elevatge en batariá de las galinas s’arrestarà pas aicí, e los uòus d’aquelas polas qu’auràn pas l’astre seràn emplegats per d’usatges industrials.
Cossí identificar los uòus
Qualques cadenas de supermercats an davançat la mesura ecologista e vendon sonque d’uòus de galinas elevadas en plen aire. Pasmens, a l’ora de crompar podèm saber l’origina dels uòus en legissent lo còde qu’apareis sul clòsc.
Se lo còde comença per 0, los uòus provenon de galinas elevadas en plen aire, noiridas amb de granas e sens produches quimics.
Se comença per 1, vòl dire que las galinas son elevadas en plen aire, dins un espaci de quatre galinas per 1 m2, mas lor noiridura es pas biologica.
Se lo còde es 2, las galinas demòran dins de calabèrts. Son pas embarradas dins de gàbias mas vivon amolonadas, dotze galinas per 1 m2. Per evitar que se picoregen entre elas, lor talhan lo bèc.
Se lo còde es 3, las galinas vivon amolonadas dins de gàbias, alinhadas unas sus las autras, dins de calabèrts industrials, en de concidions fòrça insuportablas.
Lo partit animalista espanhòl, PACMA, demanda qu’aquela enebicion s’estenda dins l’estat espanhòl. “França es un clar exemple de l’imparabla tendéncia a de politicas animalistas dels païses pus avançats d’Euròpa, qu’Espanha ignòra dempuèi longtemps”, çò a declarat oficialament lo partit animalista qu’espèra de poder intrar al Parlament Europèu l’an que ven “per que se compare la legislacion a las revendicacions animalistas de la societat”.
La mesura arriba d’un latz per de rasons de santat, car las polas elevadas dins de gàbias vivon amolonadas dins de pichons espacis sens lutz e son expausadas a mai de malautiás. De l’autre cal mençonar una reüssida importanta del movement animalista. Cossí que siá, lo ministre francés de l’agricultura e de l’alimentacion, Stéphane Travert, a anonciat que la mesura “es un engatjament de campanha del president de la Republica [francesa], e serà tengut”.
Ça que la, l’elevatge en batariá de las galinas s’arrestarà pas aicí, e los uòus d’aquelas polas qu’auràn pas l’astre seràn emplegats per d’usatges industrials.
Cossí identificar los uòus
Qualques cadenas de supermercats an davançat la mesura ecologista e vendon sonque d’uòus de galinas elevadas en plen aire. Pasmens, a l’ora de crompar podèm saber l’origina dels uòus en legissent lo còde qu’apareis sul clòsc.
Se lo còde comença per 0, los uòus provenon de galinas elevadas en plen aire, noiridas amb de granas e sens produches quimics.
Se comença per 1, vòl dire que las galinas son elevadas en plen aire, dins un espaci de quatre galinas per 1 m2, mas lor noiridura es pas biologica.
Se lo còde es 2, las galinas demòran dins de calabèrts. Son pas embarradas dins de gàbias mas vivon amolonadas, dotze galinas per 1 m2. Per evitar que se picoregen entre elas, lor talhan lo bèc.
Se lo còde es 3, las galinas vivon amolonadas dins de gàbias, alinhadas unas sus las autras, dins de calabèrts industrials, en de concidions fòrça insuportablas.
Lo partit animalista espanhòl, PACMA, demanda qu’aquela enebicion s’estenda dins l’estat espanhòl. “França es un clar exemple de l’imparabla tendéncia a de politicas animalistas dels païses pus avançats d’Euròpa, qu’Espanha ignòra dempuèi longtemps”, çò a declarat oficialament lo partit animalista qu’espèra de poder intrar al Parlament Europèu l’an que ven “per que se compare la legislacion a las revendicacions animalistas de la societat”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Aquestas prediccions son per non far res ara. Què d'aquí quatre ans se farà ? Cresi pas aquestas promesas. Las paures galinas han de ser aliberadas del torment de la gabia. Los paures animals de Déu. Qu' animals son las personas!
#2 exemple: Macron afortisse que lei "pichòtas linhas" de trens saran conservadas. Mesura remirabla e importanta! Mai saran en carga dei Regions.
Autre exemple: la SCNF sarà pas privatisada. Mai laissarà una part dau mercat a la concurréncia (privada) e aquélei que podran plus èstre emplegats a la SNCF podran trobar de trabalh... dins la concurréncia privada!
Avètz dich "ipocrisia"?
Mai lei doás mesuras se rejónhon: se lei galinas son defòra, pòdon agachar lei trens passar! E una galina que se diverisse es mai urosa e fa doncas d'uòus melhors, coma cadun saup!
#2 E òc, lo còr a esquèrra e lo pòrtafuèlha a drecha. Un estil fòrça espandit dins l'electorat: pòt dormir tranquille lo Macron.
#4 La vida se noirís de la mòrt. La volontat de viure en un fòrça cèga. Los jorn que dins mon trauc me chaparàn los vèrmis, pòdi pas esperar d'eles la compassion pus mendra. Atal es… Cap bèstia dins aquel mal monde que non seriá la presa d'una bèstia…
Allo !! Polet acocolit jos mon craumèl, cèrqui desesperadament un pauc de compassion demest los comentaris. Trasi mal.
Sètz pas vosautres que vos anatz prene l'ast dins lo cuol ! Ni macron.
Escambiariái ben ma plaça dins un galinièr modèrne (aiga, electricitat) e al recès del rainal, contra cabana al mièg dels bòsques ; podètz escriure a Jornalet que farà sègre.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari