La cauma feminista mondiala se visquèt ièr amb mai o mens d'intensitat en Occitània tota.  Demest las divèrsas accions que se faguèron per tot lo país a l’ocasion del Jorn Internacional dels Dreches de las Femnas, i aguèt de recampaments en Arle, a Aush, Besièrs, Bordèu, Clarmont-Ferrand, Fois, Gap, Garait (Nauta Marcha), la Sala (Roergue), Marselha, Montalban, Narbona, Niça, Nimes, Orlhac, Privàs (Bas Vivarés), Sant Estève (Forés), Tarba, Tolon, Tolosa e Vielha (Val d’Aran), ont de centenats de personas foguèron los protagonistas d'un dels eveniments mai remarcables d’Occitània tota.
 
E mai s’es un petit país montanhòl, de salariadas e estudiantas de la Val d’Aran s'amassèron per centenats sus la plaça de la glèisa de la capitala aranesa. Aquí legiguèron un manifèst que revendicava la fin de las inegalitats salarialas en foncion del genre. Puèi, un cortègi format sustot de collegians e escolans, arribèt fins a la plaça del Conselh General d’Aran, ont legiguèron un manifèst que reclamava “un futur a on se pogue arténher era  paritat entre òmes e hèmnes”. (Fòtos)
 
A Tolosa, en mai de la manifestacion del ser, i aguèt una revendicacion de matin a l’Universitat del Miralh. D’estudiantas e trabalhadoiras manifestèron contra la seleccion e la fusion de las universitats.

 
 

 

[8 Mars à Toulouse]
Le cortège des étudiantes et travailleuses du Mirail, en lutte contre la sélection et la fusion des universités, à la manifestation du 8 mars #JourneeInternationaleDeLuttePourLesDroitsDesFemmes#8M#8mars2018#8marspic.twitter.com/IL2HwM2O4m

— RévolutionPermanente (@RevPermanente) 8 de març de 2018