Actualitats
L'Assemblada de China apròva d’esperlongar lo mandat de Xi Jinping
Tanben s’es decidit d'incorporar a la Constitucion una clausa ideologica sus la pensada del president
L'Assemblada de China a aprovat la reforma constitucionala que permetrà d'alongar lo mandat del president Xi Jinping. La votacion, facha a pòrtas barradas, se rendèt publica ièr dimenge de matin, après que se foguèt aprovat en un sòl vòte un paquet de 21 emendaments a la Constitucion amb 2958 vòtes favorables, 2 contra e 3 abstencions.
Aquela reforma abolís lo limit de mandats presidencials e dona la possibilitat a Xi Jinping, de 64ans, d'èsser president de China fins a l'an 2023, qu'es la data fixada coma fin de son mandat. E mai s'es decidit d'incorporar una clausa ideologica sus la pensada del president Xi Jinping "a prepaus del socialisme amb de caracteristicas chinesas per una nòva èra". D'autres emendaments aprovats preveson d'inclure un organisme estatal de supervision per combatre la corrupcion.
La primièra Constitucion de China foguèt aprovada en 1954; la Carta Magna en vigor, emendada en quatre escasenças, es de decembre de 1982.
La session annala de l'Assemblada comencèt lo 5 de març passat e se tendrà fins al 20 de març que ven, cinc jorns de mai que çò abitual.
Aquela reforma abolís lo limit de mandats presidencials e dona la possibilitat a Xi Jinping, de 64ans, d'èsser president de China fins a l'an 2023, qu'es la data fixada coma fin de son mandat. E mai s'es decidit d'incorporar una clausa ideologica sus la pensada del president Xi Jinping "a prepaus del socialisme amb de caracteristicas chinesas per una nòva èra". D'autres emendaments aprovats preveson d'inclure un organisme estatal de supervision per combatre la corrupcion.
La primièra Constitucion de China foguèt aprovada en 1954; la Carta Magna en vigor, emendada en quatre escasenças, es de decembre de 1982.
La session annala de l'Assemblada comencèt lo 5 de març passat e se tendrà fins al 20 de març que ven, cinc jorns de mai que çò abitual.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari