La linha 2 del tramvai de Niça ven de presentar sas anóncias musicalas e vocalas, realizadas pel compositor marselhés Michel Redolfi. En tot, se poirà ausir entrò 500 sons diferents, amb de tiratges aleatòris que cambiaràn tres còps per jorn. Mas benlèu çò que nos a atrach mai l’atencion es la pluralitat de lengas emplegadas, ont l’occitan i a sa plaça, una plaça fòrça modèsta, mas i es.
 
Ansin los viatjaires ausiràn de paraulas en occitan niçard, de contes urbans, de bruts del quotidian, de ressons dels mercats, etc. “Aquelei sòns devon donar una tonalitat rasseguranta, que i a un pichòt efiech mètro dins aqueu tramvai. Dins lo tunèl, aurem donc de bèlei nòtas calorosas, reconfortantas, grèvas. Puei, au mai anarem vèrs l’aeropòrt, au mai lei nòtas seràn aerianas. En fach, aquela linha es un pauqueton coma un grand clavier que cada estacion n'es una tòca”, çò explicava lo compositor.
 
Mai d’informacions sus Nice-Matin.