Actualitats
Los arqueològs a mand de trobar un segon campament viking en America
Lo campament, conegut coma Hóp e mençonat dins las sagas vikingas pendent de sègles, poiriá èsser trobat lèu
Fins a uèi lo jorn lo sol campament viking jamai trobat sus continent american es l’Anse aux Meadows, en Tèrra Nòva. Òr, un segond campament, conegut coma Hóp e mençonat dins las sagas vikingas pendent de sègles, poiriá èsser trobat lèu. Una celèbra arqueològa trabalha per lo trobar dins una region del nòrd-èst del Nòu Brunswick qu’a de vinha salvatja e de salmons, e ont los natius americans fasián de canoas amb de pèls d’animals.
Se Hóp foguèsse descobèrt, seriá lo segond campament viking descobèrt en tèrras americanas. L’autre, l’Anse aux Meadows, es situat dins lo nòrd de Tèrra Nòva. Aquò arriba après de decennis de recèrca de la comunautat arqueologica qu’a cercat en Tèrra Nòva, mas tanben dins l’Illa del Prince Edoard, dins lo Nòu Brunswick, en Nòva Escòcia, Maine, Nòva Anglatèrra e Nòva York. Totun, l’arqueològa qu’es mai prèp de lo descobrir, Birgitta Wallace, a utilizat la descripcion de las sagas vikingas e lo trabalh fach a L’Anse aux Meadows, mas tanplan en divèrses luòcs d’ancians campaments de natius americans. Per ela, Hóp se poiriá trobar dinsn la region de Miramichi-Chaleur.
“Pensi que poiriá èsser ailà –çò diguèt Wallace a la revista numerica Live Science–. Totun, seriá pas un vilatge mas mai d’un pr’amor que la localizacion auriá cambiat cada an: las sagas èran dichas oralament e aquò auriá provocat d’errors sul sit. I auriá agut aital plusors luòcs e non un sol sit”.
Una recèrca prigonda
Segon aquela arqueològa, lo Nòu Brunswick seriá lo sol luòc ideal segon los critèris de las sagas. I a de vinha sauvatge e de salmons, una barrièra de sabla e una populacion nativa qu’utilizava de canoas amb de pèls d’animals. I a pas pus de vinha dins l’Illa del Prince Edoard o en Nòva Escòcia. A mai, i a fòrça barrièras de sabla sus sa còsta èst.
En mai d’aquò, una recèrca realizada per l’arqueològa Catherine Carlson confirmèt que i aviá pas de salmons abans 1500 en Maine o Nòva Anglatèrra, mas si sul territòri dels Mi’kmaq dins la region de Miramichi-Chaleur, ont lo salmon èra tant abondós que los Mi’kmaq avián aquel animal coma totèm.
Segon Wallace, a L’Anse aux Meadows foguèron trobadas de fruches d’una espècia d’arbre originària de Nòva Brunswick. E tanben mai d’una grana d’aquela region. (Legissètz la seguida).
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.
Se Hóp foguèsse descobèrt, seriá lo segond campament viking descobèrt en tèrras americanas. L’autre, l’Anse aux Meadows, es situat dins lo nòrd de Tèrra Nòva. Aquò arriba après de decennis de recèrca de la comunautat arqueologica qu’a cercat en Tèrra Nòva, mas tanben dins l’Illa del Prince Edoard, dins lo Nòu Brunswick, en Nòva Escòcia, Maine, Nòva Anglatèrra e Nòva York. Totun, l’arqueològa qu’es mai prèp de lo descobrir, Birgitta Wallace, a utilizat la descripcion de las sagas vikingas e lo trabalh fach a L’Anse aux Meadows, mas tanplan en divèrses luòcs d’ancians campaments de natius americans. Per ela, Hóp se poiriá trobar dinsn la region de Miramichi-Chaleur.
“Pensi que poiriá èsser ailà –çò diguèt Wallace a la revista numerica Live Science–. Totun, seriá pas un vilatge mas mai d’un pr’amor que la localizacion auriá cambiat cada an: las sagas èran dichas oralament e aquò auriá provocat d’errors sul sit. I auriá agut aital plusors luòcs e non un sol sit”.
Una recèrca prigonda
Segon aquela arqueològa, lo Nòu Brunswick seriá lo sol luòc ideal segon los critèris de las sagas. I a de vinha sauvatge e de salmons, una barrièra de sabla e una populacion nativa qu’utilizava de canoas amb de pèls d’animals. I a pas pus de vinha dins l’Illa del Prince Edoard o en Nòva Escòcia. A mai, i a fòrça barrièras de sabla sus sa còsta èst.
En mai d’aquò, una recèrca realizada per l’arqueològa Catherine Carlson confirmèt que i aviá pas de salmons abans 1500 en Maine o Nòva Anglatèrra, mas si sul territòri dels Mi’kmaq dins la region de Miramichi-Chaleur, ont lo salmon èra tant abondós que los Mi’kmaq avián aquel animal coma totèm.
Segon Wallace, a L’Anse aux Meadows foguèron trobadas de fruches d’una espècia d’arbre originària de Nòva Brunswick. E tanben mai d’una grana d’aquela region. (Legissètz la seguida).
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#4
Jo tanben. Quan èri mainat qu'èra ua benda dessenhada difusida en fulheton dens Pif Gadget...
Quand èri dròlle, me fasiá pantaissar la saga d’Erik lo Roge. Enfin, la saga versión biblioteca verda.
"L'America, l'America
La voi véder, e que l'aurèi!
L'America, l'America
S'ei un saunei, qu'at saberèi!
Tots los shiulets de trin
E las sirènas de batèu
Van cantar shens cès ni pausa
La cançon de l'Eldoradò!"
#1 Puslèu un gasconisme que me sembla possible dins la rèsta de l'occitan. En gascon, se tròba "uei lo dia".
"Uèi lo jorn" seriá pas un ispanisme calcat sus l'espanhòl "hoy en día" ?
Es pas lo primièr còp que legissi aquela expression dins Jornalet, e es per aquò que me decidissi a pausar la question.
S'aquò se ditz en lenga nòstra, es dins qu'una region ?
A cò meu se volèm una forma alongada per "uèi", disèm "d'uèi" o "auèi"... o "al jorn de d'uèi".
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari