Actualitats
Ajudem a la Velorucion!
L'associacion Vélorution tolosana de la tòca sociala, qu’encoratja l'usatge de la bicicleta, a de besonh de solidaritat
Vélorution es una associacion nascuda en 2002 après la terribla constatacion de la situacion de la bicicleta a Tolosa. Vila completament dedicada a l’automobila, sa sola contribucion es la creacion de supausadas pistas ciclablas que son pas mai que de partidas de cauçadas pintradas, sovent encombradas pels veïculs, sens garentida de seguretat. Amb l’ajuda de bricolaires e bricolairas, lo primer obrador s’installa dins la cava d’un esquat tolosan, lo Clandé.
La primièra tòca de l’associacion es la reparacion de las bicicletas e lo reciclatge de las pèças recuperadas. Puèi, Vélorution desvolopa l’iniciativa dels garatges mobils suls diferents mercats de la vila per èsser mai proches dels ciclistas. D'obrador en obrador, l’associacion contunha la meteissa toca, en ensajant de far prene consciéncia als tolosans e a las tolosanas que la bicicleta es una alternativa vitala dins una vila de mai en mai escanada per las automobilas.
A l’entorn de 2010, Vélorution tròba un luòc abandonat dins lo quartièr de Sant Çubran, Carrièra Beneset. Una peticion de sosten mobiliza 6000 personas e permet a l’associacion de signar un balh amb la comuna que serà denonciat en 2012.
Actor social, l’associacion Vélorution permet tanben la reïnsercion de personas precàrias que podèm pas trobar de trabalh. Auèi, l'obrador es compausat d’emplegaires sasonièrs e permanents, sens comptar los benevòls, los 800 aderents, los simpatizants e las simpatizantas de Tolosa.
L’associacion participa a l’animacion d'obradors pels mainatges dins las escòlas cada setmana, organiza d’eveniments a l’entorn de la bicicleta e participa tanben a las campanhas de sosten pels migrants.
Mas la comuna de Tolosa se desinterèssa completament de las activitats de Vélorution en preferissent d'utilizar l’endrech per d’operacions mai lucrativas. Son acarnament a demandar la bandison de l'obrador abotís a una situacion absurda en agost de 2017: lo jutge del tribunal declara l’associacion d’utilitat publica mas autoriza que siá fòrabandida del luòc de la Carrièra Beneset. Ara, Vélorution torna prene las permanéncias dins un obrador situat en Carrièra Joubert. Coma aqueste es tròp pichon, los benevòls e los emplegaires pòdon pas far grand causa, d’aitan mens qu’una granda partida del material demòra encara en Carrièra Beneset. Sens recèpta financièra, l’associacion podrà pas viure longtemps.
Per saber cossí ajudar a la Velorucion, vesitatz lo sit web velorution-toulouse.org.
Hierro Setiembre
La primièra tòca de l’associacion es la reparacion de las bicicletas e lo reciclatge de las pèças recuperadas. Puèi, Vélorution desvolopa l’iniciativa dels garatges mobils suls diferents mercats de la vila per èsser mai proches dels ciclistas. D'obrador en obrador, l’associacion contunha la meteissa toca, en ensajant de far prene consciéncia als tolosans e a las tolosanas que la bicicleta es una alternativa vitala dins una vila de mai en mai escanada per las automobilas.
A l’entorn de 2010, Vélorution tròba un luòc abandonat dins lo quartièr de Sant Çubran, Carrièra Beneset. Una peticion de sosten mobiliza 6000 personas e permet a l’associacion de signar un balh amb la comuna que serà denonciat en 2012.
Actor social, l’associacion Vélorution permet tanben la reïnsercion de personas precàrias que podèm pas trobar de trabalh. Auèi, l'obrador es compausat d’emplegaires sasonièrs e permanents, sens comptar los benevòls, los 800 aderents, los simpatizants e las simpatizantas de Tolosa.
L’associacion participa a l’animacion d'obradors pels mainatges dins las escòlas cada setmana, organiza d’eveniments a l’entorn de la bicicleta e participa tanben a las campanhas de sosten pels migrants.
Mas la comuna de Tolosa se desinterèssa completament de las activitats de Vélorution en preferissent d'utilizar l’endrech per d’operacions mai lucrativas. Son acarnament a demandar la bandison de l'obrador abotís a una situacion absurda en agost de 2017: lo jutge del tribunal declara l’associacion d’utilitat publica mas autoriza que siá fòrabandida del luòc de la Carrièra Beneset. Ara, Vélorution torna prene las permanéncias dins un obrador situat en Carrièra Joubert. Coma aqueste es tròp pichon, los benevòls e los emplegaires pòdon pas far grand causa, d’aitan mens qu’una granda partida del material demòra encara en Carrièra Beneset. Sens recèpta financièra, l’associacion podrà pas viure longtemps.
Per saber cossí ajudar a la Velorucion, vesitatz lo sit web velorution-toulouse.org.
Hierro Setiembre
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari