Viure dins de territòris en lucha: l’exemple de l’Amassada
Situada sul planòl Sant Victor, acampa de mond en lucha contra lo projècte d’RTE de s’apoderar de las tèrras de dos joves agricultors per fin d’i metre un transformador electric de sèt ectaras
La victòria de Kernitron-al-Lann contra lo projècte d’aeropòrt es estat una esperança per los territòris en lucha contra la maquina de l’estat. D’autras luchas d’aquela mena an tanben luòc dins nòstre país. Avèm fòrça ausit a parlar de Sivens en 2015, quand l’intervencion de la gendarmariá provoquèt la mòrt de Rémi Fraisse, ara es a se parlar de Bure. E s’es sovent dich qu’aquel mond èran pas que de militants “bobos-écolos” d’en defòra del país e que volián impausar lor biais de pensar a aqueles de l’endrech. Uèi parlarem d’un cas que desmentís clarament aquel vejaire caricatural.
Se tracta de l’Amassada, que son nom oficial es en occitan, situada sul planòl Sant Victor de la comuna de Sant Victor e Malviu (Santafrican), qu’acampa de mond en lucha contra RTE (Ret Transpòrt Electricitat) que lo projècte d’RTE èra de s’apoderar de las tèrras de dos joves agricultors per fin d’i metre un transformador electric de sèt ectaras. Los de l’Amassada an doncas decidit d’ocupar e de comunalizar aquelas tèrras per ne far una proprietat comuna, indivisa, que sos membres, an prestat solemnament lo jurament —lo jurament dels Indivisibles— de la defendre contra aquel projècte e mai tot projècte de nosença:
“Aquel transformador —çò escrivon en francés sul lor sit— repartiriá sul ret internacional del comèrci de l’energia, la produccion de 1000 eolianas en construccion sus las sèrras de la region. Mentre que la municipalitat de Sant Victor e mai la majoritat dels estatjants, se son posicionats contra lo projècte; las maquinas invasivas de RTE e dels promotors avançan, sostengudas pels servicis de l’estat. Lo primièr jorn de l’ivèrn de 2014, una cabana apelada l’Amassada se quilha sus las tèrra cobejadas. Los rescontres, los ligams, las resisténcias s’espandisson e s’intensifican. Sèm al futur, aquí los elements que se defendon uèi.”
En mai de rendre visibla la lenga occitana e de promòure d’activitats ligadas a la cultura del país (La Talvera e Mauresca i faguèron un concèrt en 2017) “s’amassan” cada dissabte a 14h30 (per i anar o s’informar: escriure aquí), se tracta de parlar de l’ocupacion e de se manténer informats de l’actualitat. Tot çò que podèm dire, es qu’esperam que floriràn encara mila Amassadas d’aquela mena en Occitània!
Matiàs Gibèrt
Per mai d’informacion sus los “territòris en lucha”, veire lo libre del filosòf cevenòl Jean-Baptiste Vidalou: Être forêt: habiter des territoires en lutte (La découverte, 2017) e l’entrevista de Vidalou dins la revista Ballast .
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#6 Avètz rason, o sabiái pas. Ai legit sis wiki qu'en galò se ditz "Not·rdinm dé. Laundd [nɔtrʁdɛ̃mdelɑ̃œ̃d]. Sai pas perqué, Kernitron al Lan m'èra mai simpatic... Es un ponch pro segondari ça que la.
Perqué nomar Notre Dame des Landes " Kernitron-al-Lann", en breton ? La comuna es dins l'aira galesa, lu breton n'i es pas parlat. Aime los bretons, qu'es pas lu problema, mas aime, coma per l'occitan, que la gent respectessen las frontieras linguisticas.
Per trobar lo nom de la comuna en galò, si iò fau, n'i a de las associacions (pense a Bertègn Galèzz per erzemple).
Qu'es totjorn de bon saubre çò que se passa au niveu de las luchas popularas. Pasmens, dins los cas de las eolianas, sei totjorn un pauc sceptic, qu'es quò lo principau argument contra? Que profieche au grand capitau industriau o que fase pas brave dins lo païsatge? Dins queu darrier cas, trobariá quauqu'un pauc en dire puei que tròbe quand mesma fòrt que la gent acceptan sens problema las estabulacions gigantassas per l'agricultura, lo plastic de pertot dins la campanha, los pavilhons merdics, las antenas de radiotelefonia, lo "parpaing" omnipresent per tornar montar las maisons de peiras, lo bastit que s'esbòlha, los estanhs amainatjats en cascada sus un solet riu que còpan lo regolinament de las aigas e las eschauran que lo diable, çò qu'es un problema greu per la biodiversitat, lo plantadís de pinhiers monolitics per l'expleitacion forestiera, deserts de vita qu'acidifian la terra, afen, l'i auriá tant en dire...; donc, èsser contra las eolianas, perqué pas, mas si qu'es prumier un problema estetic, quò me fai totjorn calcular e mai aquí, vòle ben admetre que fase beucòp 1000 eolianas mas fau saubre çò que volem: de l'electriciat nucleara o de la renuvelabla? Bon, segur, faudriá tanben pensar a ne'n consomar pas tant de l'electricitat. Ente se'n pòt saubre mai?
#3 lenga de pelha tu medish...
hèsi pas lenga de pelha, sui en cerca d'informacions suu tèma, ende me bastir un vejaire un chic seriós. pr'amor l'argument de la mena "Si le super-transfo était construit, il faudrait le payer : un million environ." o "Il servirait le Business privé inter-états du marché de l’électricité, et donc nullement les personnes du Sud Aveyron et de la Région Midi Pyrénées."
tots am besunh d'electricitat, e tot çò qu'es produsit en eolian o fòtovoltaic n'es pas produsit en nucleari, aquí mon idèa mès ne sui pas briga specialista. un dorsèir complet m'interessaré !
#1 Fau anar veire avans de faire la lenga de pelha:
son pas sus Facebook e son sit es aqueste: https://douze.noblogs.org/amassada/ (
per informacien es una ret d'activistas e militants (https://noblogs.org/)
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
#6 Avètz rason, o sabiái pas. Ai legit sis wiki qu'en galò se ditz "Not·rdinm dé. Laundd [nɔtrʁdɛ̃mdelɑ̃œ̃d]. Sai pas perqué, Kernitron al Lan m'èra mai simpatic... Es un ponch pro segondari ça que la.
Perqué nomar Notre Dame des Landes " Kernitron-al-Lann", en breton ? La comuna es dins l'aira galesa, lu breton n'i es pas parlat. Aime los bretons, qu'es pas lu problema, mas aime, coma per l'occitan, que la gent respectessen las frontieras linguisticas.
Per trobar lo nom de la comuna en galò, si iò fau, n'i a de las associacions (pense a Bertègn Galèzz per erzemple).
Qu'es totjorn de bon saubre çò que se passa au niveu de las luchas popularas. Pasmens, dins los cas de las eolianas, sei totjorn un pauc sceptic, qu'es quò lo principau argument contra? Que profieche au grand capitau industriau o que fase pas brave dins lo païsatge? Dins queu darrier cas, trobariá quauqu'un pauc en dire puei que tròbe quand mesma fòrt que la gent acceptan sens problema las estabulacions gigantassas per l'agricultura, lo plastic de pertot dins la campanha, los pavilhons merdics, las antenas de radiotelefonia, lo "parpaing" omnipresent per tornar montar las maisons de peiras, lo bastit que s'esbòlha, los estanhs amainatjats en cascada sus un solet riu que còpan lo regolinament de las aigas e las eschauran que lo diable, çò qu'es un problema greu per la biodiversitat, lo plantadís de pinhiers monolitics per l'expleitacion forestiera, deserts de vita qu'acidifian la terra, afen, l'i auriá tant en dire...; donc, èsser contra las eolianas, perqué pas, mas si qu'es prumier un problema estetic, quò me fai totjorn calcular e mai aquí, vòle ben admetre que fase beucòp 1000 eolianas mas fau saubre çò que volem: de l'electriciat nucleara o de la renuvelabla? Bon, segur, faudriá tanben pensar a ne'n consomar pas tant de l'electricitat. Ente se'n pòt saubre mai?
#3 lenga de pelha tu medish...
hèsi pas lenga de pelha, sui en cerca d'informacions suu tèma, ende me bastir un vejaire un chic seriós. pr'amor l'argument de la mena "Si le super-transfo était construit, il faudrait le payer : un million environ." o "Il servirait le Business privé inter-états du marché de l’électricité, et donc nullement les personnes du Sud Aveyron et de la Région Midi Pyrénées."
tots am besunh d'electricitat, e tot çò qu'es produsit en eolian o fòtovoltaic n'es pas produsit en nucleari, aquí mon idèa mès ne sui pas briga specialista. un dorsèir complet m'interessaré !
#1 Fau anar veire avans de faire la lenga de pelha:
son pas sus Facebook e son sit es aqueste: https://douze.noblogs.org/amassada/ (
per informacien es una ret d'activistas e militants (https://noblogs.org/)
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari