Actualitats
Lo Tribunal Permanent dels Pòbles a jutjat Turquia per crimes de guèrra contra los curds
La tòca d'aquel jutjament es sustot de demostrar que las atacas de Turquia contra Curdistan son pas d'accions antiterroristas mas correspondon a un vertadièr conflicte armat que merita que s'i aplique lo drech umanitari internacional
Lo Tribunal Permament dels Pòbles (TPP) s'amassèt dijòus e divendres de la setmana passada, a la Borsa del Trabalh de París, per analisar los atacs de Turquia contra lo pòble curd e sas organizacions. Aquelas sesilhas las convoquèron l'Associacion Internacionala dels Avocats Democratas (IADL), l'Associacion Europèa dels Avocats per la Democracia e los Dreches Umans Mondials (ELDH), l'Associacion per la Democracia e la Lei Internacionala (MAF-DAD) e l'Institut Curd de Brussèlas.
Pendent aquelas doas jornadas, un tribunal de sèt jutges independents estudièt de sospechats crimes de guèrra de Turquia al Curdistan del Nòrd e tanben de presumits cases de terrorisme d'estat practicats pel govèrn turc amb l'assassinat extrajudiciari d'activistas en Euròpa de la man de sos servicis secrets. Los jutges son Teresa Almeida Cravo, Majid Benchikh, Lucia Castellina, Domenico Gallo, Denis J. Halliday, Norman Peach e Philippe Texier.
D'un latz, jutgèron los crimes comeses en 2015 e 2016 dins qualques vilas curdas, que la polícia e l'armada turcas avián devastat de quartièrs entièrs amb un nombre indeterminat de victimas civilas e de milièrs de desplaçats. De l'autre, s’analisèt mai que mai l’assassinat de tres militantas curdas a París en 2013, a partir de qualques pròvas materialas segon las qualas lo MIT seriá darrièr lo murtre. La mòrt del presumit assassin dins la preson empediguèt de demostrar los ligams amb los servicis secrets turcs.
Aquel Tribunal Permanent dels Pòbles s'es convocat dins l'encastre d’una intensificacion de las mesuras repressivas de Turquia tant al Curdistan septentrional coma a l’occidental, en Rojava, ont fa de setmanas que i a d'assauts militars aerians e terrèstres a Efrîn. En mai d'aquò, los estats de l'Union Europèa se servisson de mai en mai de lor dichas leis antiterroristas per perseguir los activistas curds refugiats.
La tòca d'aquel jutjament es sustot de difondre la dramatica situacion que la patís a l'ora d’ara Curdistan, e demostrar que son pas d'accions policièras per luchar contra lo nomenat terrorisme, mas un vertadièr conflicte armat que merita que s'aplique lo drech umanitari internacional.
Es previst que dins dos meses, aquel tribunal emeta un verdicte dins un relambi de dos meses al Collègi dels Avocats de París e al Parlament Europèu de Brussèlas.
Un tribunal creat per Bertrand Russell e Jean-Paul Sartre
Los ans 1966 e 1967, lo Tribunal Internacional suls Crimes de Guèrra faguèt un "jutjament d'opinion" per metre en examen e avalorar la politica exteriora e l'intervencion militara dels Estats Units en Vietnam. Aquela cort foguèt creada per dos prèmis Nobel de literatura, lo filosòf britanic Bertrand Russell, e lo filosòf e dramaturg francés Jean-Paul Sartre, e ara li dison popularament "Tribunal Russell-Sartre". Entre los ans 1973 e 1976 se tornèt convocar per tractar los conflictes de l'America Latina, que se considerava que la justicia locala èra pas imparciala e cap d’autre tribunal internacional i interveniá pas.
Es a partir d'aquela experiéncia que se creèt en 1979 a Bolonha lo Tribunal Permanent dels Pòbles (TTP) que periodicament s'es ocupat de jutjar divèrsas causas.
Pendent aquelas doas jornadas, un tribunal de sèt jutges independents estudièt de sospechats crimes de guèrra de Turquia al Curdistan del Nòrd e tanben de presumits cases de terrorisme d'estat practicats pel govèrn turc amb l'assassinat extrajudiciari d'activistas en Euròpa de la man de sos servicis secrets. Los jutges son Teresa Almeida Cravo, Majid Benchikh, Lucia Castellina, Domenico Gallo, Denis J. Halliday, Norman Peach e Philippe Texier.
D'un latz, jutgèron los crimes comeses en 2015 e 2016 dins qualques vilas curdas, que la polícia e l'armada turcas avián devastat de quartièrs entièrs amb un nombre indeterminat de victimas civilas e de milièrs de desplaçats. De l'autre, s’analisèt mai que mai l’assassinat de tres militantas curdas a París en 2013, a partir de qualques pròvas materialas segon las qualas lo MIT seriá darrièr lo murtre. La mòrt del presumit assassin dins la preson empediguèt de demostrar los ligams amb los servicis secrets turcs.
Aquel Tribunal Permanent dels Pòbles s'es convocat dins l'encastre d’una intensificacion de las mesuras repressivas de Turquia tant al Curdistan septentrional coma a l’occidental, en Rojava, ont fa de setmanas que i a d'assauts militars aerians e terrèstres a Efrîn. En mai d'aquò, los estats de l'Union Europèa se servisson de mai en mai de lor dichas leis antiterroristas per perseguir los activistas curds refugiats.
La tòca d'aquel jutjament es sustot de difondre la dramatica situacion que la patís a l'ora d’ara Curdistan, e demostrar que son pas d'accions policièras per luchar contra lo nomenat terrorisme, mas un vertadièr conflicte armat que merita que s'aplique lo drech umanitari internacional.
Es previst que dins dos meses, aquel tribunal emeta un verdicte dins un relambi de dos meses al Collègi dels Avocats de París e al Parlament Europèu de Brussèlas.
Un tribunal creat per Bertrand Russell e Jean-Paul Sartre
Los ans 1966 e 1967, lo Tribunal Internacional suls Crimes de Guèrra faguèt un "jutjament d'opinion" per metre en examen e avalorar la politica exteriora e l'intervencion militara dels Estats Units en Vietnam. Aquela cort foguèt creada per dos prèmis Nobel de literatura, lo filosòf britanic Bertrand Russell, e lo filosòf e dramaturg francés Jean-Paul Sartre, e ara li dison popularament "Tribunal Russell-Sartre". Entre los ans 1973 e 1976 se tornèt convocar per tractar los conflictes de l'America Latina, que se considerava que la justicia locala èra pas imparciala e cap d’autre tribunal internacional i interveniá pas.
Es a partir d'aquela experiéncia que se creèt en 1979 a Bolonha lo Tribunal Permanent dels Pòbles (TTP) que periodicament s'es ocupat de jutjar divèrsas causas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Ben fet, tots a la Presó! Aquí hi a tot arreu, pou impunitat dels estats imperialistes.
Visca la Terra...Lliure!
L'Ernest, "El Tàrrega".
An jutjat Turquia, mas an pas jutjat ni Siria, ni Espanha, ni França, ni mai Israèl…?
An jutjat Turquia, e an pas jutjat Espanha…?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari