Actualitats
Facebook auriá ajudat a las victòrias de Trump e del Brexit
Cinquanta milions de perfils del ret social, panats per una societat britanica, s’empleguèron amb tòcas politicas
Facebook auriá fach un usatge fraudulós de cinquanta milions de perfils en favor de Donald Trump. L’escàndol lo desvelèron la setmana passada los jornals The New York Times e The Observer. La societat Cambridge Analytica, restacada a la campanha electorala de Donald Trump, se serviguèt de cinquanta milions de perfils de Facebook, obtenguts d’un biais irregular, per ajudar Trump a ganhar las eleccions, e tanben ajudar los partisans del Brexit a ganhar lo referendum. L’Union Europèa e lo Reialme Unit an anonciat que menaràn d’enquèstas rigorosas sus aquel fach, que poiriá èsser lo panatòri de donadas privadas pus grand de l’istòria.
Que s’es passat?
Cambridge Analytica es una societat britanica que son especialitat es d’emplegar de grandas quantitats de donadas amb de tòcas politicas. L’entrepresa a agut un ròtle fondamental dins las victòrias de Trump e del Brexit, en creant d’estrategias per convéncer lo grand public. A partir de la denóncia d’un dels fondadors de la societat, Chris Wylie, The New York Times e The Observer an pogut demostrar que la societat obtenguèt mai de cinquanta milions de perfils d’usatgièrs de Facebook en 2014, que los faguèron servir en 2016 per orientar lo vòte en favor de Trump e del Brexit.
Las donadas, las trobèron gràcias a Aleksandr Kogan, qu’aviá creat una aplicacion de Facebook nomenada Thisisyourdigitallife. S’agissiá d’una aplicacion legala e pachada amb Facebook, e l’utilizèron 270 000 personas. Aquela aplicacion demandava accès a las donadas personalas dels usatgièrs, mas o aprofechava per intrar dins los perfils dels amics de cada usatgièr sens qu’o saupèsson.
E mai foguèsse una aplicacion legala, en 2014 aquel logicial contraveniá ja a doas nòrmas: d’un caire, l’informacion que l’amassava Aleksandr Kogan èra transmesa a un tèrç, Cambridge Analytica, çò qu’èra pas permés; de l’autre, accedissiá d’escondons als perfils dels amics.
Facebook se n’assabentèt en 2015 e reagiguèt pas brica corrèctament: o rendèt pas public, reconeguèt pas que li avián panat las donadas de cinquanta milions d’usatgièrs, e demandèt solament a Cambridge Analytica que las destruguèsse, sens verificar s’o aviá fach. En 2013, SCL, la societat proprietària de Cambridge Analytica, se metèt en contacte amb Steve Bannon, l’assessor politic de Donald Trump, e durant la campanha del president s’empleguèron los perfils raubats per orientar lo vòte.
La denóncia
Tot aquò o sabèm perque Chris Wylie, un dels fondadors de Cambridge Analytica, o a explicat e documentat. Wylie es un professor canadenc de 28 ans expèrt en l’usatge de donadas personalas per tòcas politicas, mas es fòrça contrari a Trump e al Brexit.
La denóncia l’a facha a aqueles dos jornals, e a descadenat una polemica talament granda que poiriá quitament far tombar Facebook.
L’escàndol que poiriá tuar Facebook
Lo ret social a ensajat de demorar a despart en disent que sabiá pas quin usatge ne fasiá Cambridge Analytica amb sas donadas. Divendres passat, quand se publiquèron los primièrs articles, Facebook se limitèt a anonciar que barrava lo compte de Cambridge Analytica e d’SCL. Las accions de Facebook davalèron fòrça en borsa.
Diluns, Facebook anoncièt qu’embauchariá una prestigiosa entrepresa extèrna per analisar çò que s’èra passat, e anonciava la volontat de cooperar amb lo parlament britanic per l’enquèsta.
Dissabte, la comission britanica sus la Societat de l’Informacion, Elizabeth Denham, anonciava ja una enquèsta d’a fons, complementària a l’enquèsta en cors sus l’ influéncia de Facebook sul vòte al referendum. En seguida, lo govèrn de Canadà anoncièt tanben una enquèsta parlamentària sul ròtle de Facebook en aquel afar. E diluns e dimars, lo Congrès dels Estats Units e lo Parlament Europèu faguèron saber que crearián tanben de comissions d’investigacion.
Ansin, Facebook a pas reüssit a demorar a despart pr’amor que dins los darrièrs meses es estat acusat de generar divèrsas crisis politicas per la manipòla dels messatges qu’arriban als usatgièrs, tant sus las eleccions estatsunidencas, coma sul Brexit, la crisi en Sri Lanka, l’afar dels robòts russes...
Segon qualques analistas, i a un autre escàndol mortal per Facebook. Sembla que se poiriá demostrar lèu que los perfils emplegats per Cambridge Analytica foguèron a disposicion dels comptes russes suls quals lo Congrès dels Estats Units estúdia fins a quin ponch influiguèron sul resultat de las eleccions.
La crisi, alavetz, seriá d’una dimension tant enòrma que poiriá destruire Facebook sul pic, tant per la reaccion del parlament estatsunidenc coma per la dels usatgièrs, e sustot per la de Wall Street.
Que s’es passat?
Cambridge Analytica es una societat britanica que son especialitat es d’emplegar de grandas quantitats de donadas amb de tòcas politicas. L’entrepresa a agut un ròtle fondamental dins las victòrias de Trump e del Brexit, en creant d’estrategias per convéncer lo grand public. A partir de la denóncia d’un dels fondadors de la societat, Chris Wylie, The New York Times e The Observer an pogut demostrar que la societat obtenguèt mai de cinquanta milions de perfils d’usatgièrs de Facebook en 2014, que los faguèron servir en 2016 per orientar lo vòte en favor de Trump e del Brexit.
Las donadas, las trobèron gràcias a Aleksandr Kogan, qu’aviá creat una aplicacion de Facebook nomenada Thisisyourdigitallife. S’agissiá d’una aplicacion legala e pachada amb Facebook, e l’utilizèron 270 000 personas. Aquela aplicacion demandava accès a las donadas personalas dels usatgièrs, mas o aprofechava per intrar dins los perfils dels amics de cada usatgièr sens qu’o saupèsson.
E mai foguèsse una aplicacion legala, en 2014 aquel logicial contraveniá ja a doas nòrmas: d’un caire, l’informacion que l’amassava Aleksandr Kogan èra transmesa a un tèrç, Cambridge Analytica, çò qu’èra pas permés; de l’autre, accedissiá d’escondons als perfils dels amics.
Facebook se n’assabentèt en 2015 e reagiguèt pas brica corrèctament: o rendèt pas public, reconeguèt pas que li avián panat las donadas de cinquanta milions d’usatgièrs, e demandèt solament a Cambridge Analytica que las destruguèsse, sens verificar s’o aviá fach. En 2013, SCL, la societat proprietària de Cambridge Analytica, se metèt en contacte amb Steve Bannon, l’assessor politic de Donald Trump, e durant la campanha del president s’empleguèron los perfils raubats per orientar lo vòte.
La denóncia
Tot aquò o sabèm perque Chris Wylie, un dels fondadors de Cambridge Analytica, o a explicat e documentat. Wylie es un professor canadenc de 28 ans expèrt en l’usatge de donadas personalas per tòcas politicas, mas es fòrça contrari a Trump e al Brexit.
La denóncia l’a facha a aqueles dos jornals, e a descadenat una polemica talament granda que poiriá quitament far tombar Facebook.
L’escàndol que poiriá tuar Facebook
Lo ret social a ensajat de demorar a despart en disent que sabiá pas quin usatge ne fasiá Cambridge Analytica amb sas donadas. Divendres passat, quand se publiquèron los primièrs articles, Facebook se limitèt a anonciar que barrava lo compte de Cambridge Analytica e d’SCL. Las accions de Facebook davalèron fòrça en borsa.
Diluns, Facebook anoncièt qu’embauchariá una prestigiosa entrepresa extèrna per analisar çò que s’èra passat, e anonciava la volontat de cooperar amb lo parlament britanic per l’enquèsta.
Dissabte, la comission britanica sus la Societat de l’Informacion, Elizabeth Denham, anonciava ja una enquèsta d’a fons, complementària a l’enquèsta en cors sus l’ influéncia de Facebook sul vòte al referendum. En seguida, lo govèrn de Canadà anoncièt tanben una enquèsta parlamentària sul ròtle de Facebook en aquel afar. E diluns e dimars, lo Congrès dels Estats Units e lo Parlament Europèu faguèron saber que crearián tanben de comissions d’investigacion.
Ansin, Facebook a pas reüssit a demorar a despart pr’amor que dins los darrièrs meses es estat acusat de generar divèrsas crisis politicas per la manipòla dels messatges qu’arriban als usatgièrs, tant sus las eleccions estatsunidencas, coma sul Brexit, la crisi en Sri Lanka, l’afar dels robòts russes...
Segon qualques analistas, i a un autre escàndol mortal per Facebook. Sembla que se poiriá demostrar lèu que los perfils emplegats per Cambridge Analytica foguèron a disposicion dels comptes russes suls quals lo Congrès dels Estats Units estúdia fins a quin ponch influiguèron sul resultat de las eleccions.
La crisi, alavetz, seriá d’una dimension tant enòrma que poiriá destruire Facebook sul pic, tant per la reaccion del parlament estatsunidenc coma per la dels usatgièrs, e sustot per la de Wall Street.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
L'establishment no ha pait ni assimilat la derrota que tenguet son candidata Clinton. Han pagat a un putot perque conti a la premsa lo que faguet Trump, que se los russos, que se facebook, que se la maire que los parí. Tota classa de colhonadas per desprestigiar a Trump. Los de l'establishment encara son petjors que Trum e sas bauchadas.
# 4 "supersticion" benlèu mas de vièlha filha ???
M'agradariai que qualqu'un m'explica cossì lo fach de saber las idèas de qualqu'un permet de lo far cambiar de dralha. Se comprèni plan, la societat Cambridge ... a trapat un fichièr gigant ambe de monde que pensavan coma Trump , 50 milions e miracle del ret , an votat per Trump? Imaginem , qu'aguèssi un brave fichièr compausat d'un milion de socialistas , de lepenistas , de comunistas, viere de REM , o de LR e serài pas estonat que votèssen socialista, Lepen, comunista , Wauquiez, o Macron. Aquò's una descuberta granda!
Los an butat a l'urna ambe un cotèl dins l'esquina? Los an pagats?
De ségur ieu ai crompat un còp des libres sul ret. E fetibòment m'arriva de reçaupre de la publicitat sus l'ecran coma ne tomba de longa dins la boita de las letras .
Per dire sus Faceboc soi du costat de Puigdemont e de l'independencia catalana. Me pensi que deu existar dins Franca ambe o sens Faceboc un polit fichièr o sèm totes amolonats, los afogats de l'Occitània . E se un sòci de Puigdemont occitan me demanda de signar una peticion o de votar per el vèsi pas çò que podrià me far cambiar d'avis. Tot aquò es de la "supersticion" de vièlha filha!
Fa bèl brieu que Wells e Orwell nos an avisat e n'i a que s'estonan encara.
Rason de mai de non pas s'inscriure enlòc !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari