CAPÇALERA PAIS INVISIBLE

Actualitats

InternacionalPolitica

Carles Puigdemont es detengut en Alemanha

La justícia alemanda deu ara decidir cossí respond al mandat d'arrèst internacional de l'estat espanhòl

Vielha
Vielha | Taula per Aran
Lo president de la Generalitat de Catalonha en exili, Carles Puigdemont, foguèt arrestat ièr en Alemanha e a passat la nuèch dins la preson de Neumünster. Uèi serà vesitat per un jutge que deurà verificar son identitat e decidir se la justícia alemanha deu començar una procedura d'extradicion de Puigdemont, coma demanda la justícia espanhòla, o ben se l'extradicion es pas convenienta, coma an fach las justícias bèlga e danesa.
 
Puigdemont foguèt arrestat just après traversar la frontièra de Danemarc amb Alemanha. Lo president tornava en veitura de Finlàndia ont aviá participat a una conferéncia suls dreches umans e rescontrat qualques elegits del país.
 
Lo jornal alemand Focus assegura que los servicis secrets espanhòls seguissián Puigdemont e avertiguèron la polícia alemanda tre que foguèt intrat dins aquel país. O aurián fach atal perque Alemanha es lo sol país de l'Union Europèa que considèra dins son còde penal un delicte similar al de "rebellion" que n'acusa Puigdemont la justícia espanhòla; se tracta del delicte de "traïson a l'estat".
 
 
De protèstas de mai en mai caudas
 
En mai de recampaments davant la preson de Neumünster, las accions de protèsta en Catalonha e Aran venon de mai en mai nombrosas e frapantas. Delà los acamps davant los consolats alemands, de desenats de milièrs de manifestants an entornejat las delegacions del govèrn espanhòl en Catalonha, an copat d'estradas, d'autoestradas e de linhas de tren.
 
En Aran i aguèt un acamp de protèsta davant la comuna de Vielha.
 
   





 


abonar los amics de Jornalet


 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

"Tàrrega" Igualada (PP.CC.)
8.

Primer en Companys, que no es repeteixi el mateix amb en Puigdemont, si hi ha justícia espanya no pot ésser recolsada per cap estat del Mon, encara que segurament, tots els estats totalitaris deuen tenir algun Puigdemont a la seva història, ara cal que no es repeteixin, i que respectin.
Visca la Terra...Lliure!
L'Ernest, "El Tàrrega".

  • 0
  • 0
Reinat TOSCANO LO VAU
7.

#2 e arrestar toti li personas que sosténon la democracia? Li an pensat? Segurament...

  • 4
  • 0
Pirolet
6.

Sus VILAWEB avètz las adreças dels presonièrs politics per se volètz los ajudar a manténer lo moral. Ieu lor escriurai aqueste vèspre.
Per las adreças se vei que son separats, coma de terroristas dangieroses.
Mentretant, los ligams entre l'imam organizaire dels atentats de Barcelona e lo CIS* (servici de rensenhaments espanhòl) dormisson dins qualque dorsièr a cò del jutge.

*L'imam èra un "indic" de la polícia espanhòla.

  • 14
  • 5
Emmanuèl Isopet
5.

#4 Segur que per l'imatge d'Alemanha es pas terrible... i a un precedent pesuc.

  • 13
  • 0
E Passa Que T Ai Vist
4.

Un president de Catalonha democraticament elegit, qu'es obligat de partir en exilh per gardar sa libertat, puèi qu'es arrestat pels alemanhs e qu'es livrat pes e punhs ligats al poder de Madrid, aquò vos remembra pas quauqun ? Un cert LLuis Companys, arrestat en Bretanha pels alemanhs en 1940 puèi livrat a Franco que lo faguèt tuar. L'actual govern neo-franquista espanhòl n'es jà tot regausit, tan coma la parisencalha mediatica. A vèire se la Merkel ausarà livrar Puigdemont al govèrn neo-franquista de Rajoy. Legion Condòr pas mòrta ?

  • 26
  • 5

Escriu un comentari sus aqueste article