Actualitats
Jean-Marie Le Pen condemnat definitivament per aver banalizada la Shoah
Deurà pagar una multa de 30 000 èuros per aver declarat que las cambras de gas èran un “detalh” de l’istòria
Lo fondador e èx-president del Front Nacional, Jean-Marie Le Pen, es estat definitivament condemnat a pagar 30 000 èuros de multa per aver banalizada la Shoah. La Cort de Cassacion validèt dimars passat la condemnacion de l’ancian president del partit xenofòb, qu’aviá qualificadas las cambras de gas de “detalh” de l’istòria en 2015.
Justament, sas declaracions discutidas sus las cambras de gas pendent lo genocidi jusieu precipitèron la rompedura de Jean Marie Le Pen amb sa filha e successora al cap del partit de l’ultradrecha francista, Marine Le Pen, que anullèt la presidéncia d’onor de son paire.
Jean-Marie Le Pen a 89 ans e es estat condemnat en d’autras escasenças per de declaracions racistas e antisemitas. En 2010, deguèt pagar una multa de 10 000 èuros per aver afirmat que l’ocupacion nazi de França èra pas estada “particularament inumana”. L’an passat, tanben li infligiguèron una multa de 5000 èuros per aver considerat en 2013 que la preséncia de ròms a Niça èra “urticanta” e “odorosa”.
Justament, sas declaracions discutidas sus las cambras de gas pendent lo genocidi jusieu precipitèron la rompedura de Jean Marie Le Pen amb sa filha e successora al cap del partit de l’ultradrecha francista, Marine Le Pen, que anullèt la presidéncia d’onor de son paire.
Jean-Marie Le Pen a 89 ans e es estat condemnat en d’autras escasenças per de declaracions racistas e antisemitas. En 2010, deguèt pagar una multa de 10 000 èuros per aver afirmat que l’ocupacion nazi de França èra pas estada “particularament inumana”. L’an passat, tanben li infligiguèron una multa de 5000 èuros per aver considerat en 2013 que la preséncia de ròms a Niça èra “urticanta” e “odorosa”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Ben fait, que pagui los 30.000 euros a veire se n'apren d'historia. E se non apren que li posin una altra multa del doble.
Ailas, le racisme verbal, emai umoristic, es un fons de commèrci chucós, que s'en pòt pagar de multas.
Aquò le farà pas calar, le vielh cap faissista...
Aquí sèm clarament dens lo jòc de mots. "Detalh" vòu díser a l'encòp "una part d'un ensems" e aquò dessus JMLP ac pòt díser, mes vòu tanben díser "un element que's pòt negligir", e en tot saber de qui la frasa veng, es pas inocent.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari