Actualitats
Collòqui a Peitieus sus las lengas minorizadas, 6 e 7 d’abriu
Aculhirà de nombrós cerchaires e especialistas de divèrsas lengas minorizadas venguts de luenh
Se tendrà a l’Universitat de Peitieus lo 6 e 7 d’abriu un collòqui entitolat Promocion o relegacion: la transmission de las lengas minorizadas d’ièr a uei. Aqueu collòqui, organizat per los universitaris Stéphanie Noirard e Joan-Cristòu Dourdet, de la facultat Letras e lengas de l’Universitat de Peitieus, aculhirà de nombrós cerchaires e especialistas de divèrsas lengas minorizadas venguts de luenh que prepausaràn mantunas comunicacions segon un apròchi culturau o lingüistic (normalizacion, educacion, revitalizacion, politicas, reconeissença, conflicte…).
Seràn tractadas quauques lengas e dialèctes de França coma lo basco, l’alsacian, lo breton, lo galò e lo peitavin-sentongés e, en mai, per çò que concernís la tauvera dau domeni d’òc, los parlars dau Creissent. Aitanben, Philippe Boula de Mareül, cerchaire au CNRS, presentarà l’atlàs de las lengas de França que se pòt consultar aicí: atlas.limsi.fr.
En defòra de l’estat francés, serà question dau basco, de la lenga d’Escòcia l’scòts e tanben d’Ulster, en mai de l’amazigh en Argeria, dau creòl d’Haití, dau friolan e dau gaelic d’Escòcia. Abordaràn tanben la question de las politicas lingüisticas en Africa dau Sud.
Lo professor Klaus Bochmann, convidat, balharà una conferéncia sus lo tèma Lengas minoritàrias e conflictes lingüistics: quaus desfís per Euròpa au sègle XXI?
L’entrada es liura e gratuita per tot lo monde. Lo collòqui comença a 9h15 lo divendres 6 d’abriu emb los discors de benvenguda (i serà una representanta de la DGLFLF) a la sala daus actes de la facultat Letras e lengas de Peitieus. Trobaretz lo programa aicí.
Joan-Cristòu Dourdet
Seràn tractadas quauques lengas e dialèctes de França coma lo basco, l’alsacian, lo breton, lo galò e lo peitavin-sentongés e, en mai, per çò que concernís la tauvera dau domeni d’òc, los parlars dau Creissent. Aitanben, Philippe Boula de Mareül, cerchaire au CNRS, presentarà l’atlàs de las lengas de França que se pòt consultar aicí: atlas.limsi.fr.
En defòra de l’estat francés, serà question dau basco, de la lenga d’Escòcia l’scòts e tanben d’Ulster, en mai de l’amazigh en Argeria, dau creòl d’Haití, dau friolan e dau gaelic d’Escòcia. Abordaràn tanben la question de las politicas lingüisticas en Africa dau Sud.
Lo professor Klaus Bochmann, convidat, balharà una conferéncia sus lo tèma Lengas minoritàrias e conflictes lingüistics: quaus desfís per Euròpa au sègle XXI?
L’entrada es liura e gratuita per tot lo monde. Lo collòqui comença a 9h15 lo divendres 6 d’abriu emb los discors de benvenguda (i serà una representanta de la DGLFLF) a la sala daus actes de la facultat Letras e lengas de Peitieus. Trobaretz lo programa aicí.
Joan-Cristòu Dourdet
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Precioses son los trabalhs atal. Mas deurián immediatament èsser seguits, conclusions tragudas, de decisions politicas e culturalas fèrmas, impausadas per la comunautat internacionala, per amont los empèris colonials de França, Espanha, Turquia e autres territòris de mesprètz public e oficial del mai fòret (d'un moment) contra los mai febles (d'aquel moment). Se que non, coma totes los esfòrces intellectuals, aquestes demorarà, letras mòrtas, per de lengas promesas a crebar lèu lèu…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari