La setmana passada, l’Assemblada Nacionala de França votèt doas mesuras ligadas a la Seguretat Sociala. D’un costat, a partir de 2013, lo govèrn francés remborsarà la totalitat de las despensas de l’interrupcion volontària de grossesa. Aquò èra, de fach, una de las promessas electoralas del president François Hollande. Al delà, èra tanben una de las principalas revendicacions dels movements feministas de tot l’estat.
Segon las donadas disponiblas, un avortament còsta uèi dins l’Estat francés entre 200 e 450 èuros, segon lo metòde emplegat e l’endrech geografic. La Seguretat Sociala francesa, fins a uèi, assumissiá solament entre 70 e 80% del còst, levat per las gojatas menoras d’edat; en aquel cas assumissiá la totalitat del còst.
L’autra mesura aprovada per l’Assemblada Nacionala francesa es que, d’ara enlà, se finançarà al 100% las pilulas anticonceptivas per las gojatas qu’ajan entre 15 e 18 ans. La mesura intrarà tanben en vigor a comptar de l’an que ven.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Quin grand còr, aqueste govèrn francés !!! E es qu'assumirà tot parièr las extradicons de resssortissentas de ciutadanetat francesa en direccion de l'estat espanhòl per apartenença a un partit politic autorizat sul sòl "republican" (sic) francés mas interdit en reialme d'Espanha ? Non se diriá, aquò, un delicte d'opinion ? Brave New World, 1984, Reiame d'Espanha e de França : plan venguts als païses del Four Roses ! Après aquò, nos pòdon ben pro enfumar amb lo avortament vertuós…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari