Actualitats
Montpelhièr: manifestacion al rectorat
Una seissantena d’ensenhaires e militants an manifestat per servar lo pòst de conselhièr pedagogic d’occitan per las escòlas primàrias del departament
Alan Roch
Aqueste dimècres 4 d’abril de vèspre, après la peticion qu’a amassat mai de 1500 signaturas, una seissantena d’ensenhaires e militants manifestavan davant lo rectorat de Montpelhièr per servar lo pòst de conselhièr pedagogic d’occitan per las escòlas primàrias del departament: bandeiròlas, plancardas, cants, crits, eslogans, distribucion de tractes…
Dins lo meteis temps se teniá dins los bastiments la remesa dels prèmis de poesia occitana: d’un costat, se felicita; de l’autre, se desorganiza.
Una delegacion foguèt recebuda per un inspector departamental. Per l’ora, l’administracion se tanca dins la proposicion d’una organizacion bastarda per seguir l’ensenhament de l'occitan en Erau e lo refús de nominacion d’un(a) conselhièr(a) pedagogic(a) de plen exercici coma dins los autres 3 departaments occitanofòns de l’acadèmia. L’abséncia de convencion signada per la lenga nòstra dins l’acadèmia constituís un fren segur per melhorar la situacion.
Las accions e intervencions (sindicalas e associativas) se van perseguir per obténer satisfaccion.
Alan Roch
Dins lo meteis temps se teniá dins los bastiments la remesa dels prèmis de poesia occitana: d’un costat, se felicita; de l’autre, se desorganiza.
Una delegacion foguèt recebuda per un inspector departamental. Per l’ora, l’administracion se tanca dins la proposicion d’una organizacion bastarda per seguir l’ensenhament de l'occitan en Erau e lo refús de nominacion d’un(a) conselhièr(a) pedagogic(a) de plen exercici coma dins los autres 3 departaments occitanofòns de l’acadèmia. L’abséncia de convencion signada per la lenga nòstra dins l’acadèmia constituís un fren segur per melhorar la situacion.
Las accions e intervencions (sindicalas e associativas) se van perseguir per obténer satisfaccion.
Alan Roch
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Ma plancarda (podètz reprene melhorar l'idéia, lo dessenh…) :
- tèxte : Gardarem la/lo CPD occitan d'Erau. Nòstra lenga a l'escòla, pas a las escobilhas;
- dessenh : una pobèla de l'entrepresa Grégoire Macron del Château de Villers-Cotterets ont s'escampan las lenga minorizadas.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari