Actualitats
L'estat espanhòl a pagat en 2017 mai de 800 000 èuros en condemnas de la Cort dels Dreches Umans
Aquel montant es sèt còps pus grand que çò que deguèt versar en 2016 per damatges e interèsses segon la cort d'Estrasborg
L’estat espanhòl a degut pagar 822 031 èuros, pendent l'an 2017, en pagaments de damatges e interèsses ordenats per la Cort Europèa dels Dreches Umans (CÈDU) que son sèti se situa a Estrasborg. Aquel montant despassa de longa tòca çò que deguèt pagar en 2016, que superava un pauc los 100 000 èuros, o en 2015, qu'atenhiá quitament pas aqueste darrièr montant.
La donada se publiquèt dimècres passat dins un rapòrt del Conselh dels Ministres del Conselh d’Euròpa, l’organisme encargat de supervisar l’execucion de las senténcias europèas e lor acompliment, çò rapòrta l'ACN.
Lo Conselh d'Euròpa amassa 47 estats e lo comitat se reünís tres còps per an per verificar s'una indemnitat s'es pagada o s'es fach qualque cambiament legislatiu demandat per la cort alsaciana. Aquel comitat rapòrta qu'en decembre l'estat espanhòl aviá complit en 17 escasenças lo mandat de la CÈDU del temps que 31 senténcias esperavan una supervision.
D'autras donadas del tribunal d’Estrasborg indican que pendent l’an passat s'examinèt 641 denóncias contra l’estat espanhòl, entre las qualas 634 foguèron pas admesas. Dins aquel meteis periòde se dictèt sièis senténcias dont cinc concluguèron que l'estat espanhòl aviá mancat a l'Acòrdi Europèu dels Dreches Umans, ratificat per Espanha en 1979. La CÈDU es l'autoritat judiciària màger per la garentida dels dreches umans e las libertats fondamentalas en Euròpa.
La donada se publiquèt dimècres passat dins un rapòrt del Conselh dels Ministres del Conselh d’Euròpa, l’organisme encargat de supervisar l’execucion de las senténcias europèas e lor acompliment, çò rapòrta l'ACN.
Lo Conselh d'Euròpa amassa 47 estats e lo comitat se reünís tres còps per an per verificar s'una indemnitat s'es pagada o s'es fach qualque cambiament legislatiu demandat per la cort alsaciana. Aquel comitat rapòrta qu'en decembre l'estat espanhòl aviá complit en 17 escasenças lo mandat de la CÈDU del temps que 31 senténcias esperavan una supervision.
D'autras donadas del tribunal d’Estrasborg indican que pendent l’an passat s'examinèt 641 denóncias contra l’estat espanhòl, entre las qualas 634 foguèron pas admesas. Dins aquel meteis periòde se dictèt sièis senténcias dont cinc concluguèron que l'estat espanhòl aviá mancat a l'Acòrdi Europèu dels Dreches Umans, ratificat per Espanha en 1979. La CÈDU es l'autoritat judiciària màger per la garentida dels dreches umans e las libertats fondamentalas en Euròpa.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Quasi arriban al milion d'euros, solament de multes qu' ha de pagar per non complir los Drets Humans. Un estat coma Espanya qu' està arruinat e que jamai podrà pagar lo deute que té ? Non a cap futur lo PP !
Laires e faches.
Soccor !!!!!!
E ben! Son plan tolerants dins aquela cort amb los arlèris que bailèjan las Espanhas!
Primièr punt, las sancions son pas pro fòrtas. Deuriá costar cinc còps mai car.
Segon punt, aqules pagaments e deurián pagar amb lo compte bancari dels lelgits colpaables e autres reis petits consentents, e non pas a partir dels fonses publics.
Dins las condicions actualas, de menada manlevada al pòble catalan va servir per pagar sancions a la cort dels dreits umans per exaccion menadas contra lo pòble catalan e los sieus elegits.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari