Actualitats
Reüssida de la campanha d’un milion de signaturas per las lengas minorizadas de l’UE
Los promotors espèran qu’ara la Comission Europèa començarà de legiferar per promòure las lengas minorizadas dins los servicis publics, los mèdias, las politicas estatalas e infraestatalas, l’educacion e la cultura
La campanha de recèrca d’un milion de signaturas per que l’Union Europèa prenga en compte los dreches lingüistics de las minoritats e ne promòga una legislacion adeqüata a plan capitat en amassant 1 215 789 signaturas. L’iniciativa, apelada “Minority Safety-Pack“, l’a bandida l’Union Federala de las Nacionalitats Europèas (FUEN), una federacion d’aperaquí 90 organizacions que trabalha pels dreches de las minoritats en Euròpa.
Ara, la FUEN espèra que la Comission Europèa acceptarà la proposicion, que començarà la procedura legislativa europèa, e que se farà de leis per promòure las lengas minorizadas en de domenis coma los servicis publics, los mèdias, las politicas estatalas e infraestatalas, l’educacion e la cultura. Mas la comission poiriá tanben ignorar l’iniciativa e mai se lo nombre de signaturas es atench, segon Nationalia. Totun, aquela capitada obliga la Comission Europèa de prene en consideracion la peticion, d’aculhir los promotors e de dire çò que pensa de far.
La mitat dels signataris son d’ongreses
Practicament la mitat de las signaturas del total europèu provenon d’Ongria, e un quart de Romania. Lo primièr ministre ongrés, lo conservator Viktor Orbán, cridèt los ciutadans ongreses a signar la peticion “per protegir los dreches dels ongreses defòra de las nòstras frontièras”. En Romania, lo principal partit dels ongreses de Transilvània, l’UDMR, tanben aviá fach promocion de la campanha. De fach, lo president del partit, Hunor Kelemen, es una de las personas qu’a anonciat lo resultat global de la capitala transsilvana estant, Cluj.
En çò que concernís los estats que contenon Occitània, l'estat francés a portat 9038 signaturas, l'estat espanhòl 53 772 e l'estat italian 60 545.
Cinquanta milions de ciutadans concernits
Al delà dels occitanofòns, qu’après lo lingüicidi subit avèm pas un pes demografic fòrt, l’iniciativa concernís los aperaquí 50 milions de ciutadans de l’UE que fan partida d’una comunautat nacionala o lingüistica minorizada. Segon la FUEN, “aquelas minoritats contribuisson enòrmament a la diversitat lingüistica e culturala d’Euròpa. Amb los autres europèus, desiran de contribuir al futur de l’Union Europèa; un futur ont se prenga pas solament en compte las lengas oficialas dels estats o las culturas dominantas. Per la subrevivença de lor identitat, las minoritats an de besonh de proteccion e sosten. Aquò es l’objectiu de l’Iniciativa Minority SafePack”.
Ara, la FUEN espèra que la Comission Europèa acceptarà la proposicion, que començarà la procedura legislativa europèa, e que se farà de leis per promòure las lengas minorizadas en de domenis coma los servicis publics, los mèdias, las politicas estatalas e infraestatalas, l’educacion e la cultura. Mas la comission poiriá tanben ignorar l’iniciativa e mai se lo nombre de signaturas es atench, segon Nationalia. Totun, aquela capitada obliga la Comission Europèa de prene en consideracion la peticion, d’aculhir los promotors e de dire çò que pensa de far.
La mitat dels signataris son d’ongreses
Practicament la mitat de las signaturas del total europèu provenon d’Ongria, e un quart de Romania. Lo primièr ministre ongrés, lo conservator Viktor Orbán, cridèt los ciutadans ongreses a signar la peticion “per protegir los dreches dels ongreses defòra de las nòstras frontièras”. En Romania, lo principal partit dels ongreses de Transilvània, l’UDMR, tanben aviá fach promocion de la campanha. De fach, lo president del partit, Hunor Kelemen, es una de las personas qu’a anonciat lo resultat global de la capitala transsilvana estant, Cluj.
En çò que concernís los estats que contenon Occitània, l'estat francés a portat 9038 signaturas, l'estat espanhòl 53 772 e l'estat italian 60 545.
Cinquanta milions de ciutadans concernits
Al delà dels occitanofòns, qu’après lo lingüicidi subit avèm pas un pes demografic fòrt, l’iniciativa concernís los aperaquí 50 milions de ciutadans de l’UE que fan partida d’una comunautat nacionala o lingüistica minorizada. Segon la FUEN, “aquelas minoritats contribuisson enòrmament a la diversitat lingüistica e culturala d’Euròpa. Amb los autres europèus, desiran de contribuir al futur de l’Union Europèa; un futur ont se prenga pas solament en compte las lengas oficialas dels estats o las culturas dominantas. Per la subrevivença de lor identitat, las minoritats an de besonh de proteccion e sosten. Aquò es l’objectiu de l’Iniciativa Minority SafePack”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#4 O reçaupre l'ancian president Barroso per que lor explique los avantatges de Goldman Sachs...
#3#2 Clar que los mossens besuquets de Brusselas an d'afars mai serioses qu'engatjan la subrevida d'Europa : la traca de Puigdemont per exemple...
Quinas sancions intractablas e indiscutiblas comptan préner contra tota la politicalha que s'opausa fins ara a la diversitat linguïstica e culturala pertot en Euròpa ? Retraits dels dreits civics, 45 ans de soscadissa a Guantanamo, dins un camp de reeducacion ? 40 ans de trabalh manual dins golag siberian ? 35 dins 'stalag a manjar l'èrba que ven jos la nèu geleda ? S'i vòlon venir eficaces, lor caldrà venir inventius e persuasius… Plan mai que la fumosa "carta europèa" que totòm se'n chauta ben pro al nom de sa santa puta constitucion, o de son caibre 155 de servici…
Aquesta brava filha d'UE nos vai pondre una eniema iniciativa non-obligatoria d'aparament de las lengas minorizadas. Coma d'acostuma Paris dira qu'i es pas opausada mas que personalament se sentis pas concernada, vist qu'en França, coma totom o-sap, i-a pas de minoritats linguisticas, mas unencament de franceses, totes contents de parlar fierament la lenga gloriosa de la Republica qu'es, al cas ont Brusselas o-saupria pas, lo FRANCES. E coma d'acostuma, l'UE insistira pas, confusa d'aver ausat insolentar França Granda, fare de la Civilizacion, maire de las leis e dels arts , membre fondator (oc, avetz ausit, marridasses galapians ? Fon-da-tor !!) de l'UE. Un pauc mecosa, Brusselas se calara, puei passaran a quicom mai, entre gents de bona companhia.
Òsca per la capitada de la peticion!
Vergonha per l'estat francés per las paucas signaturas recampadas!
Ara, per veire se Euròpa daissa de far la sorda e avançam un chic... o fòrça!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari