Actualitats
Marselha: l’extension d’una escòla d’afars poiriá destruire una partida de las Calancas
Lo projècte prevei de descapar una zòna de mai d'11 000 m2 del pargue estatal. Una peticion en linha amassa de signaturas
Lo projècte d’extension de l’escòla d’afars Kedge Business School poiriá destruire una partida del Pargue Nacional de las Calancas (País Marselhés). Per ensajar d’o evitar, mai d’una associacion ecologista e sociala marselhesa an mes en linha una peticion que fa una crida a las signaturas de totòm.
Lo projècte prevei d’estroncar 298 arbres, dont una partida son centenaris, e de descapar mai d’11 000 m2 de bòsc e de garriga a l’entorn del quartièr del Redon dins una zòna classada d’adesion al pargue nacional, e mai se n’es son centre geografic.
Las associacions demandan que lo Pargue Nacional de las Calancas siá pas mes en question per de construccions prejudiciablas a son existéncia, dison de non al precedent qu’aquel permés de construccion poirá desvelar, s’opausan tanben a la frequentacion de l’endrech, que passariá de 4000 a 7000 personas, e se malfisan de las mesuras falsament compensatòrias. En contrapartida, prepausan la revitalizacion dels centres vilas desertificats e pauperizats per l’espandiment urban.
En mai de tot aquò, "coma defensors dau patrimòni naturau", exigisson un estudi d’impacte environamental independent. Sembla que l’estudi oficial, segon eles, siá una engana.
Se pòt signar aicí.
Lo projècte prevei d’estroncar 298 arbres, dont una partida son centenaris, e de descapar mai d’11 000 m2 de bòsc e de garriga a l’entorn del quartièr del Redon dins una zòna classada d’adesion al pargue nacional, e mai se n’es son centre geografic.
Las associacions demandan que lo Pargue Nacional de las Calancas siá pas mes en question per de construccions prejudiciablas a son existéncia, dison de non al precedent qu’aquel permés de construccion poirá desvelar, s’opausan tanben a la frequentacion de l’endrech, que passariá de 4000 a 7000 personas, e se malfisan de las mesuras falsament compensatòrias. En contrapartida, prepausan la revitalizacion dels centres vilas desertificats e pauperizats per l’espandiment urban.
En mai de tot aquò, "coma defensors dau patrimòni naturau", exigisson un estudi d’impacte environamental independent. Sembla que l’estudi oficial, segon eles, siá una engana.
Se pòt signar aicí.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Vidèo — Georges Aillaud pren la defença dau Pargue Nacionau de la Chalancas fàcia a Kedge : https://www.youtube.com/watch?v=6fpPtWLu9PA
Avètz vist lo nom de l'escòla? Welcome in Macronia!
De que volètz que li fagan 4 pins al president dels play mobil? El sopa al Louvres amb lo prince que li crompa d'armas per matrassar a Yemen.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari