Actualitats
L’èx-president brasilièr Luis Inácio Lula da Silva es en preson
Ditz qu’es victima d’una “persecucion politica”. Segon los sondatges, èra a ganhar las eleccions generalas d’octòbre venent
L’èx-president brasilièr Luis Inácio Lula da Silva intrèt dissabte de ser dins la preson de Curitiba per complir una pena de dotze ans, en seguida d’una condemna per blanquiment de fonzes e corrupcion, per l’afar Petrobras. Mas el a totjorn refusat las acusacions e ditz qu’es victima d’una “persecucion politica”.
Da Silva se liurèt après una resisténcia de qualques jorns. Dijòus, quand lo jutge aguèt dictat son empresonament, l’èx-president s’embarrèt dins lo sèti del Sindicat dels Metallurgistas de São Bernardo do Campo, acompanhat d’activistas del Partit dels Trabalhadors e dels movements socials.
Abans de se liurar, Lula da Silva diguèt a la molonada que l’acompanhava que poirián pas arrestar sas idèas: “Del mai de jorns serai embarrat, del mai de Lulas naisseràn”. Dins aquel sens, afortiguèt que son sol “delicte foguèt de menar los paures a l’unversitat, de permetre que crompèsson de veituras, qu’aguèsson de qué manjar. [...] S’aquò es atal, serai un criminal tota ma vida”.
L’enòrma molonada qu’acompanhava Lula da Silva manifestèt son indignacion après l’encarceracion. I aguèt quitament d’incidents e d’afrontaments entre los partisans de Da Silva e sos detractors.
“Persecucion politica”
Luis Inácio Lula da Silva foguèt condemnat en 2017 a nòu ans de preson per corrupcion passiva e blanquiment d’argent. Mas la pena foguèt alongada a 12 ans e un mes pel Tribunal Regional Federal de la Quatrena Region de Porto Alegre lo 24 de genièr passat. La justícia l’acusa d’aver recebut un apartament de luxe dins la vila de Guarujá en escambi de servicis renduts a una societat de construccion quand èra president.
De fach, Lula da Silva es una figura emblematica de l’esquèrra de l’America latina. Foguèt president de Brasil entre 2003 e 2011. Segon los sondatges, èra a mand de ganhar amplament las eleccions de Brasil en octòbre que ven. Precisament per aquela rason, se considèra victima d’una “persecucion politica”.
D’efièch, son procès es estat mes en question per 122 juristas que publiquèron un libre de 101 capítols ont se soslinha de decisions arbitràrias e d’errors juridicas dins la condemna de l’èx-president de Brasil.
Da Silva se liurèt après una resisténcia de qualques jorns. Dijòus, quand lo jutge aguèt dictat son empresonament, l’èx-president s’embarrèt dins lo sèti del Sindicat dels Metallurgistas de São Bernardo do Campo, acompanhat d’activistas del Partit dels Trabalhadors e dels movements socials.
Abans de se liurar, Lula da Silva diguèt a la molonada que l’acompanhava que poirián pas arrestar sas idèas: “Del mai de jorns serai embarrat, del mai de Lulas naisseràn”. Dins aquel sens, afortiguèt que son sol “delicte foguèt de menar los paures a l’unversitat, de permetre que crompèsson de veituras, qu’aguèsson de qué manjar. [...] S’aquò es atal, serai un criminal tota ma vida”.
L’enòrma molonada qu’acompanhava Lula da Silva manifestèt son indignacion après l’encarceracion. I aguèt quitament d’incidents e d’afrontaments entre los partisans de Da Silva e sos detractors.
“Persecucion politica”
Luis Inácio Lula da Silva foguèt condemnat en 2017 a nòu ans de preson per corrupcion passiva e blanquiment d’argent. Mas la pena foguèt alongada a 12 ans e un mes pel Tribunal Regional Federal de la Quatrena Region de Porto Alegre lo 24 de genièr passat. La justícia l’acusa d’aver recebut un apartament de luxe dins la vila de Guarujá en escambi de servicis renduts a una societat de construccion quand èra president.
De fach, Lula da Silva es una figura emblematica de l’esquèrra de l’America latina. Foguèt president de Brasil entre 2003 e 2011. Segon los sondatges, èra a mand de ganhar amplament las eleccions de Brasil en octòbre que ven. Precisament per aquela rason, se considèra victima d’una “persecucion politica”.
D’efièch, son procès es estat mes en question per 122 juristas que publiquèron un libre de 101 capítols ont se soslinha de decisions arbitràrias e d’errors juridicas dins la condemna de l’èx-president de Brasil.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Los jutges e fiscals brasilers se venen per 30 monedas d'or.
#1 Benlèu que :
1) Lo Michel Témer pòrta un prenom francès, çò qu'encanta los mediàs parisencs, completament empegats dins lors fantasmas de francofonia planetaria.
2) Témer es pas un ancian sindicalista coma aquel Lula que fai un pauc tròp "populò" pels salons parisencs ont se fan politica e mediàs. E puèi en macronia lo sindicalism aquò's lo mal, alara...
La presentacion de l'eveniment pels mèdias franchimands es vergonhosa. Sembla que lor agrada mai lo poirit Témer que non pas Lula. Perque es favorit de las eleccions e aquò li agrada pas al President.com, Junker, Merkel e tota la còla?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari