Actualitats
Ongria: Orbán a ganhat las eleccions amb gaireben la mitat dels sufragis
Après dos mandats consecutius, lo xenofòb s’assegura quatre ans de mai coma primièr ministre
Lo xenofòb Viktor Orbán consolida sa figura en Ongria après dos mandats consecutius coma primièr ministre. Son estrategia ultranacionalista e antiimmigratòria li a donat la majoritat a las eleccions parlamentàrias de dimenge passat. La formacion Fidesz, que fa partida del Partit Popular Europèu (PPE), obtenguèt gaireben lo 50% dels vòtes, çò que li permet d’aver lo 70% dels sètis de l’assemblada ongresa, valent a dire 133 sus 199 deputats.
Amb 26 deputats, lo segond partit mai votat es l’ultradrechista Jobbik del temps que la coalicion dels socialistas MSZP n’a atengut que 20. Dejós, i a los liberals DK amb 9 deputats, los verds de l’LMP amb 8 deputats e qualques partits minoritaris.
La deriva autoritària a Budapèst es estada fòrça criticada aquestes darrièrs ans a Brussèlas. Demest las decisions polemicas d’Orbán se tròba la de s’opausar als plans europèus per repartir los refugiats demandaires d’asil que son mai que mai en Grècia e Itàlia. En setembre passat, la Cort de Justícia de l’UE diguèt qu’Ongria e Eslovaquia podián pas refusar l’aculhença de lor quòta de refugiats.
L’observatòri internacional pels dreches umans, Human Rights Watch, a demandat al Partit Popular Europèu qu’expulse Fidesz. Totun, lo president del grop parlamentari del PPE a felicitat Orbán per sa victòria.
Amb 26 deputats, lo segond partit mai votat es l’ultradrechista Jobbik del temps que la coalicion dels socialistas MSZP n’a atengut que 20. Dejós, i a los liberals DK amb 9 deputats, los verds de l’LMP amb 8 deputats e qualques partits minoritaris.
La deriva autoritària a Budapèst es estada fòrça criticada aquestes darrièrs ans a Brussèlas. Demest las decisions polemicas d’Orbán se tròba la de s’opausar als plans europèus per repartir los refugiats demandaires d’asil que son mai que mai en Grècia e Itàlia. En setembre passat, la Cort de Justícia de l’UE diguèt qu’Ongria e Eslovaquia podián pas refusar l’aculhença de lor quòta de refugiats.
L’observatòri internacional pels dreches umans, Human Rights Watch, a demandat al Partit Popular Europèu qu’expulse Fidesz. Totun, lo president del grop parlamentari del PPE a felicitat Orbán per sa victòria.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Mossur Lachaud, setz seriós? Vos vòle pas mau segur mas vos pòde pas laissar pas dire entau de las necieras, segur que las chausas se pòden pas legir emb ren mas una grasilha de lectura drecha/mança mas totparier, vòstra pròpa grasilha que conten de las reduccions terriblas es gaire melhora emb de las escorcidas de pensada terriblas, a vòstre agrat, sens fondament. Vos convide a legir un pauc, ren mas un pauc, de documentacion sociologica o sociopolitica, vos permetriá de 'gusar vòstra pensada (mas, ai plan paur que, dins vòstra pensada, la recercha en sciéncias umanas, o en sciéncias tot cort, siá mau considerada...). Auren: l'i a de las errors que fatz totjorn quane escrissetz dins Jornalet: *a nòstres de chausir>a nautres de chausir ; volan>vòlen ; cresan>cresen ; desagregear>desagrejar... Qu'es pas per vos embéstiar (aime pas mai que vos los Vaugelas), mas per que lo lemosin siá representat dignament (qu'es quand mesma pas complicat de far 'tencion de pas tornar far quelas errors).
#1
Lo capitau ne coneish pas nada frontèra e la luta de classas ne s'arresta pas a las termièras deus estats-nacions.
Estar expleitat per capitalistas estrangèrs o per capitalistas francés, qu'ei estar expleitat parier.
Lo nacionalisme qu'ei un atrapa-colhon...
#1#2 Orban o Trump ? De pomas de terra o de patatas ?
#1 Tot cop es benleu plan de faire de provocacion, mas amb l'Orban causisses mal ton exemple, l'ome ! La pesta es pas melhora que lo cholera. Emai se lo Trump es un andolfi de tria caldria pas quichar en li opausant Kim Jon il e en disent bestiosament "es a nosautres de causir". Seria vertadierament necite (ai mancat d'escriure " necitge !" ) de voler causir" coma se disia dins las annadas 30 entre "Hitler o lo caos bolchevic" ?
La tradicionala separacion entre la dreicha e l'esquerra es trapada a se desagregear per esser remplaçada per un afrontament entre partisans de l'estat nacion e aqueus dau mondialisme.
Los uns cresan a l'estat nacion, a la defensa de las frontieras, de la familha. De l'autre i a aqueus que volan una societat drubida, un monde sens frontieras, ni nacions, de novelas fòrmas de familha, un trabalhador devalorisat , bon merchat tots gerat per una armada de bureaucrates. D'un biais las fòrças nacionalas e democraticas, de l'autre las fòrças supranacionalas e antidemocraticas.
A nòstres de chausir.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari