Actualitats
Macron vòl reparar lo ligam entre la Glèisa catolica e l’estat
“Los ligams entre la Glèisa e l’estat son degalhats, e depend de vosautres e de ieu d’o adobar”, çò diguèt lo president a la conferéncia dels evesques franceses
Lo president francés, Emmanuel Macron, vòl reparar lo ligam entre l’estat e la Glèisa catolica. La laïcitat “a pas per foncion de negar çò esperital”, çò afirmèt Macron davant la Conferéncia dels Evesques de França lo 9 d’abril passat, çò rapòrta Le Monde. “Los ligams entre la Glèisa e l’estat son degalhats, e depend de vosautres e de ieu d’o adobar”, çò precisèt lo president.
Dins son discors als evesques, lo president francés evoquèt, durant una ora, los ligams aflaquits entre l’estat e la Glèisa catolica, en prometent als catolics d’aver una plaça dins la vida politica. Macron apelèt los catolics a reïnvestir la “scèna politica, estatala e europèa”, a i portar la vision pròpria de lor fe, e a “retrobar lo gost e la sal del ròtle que i an totjorn jogat”.
Lo dialòg entre la Glèisa e l’estat se centrèt mai que mai sus las leis tocant la bioetica e l’aculhença dels migrants.
Reaccions
Diluns de ser, l’oposicion d’esquèrra acusèt Macron d’atemptar contra la laïcitat. Tanben la França Insomesa de Mélenchon diguèt que “lo ligam entre la Glèisa e l’estat a pas luòc d’èsser” e apondèt que “Macron va tròp luènh e es irresponsable”.
Quant al Front Nacional, Marine Le Pen diguèt a RTL que s’agissiá d’una “vasta operacion electoralista”. Le Pen se mostrèt “inquieta” car “el crèa una forma de competicion de signes de reconeissença entre religions”.
Un discors analòg davant la Federacion Protestanta de França
Totun, en setembre passat, lo president Macron, coma recòrda lo setmanièr Réforme, aviá prononciat de paraulas similaras a l'escasença del 500n anniversari de la Reforma protestanta. Aviá d'efièch convidat los protestants franceses a èsser tanben d'actors socials coma “vigias e sentinèlas de la Republica".
Dins son discors als evesques, lo president francés evoquèt, durant una ora, los ligams aflaquits entre l’estat e la Glèisa catolica, en prometent als catolics d’aver una plaça dins la vida politica. Macron apelèt los catolics a reïnvestir la “scèna politica, estatala e europèa”, a i portar la vision pròpria de lor fe, e a “retrobar lo gost e la sal del ròtle que i an totjorn jogat”.
Lo dialòg entre la Glèisa e l’estat se centrèt mai que mai sus las leis tocant la bioetica e l’aculhença dels migrants.
Reaccions
Diluns de ser, l’oposicion d’esquèrra acusèt Macron d’atemptar contra la laïcitat. Tanben la França Insomesa de Mélenchon diguèt que “lo ligam entre la Glèisa e l’estat a pas luòc d’èsser” e apondèt que “Macron va tròp luènh e es irresponsable”.
Quant al Front Nacional, Marine Le Pen diguèt a RTL que s’agissiá d’una “vasta operacion electoralista”. Le Pen se mostrèt “inquieta” car “el crèa una forma de competicion de signes de reconeissença entre religions”.
Un discors analòg davant la Federacion Protestanta de França
Totun, en setembre passat, lo president Macron, coma recòrda lo setmanièr Réforme, aviá prononciat de paraulas similaras a l'escasença del 500n anniversari de la Reforma protestanta. Aviá d'efièch convidat los protestants franceses a èsser tanben d'actors socials coma “vigias e sentinèlas de la Republica".
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Macron vol parlar del que sia per evitat la vaga valenta que li fan los trabalhadors franceses. Es creu que tots los catolics son de dretas e los vol entretenir de qualca manera pel final non far res.
Que Jupiter aja besonh de l'ajuda de Dieu-lo-paire, i cresi pas un brieu. Coma es estat dich, es una mesura de diversion.
Macron, tot ipocrit e oportunista que siague es mai que mai un finas e un manipolaire. Amb aquesta draga provocaira devers la religion fai una diversion per qu'om charra mens de la SNCF o dels autres moviments socials. Es un contra-fuoc. Fins ara aquo marcha plan.
Segur qu'amb los avesques actuaus, en un temps ont l'espécia dels catos de gaucha a desapareissut, un ancian escolan dels jesuitas que mena una politica de drecha es fatalament en acòrdi de fons.
Macron es de filosofia judèocrestiana, que confond opinions politicas e religions...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari