Actualitats
França, lo Reialme Unit e los Estats Units poirián intervenir dirèctament dins la guèrra de Siria
Trump menaça d’un lançament de missils, e Russia avertís d’un afrontament dirècte amb de “consequéncias grèvas”
Es probable que França, lo Reialme Unit e los Estats Units intervengan dins la guèrra de Siria, aqueste còp dirèctament. Diluns passat, conversèron per telefòn lo president francés, Emmanuel Macron, e lo president estatsunidenc, Donald Trump. Aquestes parlèron de far una estrategia comuna contra lo govèrn sirian de Bashshar Al Asad e forcèron una reünion del Conselh de Seguretat de l’ÒNU. L’endeman dimars, Russia metèt son vèto a aquela reünion en acusant Washington de se servir de l’ÒNU per justificar una eventuala accion militara.
Dins las darrièras oras, Trump a afirmat sus Twitter que pensa d’atacar Siria amb de missils: “Russia promet d’abatre totes los missils lançats contra Siria. Preparatz-vos Russia, perque arriban, polits e nòus e «intelligents!». Deuriatz pas èsser partenaris d’un animal que tua son pòble amb de gas e se’n regaudís.” De son costat, Russia avertís que i aurà “de consequéncias grèvas”, s’atacan Siria, e qu’intrariá dins un afrontament dirècte amb los Estats Units.
Per quant a el, Macron marcava una tòca clara: “Contunharem d’escambiar d’informacion tecnica e estrategica amb nòstres sòcis, mai que mai los britanics e los estatsunidencs, e dins los jorns avenidors anonciarem nòstra decision. En quin cas que siá, las decisions serián pas destinadas a afectar los aliats del regim [vòl dire del govèrn sirian] o qui que siá, mas a atacar las capacitats quimicas del regim, se se prenguèsse la decision”.
Per ara, Trump a cancelat son viatge en Peró, e l’Agéncia Europèa de la Seguretat Aeriana, Eurocontrol, a avertit las diferentas companhias aerianas que vòlon sus la Mediterranèa, que dins los jorns avenidors es probable que se lance de missils sus Siria.
Sosten de l’Arabia Saudita
Durant una vesita dins l’estat francés, lo prince eiretièr de l’Arabia Saudita, Muhammad Bin Salman, confirmèt son sosten a quina accion que foguèsse contra lo govèrn sirian. “A prepaus de la participacion de l’Arabia Saudita a d’accions contra lo regim sirian, se nòstra aliança amb nòstres sòcis o requerís, o farem”, çò diguèt.
Ataca amb d’armas quimicas
Aquela accion contra lo govèrn sirian seriá una responsa a una sospechada atada amb d’armas quimicas contra la vila de Doma. Segon l’Organizacion Mondiala de la Santat (OMS) 500 personas intrèron dins los espitals de la region amb de “simptòmas restacats a una exposicion a de substàncias quimicas extrèmament toxicas”. E mai, l’OMS rapòrta 70 mòrts en aquela ataca, entre los quals 43 presentavan aqueles simptòmas.
Dins las darrièras oras, Trump a afirmat sus Twitter que pensa d’atacar Siria amb de missils: “Russia promet d’abatre totes los missils lançats contra Siria. Preparatz-vos Russia, perque arriban, polits e nòus e «intelligents!». Deuriatz pas èsser partenaris d’un animal que tua son pòble amb de gas e se’n regaudís.” De son costat, Russia avertís que i aurà “de consequéncias grèvas”, s’atacan Siria, e qu’intrariá dins un afrontament dirècte amb los Estats Units.
Per quant a el, Macron marcava una tòca clara: “Contunharem d’escambiar d’informacion tecnica e estrategica amb nòstres sòcis, mai que mai los britanics e los estatsunidencs, e dins los jorns avenidors anonciarem nòstra decision. En quin cas que siá, las decisions serián pas destinadas a afectar los aliats del regim [vòl dire del govèrn sirian] o qui que siá, mas a atacar las capacitats quimicas del regim, se se prenguèsse la decision”.
Per ara, Trump a cancelat son viatge en Peró, e l’Agéncia Europèa de la Seguretat Aeriana, Eurocontrol, a avertit las diferentas companhias aerianas que vòlon sus la Mediterranèa, que dins los jorns avenidors es probable que se lance de missils sus Siria.
Sosten de l’Arabia Saudita
Durant una vesita dins l’estat francés, lo prince eiretièr de l’Arabia Saudita, Muhammad Bin Salman, confirmèt son sosten a quina accion que foguèsse contra lo govèrn sirian. “A prepaus de la participacion de l’Arabia Saudita a d’accions contra lo regim sirian, se nòstra aliança amb nòstres sòcis o requerís, o farem”, çò diguèt.
Ataca amb d’armas quimicas
Aquela accion contra lo govèrn sirian seriá una responsa a una sospechada atada amb d’armas quimicas contra la vila de Doma. Segon l’Organizacion Mondiala de la Santat (OMS) 500 personas intrèron dins los espitals de la region amb de “simptòmas restacats a una exposicion a de substàncias quimicas extrèmament toxicas”. E mai, l’OMS rapòrta 70 mòrts en aquela ataca, entre los quals 43 presentavan aqueles simptòmas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Los tres mosqueters de l'OTA per defensar lo poc que li queda de territori a l' Estat Islamic, que varen portar a Siria per tombar lo regim d'Alassat pro Rus. Mas al final coma han vist que podien prendre mal sos vaissels e avions pels missils russos, han decidit non anar hi. Mas los russos coma maxim enfonsarien a cinc dels vaissels e ne daissarien a un per permetre que recolhis los naufracs. Mira per ont ? Contra Iugoslavia bombardejaven las ciutats e las escolas, mas ara han girat en coa per non rebre.
Es probable que França, lo Reialme Unit e los Estats Units intervengan dins la guèrra de Siria, aqueste còp dirèctament ? Ingenhós ! Al moment que monta l'ira legitima d'una populacion europèa de mai en mai mespresada e ignorada, al moment que montan e s'enregdesisson las expressions del sieu malcontentament social, una puta de guèrra mondiala d'un piòt anglofòn contra una vibra russofòna permetriá de desvirar l'atencion dels insomeses socials cap a la páur dels daumatges colaterals indefugibles. Limitari drasticament la creissença de las populacions, permetriá d'acabar tranquillament l'aneientiment de tot sservici public per o liurar tot a la voracitat mercantila e puèi, subre los camps d'arroïnas que tot i seriá après de tornar bastir, fariá de creissença, pecaire, emai de plen emplèc…
Deliri ? Es un recapte vièlh, totun, plan conegut…
Coma disiá De Gaulle: "La manò en la manò". Mas de son temps èra amb qualqu'un de mai presentable.
Triste es lo cèu, triste es la tèrra : daissar un tiran tal coma Franco massacrar son pôble e los kurdes o ajudar lo colonialisme american e son aligat saudita ultrareaccionari ?
com en Iraq, medishs pretèxtes, medish anar. coneishem la resulta. los blancs que hèn com s'interessèssin a las poblacions, aquò's tostemps la medisha sonsèina. lo colonialisme es pas mòrt, e aqueths hilhsdep. vòlen pas deishar càder son juguet.
après de s'estonar, se plànher, s'opausar a las gents que quitan los país que hèsen cremar.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari