Actualitats
Malhòrca: grand succès de la segonda edicion de la Jornada Balèti
L'eveniment prepausa de conferéncias, d’obradors e un balèti per far conéisser a la populacion insulara la cultura occitana
La segona edicion de la Jornada Balèti, consagrada a difusar la cultura occitana a Malhòrca, foguèt una reüssida de las bèlas. L'eveniment se tenguèt a Palma (Malhòrca) lo 12 d'abril passat e i collaborèron l'Escòla de Musica e Danças de l'illa e lo cafè A Tres Bandas.
La jornada, organizada pel collectiu Òc Malhòrca, presentèt una conferéncia sus Gasconha, sa musica, sas varietats lingüisticas, sa toponimia... e tanben sos instruments (que lo public escotèt e quitament toquèt o ensagèt de jogar), sas cançons polifonicas, sas danças... e un aperitiu amb de vin de Jurançon. Lo mond cantèron amb vam las cançons que Micà Barret lor aviá preparadas.
Puèi, un obrador de sauts bearneses foguèt seguit d'un balèti amb lo grop Espartenhas, que prepausèt de danças tradicionalas de Gasconha e de Malhòrca.
Lo grop Espartenhas foguèt entrevistat a la ràdio Ona Mediterrània.
La jornada, organizada pel collectiu Òc Malhòrca, presentèt una conferéncia sus Gasconha, sa musica, sas varietats lingüisticas, sa toponimia... e tanben sos instruments (que lo public escotèt e quitament toquèt o ensagèt de jogar), sas cançons polifonicas, sas danças... e un aperitiu amb de vin de Jurançon. Lo mond cantèron amb vam las cançons que Micà Barret lor aviá preparadas.
Puèi, un obrador de sauts bearneses foguèt seguit d'un balèti amb lo grop Espartenhas, que prepausèt de danças tradicionalas de Gasconha e de Malhòrca.
Lo grop Espartenhas foguèt entrevistat a la ràdio Ona Mediterrània.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
S'es facha una jornada en Malhòrca e alentorn de 50 personas se son interessadas per aprendre çò qu'es Occitània a travèrs de sas danças e cantas, e la lenga. Se volètz qu'Occitània siá quicòm misteriós e desconegut per lo monde en defòra del país, volètz pas una Occitània coma país viu.
Fa 4 annadas, quand Òc Malhòrca existiá pas, aquò era estat pas possible jamai en nòstra illa. Sèm a bastir un pont entre malhorquins e occitans, e occitans e malhorquins. S'aimatz vòstre país, aimaretz la solidaritat entre nacions colonizadas.
Òsca Jornalet, òsca Òc Malhòrca, e òsca totes los amics occitans qu'avem fach e contunharam de far!
E òc pjm avetz mai que razon !
#6 òc, Jornalet es fargat a Barcelona. Per astre ! pr'amor que s' esperem intiativas seriosas dels occitanistas, esperariem encara, ara, per aver informacions diarias d'òccitania tota ! Mercés Jornalet e mercés Catalunya !
Jornalet es catalan.
#3 mercés per la vòsta condescendéncia ; la question es pas que jo escrivossi o non per Jornalet, meilèu la definicion de la linha editoriala, de sàber çò que vòlen héser d'aqueras paginas...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari