La comuna de Tolosa faguèt una proposicion a 40 joves menors isolats qu'ocupan la bastissa del 75, Carriera de la Glacièra. Una assembada dels joves concernits, solament de menors isolats migrants, an refusat la proposicion, çò rapòrta IIATA.info.
En julhet 2016, lo conselh departemental de la Nauta Garona declarèt que delegariá a un organisme privat la sostractança de la presa en carga dels menors isolats estrangièrs. O nomenèron DDAEOMIE (Dispositiu Departamental d'Acuèlh, d'Avaloracion e d'Orientacion dels Menors Estrangiers).
Darrièra una aparenta bona volontat, lo foncionament d'aqueles dispositius es fòrça semblable a las gàrdias a vista, e los joves que passan per aquel luòc sabon pas quora ne poiràn sortir. Son embarrats e audicionats mai d'un cop dins una enquèsta e l'85% d'eles sortisson amb un estatut de majors, çò que permet a l'administracion de los daissar abandonats per carrièras. D'efièch, l'estatut de menor obliga l'administracion de protegir los gojats, segon las convencions internacionalas.
Precisament per aquela rason, los menors que vivon dins l'esqüat del 75, Carrièra de la Glacièra a Tolosa, vòlon pas la gestion prepausada per la comuna mondina. Aquela gestion tocariá los que demòran aquí mas concerniriá pas los autres menors albergats a l'ostal de las personas solidàrias.
Après una assemblada, facha en francés e en bambara, lo collectiu AutonoMIE a decidit de dire de non a la vila de Tolosa perque vòlon pas abandonar los amics que tanben son dins la meteissa situacion, mas qu'an pas la possibilitat de profechar del dispositiu. Amb aquela decision, los membres del collectiu sabon que passaràn davant la justícia amb lo consequent risc d'èsser expulsats. Vòlon demorar dins l'estat francés. Dison qu'es un estat de drech, e vòlon per tant que lors dreches sián reconeguts.
Hierro Setiembre / redaccion
Per mai d'informacions podètz legir IAATA.info
Per ajudar l'associacion AutonoMIE, podètz contatar mailto:autonomie@riseup...
Lo filme La tragédie du miel amer (la tragèdia del mèl amar) parla d'aquela situacion.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La comuna d'oferir tamben proteccion als altres menors, coma los que hi ha en aquel edifici.
La situacion es semblanta en Léger naut amb l'Ajuda sociala a l'Enfança que ten pas compte daus trajèctes dificiles daus jòines qu'arriban alh Puèi. Afortisson que son majors en s'apurant sobre de signes completament abusius. Se compren amb aquò que l'idèa es de lor refusar la presa en charja que n'an lo dreit coma menors a quin prètz que siaja emai s'agischa de nejar las riscas de mòrt e las torturas que viuguèron dins lors viatges. Urosament las associacions e los avocats fan un trabalh daus bòns e la justícia reconéis lo dreit daus menors a una presa en charja per l'ASE per fin.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari