Tashi Wangchuk, omonim d’un cineasta, èra un simple comerçant de Tibet d’un pauc mai de trenta ans quand son destin foguèt trevirat en qualques minutas. En 2015 parlèt dins un vidèo del New York Times per defendre sa cultura e sa lenga, de mai en mai afeblidas per la politica de mandarinizacion que la mena China dins son país. I demandava mai d’ensenhament del tibetan a l’escòla, alara reduch a un cors en tot Tibet. Son intervencion amb la cara descobèrta non agradèt pas brica a las autoritats chinesas, que l’arrestèron lo 27 de genièr de 2016. 
 
Uèi risca 15 ans de preson, acusat de “separatisme”. Totun, Wangchuk, dins lo vidèo ont s’exprimissiá, cridava sonque al respècte de la Constitucion chinesa, que garentís la proteccion de las lengas e culturas minoritàrias.
 
 
Un jutjament secret… e sens verdicte
 
Lo jutgèron lo 4 de genièr passat, en secret. E mai de 100 jorns puèi, espèra son verdicte, encara detengut e sens poder recebre la vesita de sos pròches.
 
Fa qualques meses, Amnestia Internacionalae divèrsas peticionsapelèron a sa liberacion, de badas. Uèi, sembla que parlem fòrça mens de Tibet, que sa causa passiona mens los activistas, e Taski Wangchuk pareis pereu d’èsser oblidat.
 
Per quant de temps?