Actualitats
Qu’ei vadut oficiaument lo 30 de març passat, lo famós “País de Bearn”
“Bearn endavant!”, que son los mots emplegats peu maire de Pau, François Bayrou, a la fin deu son devís, quan estó elejut president d’aquera instància navèra (los 49 delegats que l’an consacrat a l’unanimitat)
Un pòl metropolitan.
Sèt intercomunalitats de Bearn sus ueit que’n seràn lo sòcle entà començar. 351 comunas, 337000 abitants. Ne manca pas que lo País de Nai, qui segon François Bayrou e deuré totun juntar lo movement pro rapidament.
Se au nivèu locau, aqueth projècte ei considerat com un reequilibratge territoriau de cap tà la comunautat d’aglomeracion deu Bascoat creada l’an passat, qu’ei tanben ua responsa au darrèr descopatge regionau, e a la creacion de la Navèra Aquitània, gigantassa mes vueita culturaument. E segon François Bayrou, l’afirmacion de l’identitat (culturau, donc) qu’ei la prumèra estapa se vòlen existir, los bearnés, autant au nivèu politic com economic o culturau. De notar que maugrat aquera volontat d’afirmacion territoriau e identitària, ne hè pas trebuc a las collaboracions dab los vesins, subertot los bigordans. Mes que seràn probable alianças mei pragmaticas, viradas cap tà l’economia e lhèu lo torisme.
De bon notar tanben que’n mei deu son ròtle de president, qu’a tanben volut la responsabilitat de la delegacion a la lenga e la cultura. Au micro de Ràdio País, qu’a parlat d’amassar lo monde e d’apatzar las tensions, tostemps vivas en Bearn sus las questions de grafias e de denominacion. Totun, a l’imatge de l’associacion Ligams, qui sembla escàder-s’i a apressar las diferentas parròpias dab lo son gran projècte de corruda, La Passem, benlèu François Bayrou e saberà trobar los mots e las idèas entà ahortir aqueth començar d’escambis.
Ua prumèra pèira
Dejà que son aviadas las amassadas entà apitar un prumèr projècte: lo Vilatge deu Hedàs. Aqueth gran projècte que vòu arreligar d’un biaish mei eficaç las estructuras qui defenen la cultura e la lenga nostas en favorizant los escambis e in finelas iniciativas collectivas decentas.
Un director de projècte que s’i consacra cap e tot a l’aglomeracion Pau-Bearn-Pirenèus, çò qui muisha totun ua cèrta determinacion politica.
Simple efèit d’anóncia peus uns, desavoada de l’engatjament militant qui senhoreja peus autes, n’ac sabem enqüèra çò que’n serà lo benefici per la lenga. Aquò dit, s’aqueth País de Bearn e permet de huéger la confusion entre las identitats bearnesa e basca (confusion qui s’espandeish en quita tèrra bearnesa!) e tanben de’s guardar deus eslogans publicitaris qui hissan lo Bearn....en anglés[1], que serà dejà açò!
Ràdio País
Sèt intercomunalitats de Bearn sus ueit que’n seràn lo sòcle entà començar. 351 comunas, 337000 abitants. Ne manca pas que lo País de Nai, qui segon François Bayrou e deuré totun juntar lo movement pro rapidament.
Se au nivèu locau, aqueth projècte ei considerat com un reequilibratge territoriau de cap tà la comunautat d’aglomeracion deu Bascoat creada l’an passat, qu’ei tanben ua responsa au darrèr descopatge regionau, e a la creacion de la Navèra Aquitània, gigantassa mes vueita culturaument. E segon François Bayrou, l’afirmacion de l’identitat (culturau, donc) qu’ei la prumèra estapa se vòlen existir, los bearnés, autant au nivèu politic com economic o culturau. De notar que maugrat aquera volontat d’afirmacion territoriau e identitària, ne hè pas trebuc a las collaboracions dab los vesins, subertot los bigordans. Mes que seràn probable alianças mei pragmaticas, viradas cap tà l’economia e lhèu lo torisme.
De bon notar tanben que’n mei deu son ròtle de president, qu’a tanben volut la responsabilitat de la delegacion a la lenga e la cultura. Au micro de Ràdio País, qu’a parlat d’amassar lo monde e d’apatzar las tensions, tostemps vivas en Bearn sus las questions de grafias e de denominacion. Totun, a l’imatge de l’associacion Ligams, qui sembla escàder-s’i a apressar las diferentas parròpias dab lo son gran projècte de corruda, La Passem, benlèu François Bayrou e saberà trobar los mots e las idèas entà ahortir aqueth començar d’escambis.
Ua prumèra pèira
Dejà que son aviadas las amassadas entà apitar un prumèr projècte: lo Vilatge deu Hedàs. Aqueth gran projècte que vòu arreligar d’un biaish mei eficaç las estructuras qui defenen la cultura e la lenga nostas en favorizant los escambis e in finelas iniciativas collectivas decentas.
Un director de projècte que s’i consacra cap e tot a l’aglomeracion Pau-Bearn-Pirenèus, çò qui muisha totun ua cèrta determinacion politica.
Simple efèit d’anóncia peus uns, desavoada de l’engatjament militant qui senhoreja peus autes, n’ac sabem enqüèra çò que’n serà lo benefici per la lenga. Aquò dit, s’aqueth País de Bearn e permet de huéger la confusion entre las identitats bearnesa e basca (confusion qui s’espandeish en quita tèrra bearnesa!) e tanben de’s guardar deus eslogans publicitaris qui hissan lo Bearn....en anglés[1], que serà dejà açò!
Ràdio País
Sus Ràdio País que podetz arretrobar l’entrevista de François Bayrou sus aquera tematica.
[1] Las campanhas “Bearn Touch” o “Be Bearn, Be yourself” qu’avèn hòrt emmaliciat lo maire de Pau.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Que cau deishar de saunejar e har çò qui pòt estar hèit. N'am pas nada escasença enstitucionau endà realizar ua grana Occitània alavetz que s'i cau har on se pòt. La tarribla lei NOTRE que'ns copa la Gasconha en duas mitat e que'ns arrestaca a Poitiers qu'a un avantatge que permet de tornar avitar uns bassins de vita negats peus departaments. Lo Biarn qu'a rason d'aprofieità'n. Que vesem tanben que lo vesiatge bascó crèa tanben ua emulacion enteressanta a noste. Perque e seré mau de har las causas a noste aus nostes parats? Lo lengadoc eth qu'ei plan vesiat per l'occitanisme.
Aquí Gaston Fèbus : los bearneses parlan als bearneses.
Blaga a part, Francés Bayrou es pas d'aqueles que vòlon separar Pau d'Occitània. A una idèa clara de çò qu'es l'òc, e se pòt far tornar una part dels "identitaris" bearneses a la rason, serà totjorn una bona causa.
Sempre Bairou a defensat la lenga occitana. Lo País de Bearn,doncs visca tot lo que faci reforçar l'identitat culturala.
L'unitat occitana a pas jamai estada !
E segur es pas amb'aquel arméla de vairon, lo qu'a tot mancat
Que s'endralharà una unitat.
L'òm ama plan los pais.
Pais catara, pais catar, pais catar....
Grand sud, grand sud, grand sud...
Pais de bearn, pais de Bearn, Pais de Bearn...
Auriam besonh d'une relacion entre los pais coma une relacion entre Pau e Clarmont en passar per Agen, Brive Tula e d'autres per reliar tots los pais occitans entre eus. Los politics preparan un traquenard emben l'isolacion daus pais per miels renhar e far oblidar l'unitat occitana.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari