Actualitats
Se tendrà deman la conferéncia internacionala per la dissolucion d’ÈTA
La vila labordina de Cambon aculhirà l’eveniment
Se tendrà deman a Cambon (Bascoat; en basco Kanbo) la conferéncia internacionala per la dissolucion d’ÈTA, segon çò qu’anoncièron los observaires internacionals diluns passat dins una conferéncia de premsa a Baiona (Bas Ador). L’èx-director d’Interpòl, Raymond Kendall, qu’es un dels observaires, diguèt que dempuèi l’an 2011, la patz al Bascoat a avançat. “S’es superat los obstacles e la determinacion es la d’avançar. Sèm segurs que i aurà mai de progrèsses dins un avenir pròche, a partir del mes de mai que ven”.
La reünion de Cambon serà la “pista d’aterratge” per qu’ÈTA procedisca a sa fin, e serà d’un format similar al de la Conferéncia Internacionala de Patz del Palais d’Aiete de Sant Sebastian lo 17 d’octòbre de 2011, abans qu’ÈTA anoncièsse lo cessament de son activitat. E mai, los participants de l’amassada convendràn d’un comunicat brèu que se legirà en public. Se prevei que tot aquò precedisca la desaparicion definitiva de la banda, que serà efectiva a travèrs d’una nòva e darrièra declaracion. Tot aquò es l’estapa que precedís la dissolucion definitiva de l’organizacion.
ÈTA reconeis la dolor causada e demanda perdon
La setmana passada, ÈTA publiquèt un comunicat ont reconeissiá la dolor causada a las victimas de sos atemptats e s’engatjava tanben a avançar per que se superèsse lo conflicte basco, e a repetir pas sos accions.
“Volèm mostra de respièch envèrs los mòrts, los nafrats e las victimas qu’a causadas ÈTA, dins la mesura que lo conflicte lor a portat tòrt. O planhèm de vertat”, çò assegura l’organizacion, que reconeis tanben dins lo meteis comunicat que “aquelas paraulas resòlvon pas çò qu’es passat ni mitigaràn tanta dolor”.
La reünion de Cambon serà la “pista d’aterratge” per qu’ÈTA procedisca a sa fin, e serà d’un format similar al de la Conferéncia Internacionala de Patz del Palais d’Aiete de Sant Sebastian lo 17 d’octòbre de 2011, abans qu’ÈTA anoncièsse lo cessament de son activitat. E mai, los participants de l’amassada convendràn d’un comunicat brèu que se legirà en public. Se prevei que tot aquò precedisca la desaparicion definitiva de la banda, que serà efectiva a travèrs d’una nòva e darrièra declaracion. Tot aquò es l’estapa que precedís la dissolucion definitiva de l’organizacion.
ÈTA reconeis la dolor causada e demanda perdon
La setmana passada, ÈTA publiquèt un comunicat ont reconeissiá la dolor causada a las victimas de sos atemptats e s’engatjava tanben a avançar per que se superèsse lo conflicte basco, e a repetir pas sos accions.
“Volèm mostra de respièch envèrs los mòrts, los nafrats e las victimas qu’a causadas ÈTA, dins la mesura que lo conflicte lor a portat tòrt. O planhèm de vertat”, çò assegura l’organizacion, que reconeis tanben dins lo meteis comunicat que “aquelas paraulas resòlvon pas çò qu’es passat ni mitigaràn tanta dolor”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Aquel "È" es grotèsque : en basque coma en occitan "é" se prononçia[e].
#2 Avètz rason Francesc, cal remembrar a los que parlan pas que dels mòrts d'ETA los mòrts deguts a la polícia, a la garda civila, als GAL, de còps amb la complicitat d'acians de l'OAS e als gropusculs faissistas quae tanlèu presentats al jutge -se los presentavan- tanlèu sortits liures. Ernest Lluch, ministre de la santat de Felipe González, amic d'Euskadi ont passava las vacanças, foguèt assassinat per ETA. Las filhas d'Ernest Lluch jamai an pas volgut far partida de l'associacion de victimas d'ETA per las manipulacions politicas que i a darrièr. E las victimas de la violéncia d'estat, s'an d'associacions, fan pas tant de rambalh: se vei qu'interèssan pas gaire los mèdias. Paure PP qu'amb la fin oficiala d'ETA perd un argument electoral. De fach, fa de lustres que sabon qu'aquel fons de comèrci es perimit* e es per aquò qu'an fach montar l'alhòli en Catalonha. Mas ara es un vaissèl fòl que fa aiga d'en pertot: aquò bolèga a València, a las Balearas, en Astúrias...
*Dempuèi la cagada de 2004 quand, amb lor obsession per ETA, vegèron pas venir l'atemptat islamista de la gara d'Atocha a Madrid.
Record als ans 80 hi havia los gal del General Galindo que es prenien pel seu compte la venjança dels assassinats d'ETA e tamben matavan. Lassa e Zabala foren assassinats pels gal. Galindo e sos guardias civils acabaren a la preson, e tamben un ministre del PSOE. Tamben hi haguet un senhor major que lo confongueron amb un membre d'ETA que casi lo maten los del gal, sort que lo PSOE no volguet eliminar-lo e posà en libertat ,causa que li costet molt car al PSOE perquè s'organitzet un escandol mediatic que lo mateis pp s'en aprofitet e ganet las eleccions.
que demandan perdon per 800 morts en 30 ans un sol mot que s'impausar ( vergonha) !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari