Actualitats
La vesita de Macron a Trump es estada fòrça afectuosa
Entre d’autres subjèctes, lo president francés es anat parlar de la nòva politica de las tarifas doanièras dels Estats Units ,o de l’avenir de l’acòrdi nuclear amb Iran
Lo president de França, Emmanuel Macron, e lo dels Estats Units, Donald Trump, an mostrat de bons rapòrts personals, quitament meses en scèna amb maitas mòstras d’afeccion que las soslinhan cèrts mèdias, mas tanben s’es vist de desacòrdis entre los dos presidents. Macron anèt dos jorns als Estats Units amb qualques afars d’evocar, coma la nòva politica de las tarifas doanièras dels Estats Units o l’avenir de l’acòrdi nuclear amb Iran, qu’es benlèu la diferéncia d’opinion pus sensibla.
Per Macron, cal pas “trencar” l’acòrdi de 2015 amb Iran, e lo president francés voldriá evitar que Trump compliguèsse sa menaça de se retirar, çò que se poiriá materializar dins qualques setmanas. Lo mes de genièr, lo president dels Estats Units bandiguèt ja un ultimatum als païses europèus signataris de l’acòrdi (França, Reialme Unit e Alemanha) per que negocièsson amb el un acòrdi parallèl que corregiguèsse los “defauts” del pache original.
Trump mercegèt Macron per sa “ferma collaboracion” a l’operacion militara en Siria en tot soslinhar qu’ara “es ora d’èsser units”. De son costat, Macron se mostrèt optimista per la lucha contra lo terrorisme: “Ensems vencerem lo terrorisme, ensems nos desfarem d’armas de destruccion massissa en Corèa del Nòrd o en Iran, ensems bastirem un multilateralisme mai fòrt”, çò diguèt.
“Es impossible que i aja una guèrra comerciala”
En mai d’aquò, lo president francés assegurèt que per el “[èra] impossible que i [aguèsse] una guèrra comerciala” amb los Estats Units e remarquèt que l’UE “[èra] pas lo responsable” de l’excès de produccion d’acièr e d’alumini. E mai afirmèt que d’afrontar aquela subreproduccion èra un enjòc global comun a l’UE e als Estats Units.
Dimars que ven, 1r de mai, es lo jorn que s’acaba lo relambi de Trump per dire se manten las tarifas doanièras a las importacions europèas d’acièr del 25% e de d’alumini del 10%.
Uèi, Macron s’amassa amb la presidenta del govèrn alemand, Angela Merkel, per li comentar los resultats de la reünion amb Trump, abans que la cancelièra ane divendres als Estats Units per lo rescontrar.
Per Macron, cal pas “trencar” l’acòrdi de 2015 amb Iran, e lo president francés voldriá evitar que Trump compliguèsse sa menaça de se retirar, çò que se poiriá materializar dins qualques setmanas. Lo mes de genièr, lo president dels Estats Units bandiguèt ja un ultimatum als païses europèus signataris de l’acòrdi (França, Reialme Unit e Alemanha) per que negocièsson amb el un acòrdi parallèl que corregiguèsse los “defauts” del pache original.
Trump mercegèt Macron per sa “ferma collaboracion” a l’operacion militara en Siria en tot soslinhar qu’ara “es ora d’èsser units”. De son costat, Macron se mostrèt optimista per la lucha contra lo terrorisme: “Ensems vencerem lo terrorisme, ensems nos desfarem d’armas de destruccion massissa en Corèa del Nòrd o en Iran, ensems bastirem un multilateralisme mai fòrt”, çò diguèt.
“Es impossible que i aja una guèrra comerciala”
En mai d’aquò, lo president francés assegurèt que per el “[èra] impossible que i [aguèsse] una guèrra comerciala” amb los Estats Units e remarquèt que l’UE “[èra] pas lo responsable” de l’excès de produccion d’acièr e d’alumini. E mai afirmèt que d’afrontar aquela subreproduccion èra un enjòc global comun a l’UE e als Estats Units.
Dimars que ven, 1r de mai, es lo jorn que s’acaba lo relambi de Trump per dire se manten las tarifas doanièras a las importacions europèas d’acièr del 25% e de d’alumini del 10%.
Uèi, Macron s’amassa amb la presidenta del govèrn alemand, Angela Merkel, per li comentar los resultats de la reünion amb Trump, abans que la cancelièra ane divendres als Estats Units per lo rescontrar.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Tram es molt Pelhasso e li agrada rompre lo protocol. Lo paure Macron s'ha vist acorralat per les bromes e bufonades seves. Mai s'en mereis !
Totjorn remirable la diplomacia occitanista !
Polit numero de sotmession servila, coma los cortesans que s'aplatussavan davant Lois 14. Indigne e vergonhos. I pas que la prensa francesa per ne'n badar e s'abstener d'i veire las tristament banalas forcas caudinas.
Lo pichonet fai lo lipa-cuol al grandas e fai lo bel perque s'imagina que se l'es plegat dins la pocha e qu'en pus auria tot engolit!
Tè! Polida fòto! Coneissiam ja la mamà del petit Emmanuel, ara coneissèm lo papà. Ara comprèni perque parla estasunianés: es la lenga del papà!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari