Actualitats
Engatjament istoric de las doas Corèas per la patz
Mun Jaein e Gim Jeongeun se son engatjats a una declaracion qu’establís lo camin devèrs una relacion fluida que parla de desnuclearizacion
La reünion intercoreana comencèt ièr divendres amb un imatge istoric: los dirigents de las doas Corèas se toquèron amistosament las mans. “Soi content de te saludar”, çò diguèt Mun Jaein (Monn Jae-un) a Gim Jeongeun (Kim Jong-un), qu’es vengut lo primièr cap nòrd-corean a calcar la Corèa del Sud après la guèrra de Corèa (1950-1953). Lo president de la Corèa del Sud tanben intrèt un brieu dins lo costat nòrd de la frontièra, après èsser convidat per Gim Jeongeun.
Los dos presidents signèron una declaracion qu’establís lo camin devèrs una relacion fluida que parla de desnuclearizacion: “Lo Sud e lo Nòrd an confirmat lor tòca comuna de far una peninsula de Corèa sens nuclear”. Lo tèxt manifèsta la volontat d’establir de convèrsas formalas per convenir d’un tractat de patz e “resòlver urgentament” los problèmas umanitaris que tòcan las familhas devesidas per la frontièra. En mai d’aquò, los dos caps s’engatgèron a trabalhar ensems per “aleujar las intensas tensions militaras dins la peninsula coreana” e a una reünion dels ministres de la defensa lo mes que ven.
La declaracion s’engatja tanben a arrestar la propaganda, nautparlaires e tractes compreses, e a crear un burèu intercorean a Gaeseong. Dins la davalada, lo president de la Corèa del Sud vesitarà la capitala del nòrd.
“Espèri que repetirem pas l’error del passat”, çò diguèt Gim Jeongeun. “Vòli que siá una oportunitat per que los pòbles de las doas Corèas se pòscan mòure liurament del nòrd al sud. Nos cal èsser responsables de nòstra istòria”.
“Un nòu temps per la patz”
Dins son brèu discors, Gim Jeongeun apondèt qu’èra arribat un nòu temps per la patz. “Comença ara una nòva istòria: es lo ponch de partença istoric d’un temps de patz”, çò escriguèt lo president nòrd-corean dins lo libre de vesitas de l’Ostal de la Patz, ont se fan las convèrsas del costat sud de la zòna desmilitarizada que devesís la peninsula.
Quant a el, Mun Jaein declarèt qu’esperava d’arribar a un “acòrdi audaciós”. “Esperi qu’aurem de discussions interessantas e qu’arribarem a un acòrdi audaciós per ofrir un grand present a tot lo pòble corean e a las personas que vòlon la patz”.
La division de Corèa
En 1945, tanlèu acabada la Segonda Guèrra Mondiala, l’Union Sovietica e los Estats Units pachèron la reddicion de las fòrças japonesas a Corèa. Las tropas sovieticas ocupèron lo nòrd del parallèl 38, mentre que las tropas dels Estats Units ocupavan la Corèa que i aviá al sud d’aquel parallèl. Aquela decision de las doas armadas aliadas venguèt la basa de la division de Corèa de part de las doas poténcias, incapablas de pervenir a un acòrdi per l’independéncia coreana. Los dos rivals de la Guèrra Freja i establiguèron de govèrns pròches de lors ideologias, çò que menèt a la division actuala de Corèa en doas entitats politicas: la Corèa del Nòrd e la Corèa del Sud. En seguida arribèt la guèrra de Corèa que consolidèt aquela division.
La Corèa del Nòrd, oficialament “Republica Democratica de Corèa”, es un estat unipartidista d’economia planificada. La Corèa del Sud, oficialament “Republica de Corèa”, es un país capitalista de mercat liure e desvolopat.
Los dos presidents signèron una declaracion qu’establís lo camin devèrs una relacion fluida que parla de desnuclearizacion: “Lo Sud e lo Nòrd an confirmat lor tòca comuna de far una peninsula de Corèa sens nuclear”. Lo tèxt manifèsta la volontat d’establir de convèrsas formalas per convenir d’un tractat de patz e “resòlver urgentament” los problèmas umanitaris que tòcan las familhas devesidas per la frontièra. En mai d’aquò, los dos caps s’engatgèron a trabalhar ensems per “aleujar las intensas tensions militaras dins la peninsula coreana” e a una reünion dels ministres de la defensa lo mes que ven.
La declaracion s’engatja tanben a arrestar la propaganda, nautparlaires e tractes compreses, e a crear un burèu intercorean a Gaeseong. Dins la davalada, lo president de la Corèa del Sud vesitarà la capitala del nòrd.
“Espèri que repetirem pas l’error del passat”, çò diguèt Gim Jeongeun. “Vòli que siá una oportunitat per que los pòbles de las doas Corèas se pòscan mòure liurament del nòrd al sud. Nos cal èsser responsables de nòstra istòria”.
“Un nòu temps per la patz”
Dins son brèu discors, Gim Jeongeun apondèt qu’èra arribat un nòu temps per la patz. “Comença ara una nòva istòria: es lo ponch de partença istoric d’un temps de patz”, çò escriguèt lo president nòrd-corean dins lo libre de vesitas de l’Ostal de la Patz, ont se fan las convèrsas del costat sud de la zòna desmilitarizada que devesís la peninsula.
Quant a el, Mun Jaein declarèt qu’esperava d’arribar a un “acòrdi audaciós”. “Esperi qu’aurem de discussions interessantas e qu’arribarem a un acòrdi audaciós per ofrir un grand present a tot lo pòble corean e a las personas que vòlon la patz”.
La division de Corèa
En 1945, tanlèu acabada la Segonda Guèrra Mondiala, l’Union Sovietica e los Estats Units pachèron la reddicion de las fòrças japonesas a Corèa. Las tropas sovieticas ocupèron lo nòrd del parallèl 38, mentre que las tropas dels Estats Units ocupavan la Corèa que i aviá al sud d’aquel parallèl. Aquela decision de las doas armadas aliadas venguèt la basa de la division de Corèa de part de las doas poténcias, incapablas de pervenir a un acòrdi per l’independéncia coreana. Los dos rivals de la Guèrra Freja i establiguèron de govèrns pròches de lors ideologias, çò que menèt a la division actuala de Corèa en doas entitats politicas: la Corèa del Nòrd e la Corèa del Sud. En seguida arribèt la guèrra de Corèa que consolidèt aquela division.
La Corèa del Nòrd, oficialament “Republica Democratica de Corèa”, es un estat unipartidista d’economia planificada. La Corèa del Sud, oficialament “Republica de Corèa”, es un país capitalista de mercat liure e desvolopat.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La darrièra frasa de l'article es d'un rar 'politicament corrècte' dins Jornalet... Ieu diria "una dictadura (pseudo?-)comunista, se comunista vòl pas ja dire dictadura...
Quan arribet Trump al poder, los de la pentagona li digueren, tu ets pas de l'establishment e ara te diremcoma funciona aital,e lo qu' has de far, primier sempre has de far guerras per conquistar lo mond, e se pot ser melhor duas o tres a la vegada. Mas nosaltres te permetren que solament ne fagas una, se non ho fas tendràs problemas amb nosaltres. Lo praube Trump que volia tenir bonas relacions amb tot lo mond dit liure, comencet a parlar de ser amics de Russia, mas la responsa foguet lo chantatge de la fulana que volia contar totas las causas que deia que faguet amb lo president., e tota la premsa nordamericana es posà encontra del president.
Un exemple diplomatic dels bèls. Soi content de saber que las conariás de Trump an fin finala pas esquiçat lo trabalh diplomatic digne e pacient de la Corèa del sud.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari