Actualitats
Brasil: los pòbles originaris manifèstan per lors tèrras e lors vidas
Segon los manifestants, los pòbles indigènas son a viure la situacion pus grèva d’atacas de lors dreches dempuèi la redemocratizacion del país en 1988
Tres milièrs de personas, sortits d’un centenat de pòbles, an participat a Brasília a la 15a edicion de l’Acamp Tèrra Liura. Jos lo lèma “Pro de genocidi indigèna, demarcacion ara!“ los manifestants an exigit del govèrn que se protegisca lo drech de dispausar de lors tèrras ancestralas e que s’acabe la violéncia que patisson los pòbles indigènas. Vòlon pas èsser expulsats de lors païses en seguissent los òrdres dels responsables de las companhiás minièras, dels latifondistas e de las entrepresas de construccion. De soslinhar que lo govèrn actual de Michel Temer a suspendut las negociacions amb los pòbles indigènas sus la demarcacion e, eventualament, sus l’atribucion de lors tèrras.
Segon los manifestants, los pòbles indigènas son a viure la situacion pus grèva d’atacas de lors dreches dempuèi la redemocratizacion del país en 1988, coma se pòt legir dins lo manifèst signat per l’Associacion dels Pòbles Indigènas de Brasil. E mai denóncian la connivéncia del govèrn de Temer amb los grands latifondistas.
Segon los manifestants, los pòbles indigènas son a viure la situacion pus grèva d’atacas de lors dreches dempuèi la redemocratizacion del país en 1988, coma se pòt legir dins lo manifèst signat per l’Associacion dels Pòbles Indigènas de Brasil. E mai denóncian la connivéncia del govèrn de Temer amb los grands latifondistas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
El de sempre, quan pararà al destrucció de tot, els idijenes sembla que siguin els únics que pateixen perquè a la resta sel's en fot una merda, amb perdó.
Tothom va a ikea, menja oli de palma, no es compren una bicileta, trafiquen amb plàstics, talem i crem boscos, al mar se l'hi apaga la vida, menjem poc mes que verí, i el Mon se'n va a la merda d'aquí trenta anys.
I...li importa a algú? Algú va escandalitzat pel Mon predicant la Revolució ecològica que arriva tard?
Pensem-ho, i pensem-ho be o no tenim futur,i els indis no han fet res.
Visca la Terra...Lliure!
L'Ernest, "El Tàrrega".
Manifèstan per lors tèrras e per lors VIDAS: aquò's terrible! Dins aqueles países, quand vòlon defendre lors dreches, fan mai que practicar l'omertà, quand es pas la messorga, dins los mèdias. Los tuan coma de lapins. E los países diches democratics fan d'afars amb aqueles países, e lors dirigents an pas res a dire sul sicut.
Piéger: tractan los dirigents d'aqueles países un pauc corrèctes coma de pàrias: avion d'Evo Morales enebit de traversar l'espaci aerian francés, Rafael Correa, alara president d'Eqüator, vengut far una conferéncia sus cossí aviá facha pagar la banca aprèp la crisi de 2008 ignorat pel govèrn francés e pels mèdias exagonals...
Ara que lo govern brasilier capitalista salvatge ha fotut a Lula a la preson, pensa raubar a los paubres a mans plenas. Paubras indigenas ! Visca la luita obrera e indigena !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari