Actualitats
8 de novembre: Universitat de la Vinha e del Vin a Ferrals de las Corbièras
A l’Airòl Cultural de Ferrals de las Corbièras, se debanarà aqueste dijòus 8 de novembre, a l’iniciativa del País Corbièras & Menerbés, una novèla edicion de l’Universitat de la Vinha e del Vin.
Lo tèma de la jornada, dobèrta a totes, es: “Gost e amor del vin, cossí sedusir lo consomator?” Aquí una brava question: “Lo gost, qu’es aquò? Un mot de mai d’un sens que cadun pren a son biais. Lo beveire se’n servirà de bòla per far la diferéncia entre dos vins del temps que lo vinhairon pensarà a valors mai o mens mesurablas.
Ça que la, lo gost es un ligam entre aquel que fa lo vin e aquel que lo beu. Es un camin cap al sòmi e al plaser.
L’amor, qu’es aquò? Los trobadors qu’inventèron lo mot l’an tanplan cantat: sentiment, esmoguda, escambi, compartiment, jòia, alegria.
Un ligam bèl entre lo beveire e lo vin e entre lo vin e lo vinhairon. Passion per un mestièr e magia dins lo veire: lo vin se fa viatge, relòtge del temps que passa, expression del terrador, filh del temps que fa.
Lo vin, a l’encòp mineral e vegetal, es l’òbra d’un òme e d’un saupre-faire. Va cal tornar afortir: una part del trabalh del vinhairon consistís a faire descobrir totas las facietas del vin al beveire.
Alara, als vinhairons d’aprene a contar son istòria, sas istòrias. Que siague dins sa cava o pel Net, cadun pòt e deu contar son trabalh e balhar sens e identitat al Vin.”
La jornada se clavarà per una tasta de vin, abans de mudar al Palais de las Fèstas de Lesinhan de las Corbièras per un sopar gastronomic e animat. En complement, lo divendres 9, un rendètz-vos Beguèm Un Còp Ensemble recamparà las IGP de vin d’Aude per una discutida e una serada en musica. Ne saber mai.
Alan Roch
Lo tèma de la jornada, dobèrta a totes, es: “Gost e amor del vin, cossí sedusir lo consomator?” Aquí una brava question: “Lo gost, qu’es aquò? Un mot de mai d’un sens que cadun pren a son biais. Lo beveire se’n servirà de bòla per far la diferéncia entre dos vins del temps que lo vinhairon pensarà a valors mai o mens mesurablas.
Ça que la, lo gost es un ligam entre aquel que fa lo vin e aquel que lo beu. Es un camin cap al sòmi e al plaser.
L’amor, qu’es aquò? Los trobadors qu’inventèron lo mot l’an tanplan cantat: sentiment, esmoguda, escambi, compartiment, jòia, alegria.
Un ligam bèl entre lo beveire e lo vin e entre lo vin e lo vinhairon. Passion per un mestièr e magia dins lo veire: lo vin se fa viatge, relòtge del temps que passa, expression del terrador, filh del temps que fa.
Lo vin, a l’encòp mineral e vegetal, es l’òbra d’un òme e d’un saupre-faire. Va cal tornar afortir: una part del trabalh del vinhairon consistís a faire descobrir totas las facietas del vin al beveire.
Alara, als vinhairons d’aprene a contar son istòria, sas istòrias. Que siague dins sa cava o pel Net, cadun pòt e deu contar son trabalh e balhar sens e identitat al Vin.”
La jornada se clavarà per una tasta de vin, abans de mudar al Palais de las Fèstas de Lesinhan de las Corbièras per un sopar gastronomic e animat. En complement, lo divendres 9, un rendètz-vos Beguèm Un Còp Ensemble recamparà las IGP de vin d’Aude per una discutida e una serada en musica. Ne saber mai.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 Óu, Alan, critiqui pas ton prètzfach que ba sabi que ne fas mai que pro. E mercé per las precisions.
A quna nautor le veire es emplenat ?
Se parlam que de acusas que se fan,s e dison, s'escrivon en occitan, lo monde va venir estequit.
Per çò qu'es de l'Universitat de la Vinha e del Vin :
- fau una intervencion en òc e francés sul Vin, elixir d'Amor
- animi una tasta abans lo repais de miègjorn bilenga anglés-occitan
- la fica de presentacion dels vins de la tasta del vèspre es bilenga.
Es benlèu pas gaire, mas es quicòm e ja fòrça e plan mai qu'en un fum d'autres endreits.
La santat, la vista e lo passerat !
Que i aja pas una sola paraula en occitan sus l'afica quora l'universitat se maina de passejar pels vinhals me fa lagui. E me sedusís pas. Que sèm pas "suddefrança", macarèl!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari