Actualitats
La ministra de l’Interior britanica a demissionat per aver mentit al Parlament
Ela voliá expulsar los descendents de migrants convidats après la Segonda Guèrra Mondiala per ajudar a la reconstruccion del país
La ministra de l’Interior del Reialme Unit, Amber Rudd, voliá considerar illegals los descendents dels migrants de las illas de la mar Cariba, qu’arribèron al país fa qualques decennis, convidats après la Segonda Guèrra Mondiala per ajudar a la reconstruccion del país. Rudd ara los voliá expulsar.
Mas çò qu’a provocat sa demission es que la ministra mentiguèt al Parlament divendres passat, en tot assegurar qu’ela sabiá pas res de cap de programa per expulsar de migrants illegals. La messorga se destapèt dimenge passat, quand The Guardian publiquèt una letra de Rudd a la primièra ministra, Theresa May, mandada en genièr de 2017, ont prepausava una tòca “ambiciosa mas realizabla” per aumentar las expulsions.
L’escàndol Windrush
L’escàndol de las expulsions es sortit precisament perque se voliá tractar d’immigrants illegals —e doncas expulsar— aqueles descendents de migrants convidats al Reialme Unit. Los primièrs arribèron en 1948 dins lo vaissèl Empire Windrush.
Aquel programa del govèrn britanic faguèt venir entre 1948 e 1970 aperaquí mièg milion de personas.
Lo procès d’expulsions entamenat per Amber Rudd èra ja aviat e fòrça mond an perdut lor emplec. Ara lo govèrn britanic a demandat excusa e a promés de desmatjaments.
Mas çò qu’a provocat sa demission es que la ministra mentiguèt al Parlament divendres passat, en tot assegurar qu’ela sabiá pas res de cap de programa per expulsar de migrants illegals. La messorga se destapèt dimenge passat, quand The Guardian publiquèt una letra de Rudd a la primièra ministra, Theresa May, mandada en genièr de 2017, ont prepausava una tòca “ambiciosa mas realizabla” per aumentar las expulsions.
L’escàndol Windrush
L’escàndol de las expulsions es sortit precisament perque se voliá tractar d’immigrants illegals —e doncas expulsar— aqueles descendents de migrants convidats al Reialme Unit. Los primièrs arribèron en 1948 dins lo vaissèl Empire Windrush.
Aquel programa del govèrn britanic faguèt venir entre 1948 e 1970 aperaquí mièg milion de personas.
Lo procès d’expulsions entamenat per Amber Rudd èra ja aviat e fòrça mond an perdut lor emplec. Ara lo govèrn britanic a demandat excusa e a promés de desmatjaments.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
E ben! Son plan pusillanims aqueles angleses! Dins nòstre car exagòn, los messorguièrs senhorèjan!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari