Actualitats
São Paulo: l'esfondrament d'un immòble met a la lutz lo problèma del lotjament
Lo gratacèl èra ocupat per aperaquí 150 familhas sens domicili fixe. Lo govèrn de Michel Temer barrèt lo programa social pel lotjament entamenat per Lula da Silva
La tragèdia a mes a la lutz la realitat que vivon almens sièis milions de familhas brasilièras, qu'an pas los mejans d’aver un abitatge digne. Dins aquel sens, lo governador de l'estat de São Paulo diguèt als mèdias que la derrunada de l’edifici èra una tragèdia anonciada, e apondèt que lo sit teniá pas amb las condicions foncionalas minimalas e que las autoritats de l'estat aurián pas degut permetre son ocupacion. Mas lo govèrn de São Paulo se justifica en assegurant qu'aviá pas recebut cap de demanda de deslotjament de part del proprietari de la bastissa, e qu’atal podiá pas far partir del bastiment los ocupants.
Segon TeleSur, lo cònsol màger de la vila brasilièra aviá sollicitat del president del país Michel Tener que declarèsse l’immòble d'interès social per qu’aqueste poguèsse téner los servicis basics, de mesuras de seguretat e lo títol de proprietat per las familhas que l'abitavan.
De fach, Temer barrèt lo programa de lotjament social entamenat per Lula da Silva tanlèu que foguèt vengut president de Brasil après la destitucion de Dilma Rousseff. Es pas estonable, doncas, que la representanta del Movement Sens Tèrra, Kelli Mafort, diga dins un article publicat dins Brasil de Fato, que l'incendi de la bastissa "es un crime comés per una politica exclusenta que causa de caumatge, de fam e de misèria".
La aparición de Temer en vía pública es inédita desde el impeachment. Eligió surgir durante el rescate de víctimas por el incendio de un edificio ocupado, que su gobierno buscaba desalojar después de paralizar el mayor programa habitacional de la historia de Brasil. @teleSURtvpic.twitter.com/YLxSlVkSRt
— Nacho Lemus (@LemusteleSUR) 1 de maig de 2018
Gritan “Fora Temer”, también repudian al gobierno local. El gobierno de acto paralizó el programa habitacional Minha Casa, Minha Vida en un país con 6 millones de personas sin vivienda digna. @teleSURtvpic.twitter.com/yCc0vq0RbI
— Nacho Lemus (@LemusteleSUR) 1 de maig de 2018
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari