Una taula redonda e la projeccion del filme Las Sasons clavaràn la 5a Mòstra de Cinèma Occitan, que s’es menada a tèrme dins divèrsas vilas d’Occitània e de Catalonha dins los darrièrs meses.

La Filmotèca de Catalonha, en Barcelona, aculhirà lo 8 de novembre, a 19h, l’acte de clavadura de la 5a Mòstra de Cinèma Occitan, qu’a percorregut divèrsas localitats catalanas e occitanas dins los darrièrs meses e que comprendrà la projeccion, pel primièr còp, d’un filme en occitan a la Filmotèca de Catalonha.
 
L’acte de clavadura se dobrirà amb las intervencions d’Yvonne Griley, directritz generala de la Politica Lingüistica, e Octavi Martí, director adjonch de la Filmotèca de Catalonha. De contunh, se debanarà la taula redonda entitolada: Catalonha e Occitània: coneissèm (pro) los nòstres vesins? Cinèma, cultura e mèdias occitans, amb la preséncia de Monica Burg, actritz occitana, de Jordi Ràfols, productor, de Jordi Bosque, vicepresident del CAÒC, e de Ferriòl Macip, director de Jornalet.
 
Lo longmetratge Las Sasons serà encargat de clavar la Mòstra, precedit del cortmetratge Lo Luènh Deman, ganhant dels Prèmis Llanterna Digital 2012. Las projeccions se faràn amb de sostítols en catalan.