Durant lo festenal de cinèma de Canas (Vencenc), ongan val la pena d’assistir a las sesilhas de cinèma a la plaja, que se tròba a dos passes del Palais del festenal: son d’efièch gratuitas e accessiblas a totòm. Ongan i seràn presents plusors actors coneguts. Atal, entre l'8 e lo 19 de mai, serà mai aisit de rescontrar Ryan Coogler o John Travolta sus la platja canenca que dins la sala de projeccions o sul tapís roge.
 
Ryan Coogler en persona vendrà obrir la projeccion publica de Black Panther. Lo 14 de mai, Agnès Varda i serà per presentar L'Une chante, l'autre pas. Dimècres 16, se trobarà John Travolta per acompanhar la projeccion de Grease, e l'endeman,  lo 17 de mai, Laetitia Carton i mostrarà en avantprimièra son documentari Le Grand Bal. Enfin, divendres 18 de mai, Percy Adlon presentarà la represa de son filme de culte Bagdad Café.
 
En mai d'aquò, se projectarà de filmes d'omenatge als desapareguts Milos Forman e Vittorio Taviani.
 
 
 
           

fffff		fffff
	Ongan, Jornalet serà present al Festenal de Canas, d’ont vos raportarem, sus plaça, lo festenal de cinèma pus important d’Occitània e d’Euròpa.