Ongan i aurà pas de prèmi Nobel de literatura. O anoncièt ièr divendres l’Acadèmia Suedesa en seguida de la polemica per las denóncias d’abuses sexuals contra lo marit d’una dels membres de l’institucion, l’actor marselhés Jean-Claude Arnault. A causa d’aquel escàndol qualques membres del conselh an demissionat. Lo darrièr còp que s’anullèt lo principal prèmi mondial de literatura foguèt en 1943, durant la Segonda Guèrra Mondiala.
 
L’escàndol sortiguèt en novembre passat, quand dètz e uèch femnas acusèron publicament Arnault d’abuses sexuales, d’agressions e de viòl. Los faches se serián passats entre 1997 e 2007, en cèrtas ocasions dins las installacions de l’Acadèmia Suedesa, e qualques membres de l’institucion o sauprián.
 
En consequéncia, an demissionat sièis membres de la jurada, que s’apondon a d’autres dos que demissionèron abans per d’autras rasons. La jurada es compausada de dètz e uèch personas, e durant lor reünion del 13 d’abril passat i aguèt pas lo quorum necessari per autrejar lo prèmi Nobel de literatura.