Actualitats
Macron a confirmat son engatjament envèrs l’acòrdi nuclear amb Iran
França manten l’acòrdi nuclear malgrat la decision de Donald Trump de lo retirar als Estats Units
Los presidents de França e d’Iran, Emmanuel Macron e Hasan Rohani, an confirmat dins una convèrsa telefonica lor engatjament envèrs l’acòrdi nuclear signat en 2015, malgrat la decision de Donald Trump de lo retirar als Estats Units. Macron a reïterat sa volontat de “perseguir un trabalh comun en direccion de totes los estats interessats, en vista de la mesa en òbra continua de l’acòrdi nuclear”, çò a indicat l’Elisi dins un comunicat.
Macron a tanben plangut la posicion de Trump. “Pensi qu’es una error perque los europèus avèm decidit de restar dins l’acòrdi de 2015”, çò a declarat lo president francés dins una entrevista a la television publica alemanda a l’ocasion d’un desplaçament dins aquel país.
Ça que la, lo president francés a remembrat al president iranian son projècte “d’entamenar una discussion larga amb l’ensemble de las partidas concernidas, en prenent per basa l’acòrdi nuclear de 2015, per arribar a un quadre mutualament benefic suls subjèctes ligats al desvolopament del programa nuclear d’Iran après 2025, a las activitats balisticas e a las principalas crisis a l’Orient Mejan”, çò a indicat l’Elisi sens precisar la responsa iraniana.
Macron a tanben plangut la posicion de Trump. “Pensi qu’es una error perque los europèus avèm decidit de restar dins l’acòrdi de 2015”, çò a declarat lo president francés dins una entrevista a la television publica alemanda a l’ocasion d’un desplaçament dins aquel país.
Ça que la, lo president francés a remembrat al president iranian son projècte “d’entamenar una discussion larga amb l’ensemble de las partidas concernidas, en prenent per basa l’acòrdi nuclear de 2015, per arribar a un quadre mutualament benefic suls subjèctes ligats al desvolopament del programa nuclear d’Iran après 2025, a las activitats balisticas e a las principalas crisis a l’Orient Mejan”, çò a indicat l’Elisi sens precisar la responsa iraniana.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 Badinguet o pas, a-n-aquela escala de consideracions, as causas se pòdon resumir atal : Trump a calculat (o fait calcular…) qu'aviá mai a pèrdre qu'a ganhar dins aqueste acòrdi. Mentre que Macron a calculat lo contrari. Gendarma ? Non. Prestatari de servici al près del grand capital francés e europèu, si.
Badinguet lo Segon: aprèp lo que volguèt impausar un emperaire al Mexic, ara lo que se pren pel gendarma del mond.
A! E aqueste matin a Frons Inter, qu'es una catastròfa, que las iranianas, que son "très coquettes", riscan d'èsser privadas de produches de beutat franceses. Es vertat que sèm los reis del mini pòt de crema antirugas a de centenats d'euros e de raubas de "haute couture" a de milièrs... Las preocupacions de la Macronia... Los autres, o sabèm ara, contam per "RIEN".
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari