La lenga taiwanesa, una varianta de la lenga hokkien, es en draia de venir oficiala en Taiwan. Sembla estranh qu'o siá pas, mentre qu’es la lenga parlada per l'82% de la populacion. Ara, lo parlament de l'illa es a estudiar una lei que se poiriá aprovar lèu per reconéisser totas las lengas nacionalas de l'illa e las que i an de raices istoricas, e es possible que la lei pòrte l'oficialitat al taiwanés, al costat del mandarin, qu'es ara la lenga oficiala, çò rapòrta Nationalia.
 
Quand lo Kuomintang prenguèt lo contraròtle de Taiwan en 1945, i impausèt lo mandarin coma sola lenga oficiala, e mai se la majoritat de la populacion parlava l'hokkien taiwanés. Recentament, d'autras lengas, coma las dels aborigèns de l'illa e l'hakka, an aguda cèrta reconeissença oficiala, mas limitada a cèrtas regions o comunas.