Actualitats
La joventa trobada mòrta dins Durença seriá una migranta que fugissiá la polícia
Segon Totes Migrants, caminava amb d'autres dos òmes en direccion de Briançon quand foguèron suspreses per la polícia
Lo 9 de mai passat, trobèron lo cadavre d'una joventa negra dins Durença près de Sant Martin de Cairiera (Briançonés). Segon lo procuraire de Gap, lo còrs es pas estat identificat "formalament", mas l'associacion Totes Migrants, qu'ajuda als refugiats dins la region, afirma que s'agís d'una gojata nigeriana de 21 ans que viatjava amb d'autres dos òmes.
Segon l'associacion umanitària, lo 7 de mai passat la joventa e los dos òmes marchavan sus una estrada en direccion de Briançon quand foguèron suspreses per de policièrs "dissimulats dins los bartasses" qu'en fasent irrupcion provoquèron la dispersion del grop e una corsa-perseguida dins un vilatge traversat per Durença. Un dels òmes foguèt interpelat, mas la femna desapareguèt.
L'associacion a senhalat totes aqueles elements al ministèri public "per que la justícia faga lum sus las circonstàncias d'aquel drama".
Segon lo procuraire de Gap, l'autopsia revèla que la joventa seriá mòrta d'una negada. Tanben apondèt que las investigacions contunhavan per "ensajar de conéisser amb precision las circonstàncias d'aquel decès".
Segon l'associacion umanitària, lo 7 de mai passat la joventa e los dos òmes marchavan sus una estrada en direccion de Briançon quand foguèron suspreses per de policièrs "dissimulats dins los bartasses" qu'en fasent irrupcion provoquèron la dispersion del grop e una corsa-perseguida dins un vilatge traversat per Durença. Un dels òmes foguèt interpelat, mas la femna desapareguèt.
L'associacion a senhalat totes aqueles elements al ministèri public "per que la justícia faga lum sus las circonstàncias d'aquel drama".
Segon lo procuraire de Gap, l'autopsia revèla que la joventa seriá mòrta d'una negada. Tanben apondèt que las investigacions contunhavan per "ensajar de conéisser amb precision las circonstàncias d'aquel decès".
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
TANTES PENES PER POGUER ARRIBAR A EUROPA, PER FINALMENT MORIR A LA TERRA PROMESA. QUE CRUEL QUE ES LA VIDA.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari