Reportèrs Sens Frontièras (RSF) denoncièt dimars passat l’estat d’Israèl a la Cort Penala Internacionala (CPI) per de sospechats crimes de guèrra. Segon l’organizacion de jornalistas, l’armada israeliana a assalhit tanben los jornalistas palestinians que cobrisson las informacions dins la lista de Gaza.
 
Dins sa denóncia, RSF s’indigna qu’almens dos jornalistas sián mòrts e que tant d’autres sián estats nafrats amb de balas dins las cambas, dins los pès, dins lo ventre e quitament dins lo cap. E mai detalha un desenat de cases de jornalistas palestinians atacats dempuèi lo 30 de març. Es alavetz que comencèt la dicha “Marcha del Retorn” per commemorar lo 70n anniversari de la Nakba, çò es l’expulsion de mai de 700 000 palestinians desplaçats de lors tèrras en 1948.
 
Segon RSF, los jornalistas tocats èran clarament idenficats coma jornalistas, qu’an enregistrat qualques atacas e n’an fach la difusion suls rets socials.
 
 
Assauts deliberats e repetits
 
Lo secretari general d’RSF, Christophe Deloire, a assegurat qu’aquelas violacions del drech umanitari internacional son “deliberadas e repetidas”. Dins aquel sens, precisa que  “las autoritats israelianas pòdon pas ignorar la preséncia, demest los civils manifestants, de jornalistas. Elas an mancat a lor elementari dever de precaucion e de distincion en amirant a balas realas aquelas personas protegidas".

 

Dans cette requête, l’organisation évoque les tirs directs de snipers de l’armée israélienne à l’encontre d’une vingtaine de #journalistes palestiniens, sur le territoire de #Gaza, dans le contexte des manifestations de la Marche du retour. https://t.co/8W3PTvjo14

— RSF (@RSF_inter) 15 de maig de 2018