Actualitats
Canas 2018: Asia Argento a denonciat publicament Harvey Weinstein per viòl durant la ceremònia de clavadura
Lo realizaire japonés Hirokazu Koreeda a ganhat la Palma d’Aur de la 71a edicion del festenal de Canas amb lo filme Manbiki Kazoku
L’actritz e realizaira italiana Asia Argento es estada la primièra femna a denonciar oficialament lo productor estatsunidenc Harvey Weinstein. O faguèt publicament aqueste dissabte de ser durant la ceremònia de remesa dels prèmis de la 71a edicion del Festenal de Canas, ont afirmèt qu’ela foguèt forçada durant aquel eveniment.
“En 1997 foguèri violada aicí a Canas per Harvey Weinstein. Aviái 21 ans. Aqueste festenal èra son terren de caça. Vòli far una prediccion: Harvey Weinstein serà pas pus benvengut aicí”, çò diguèt l’actritz al moment de remetre lo prèmi de la melhora actritz a Samal Yeslyamova per son ròtle dins lo filme Ayka.
En mai d’aquò, Argento denoncièt publicament “los qu’an pas res dich” e “lor comportament indigne”. “Sabètz qual sètz, sabèm QUAL sètz, vos permetrem pas de viure dins l’impunitat”, çò assegurèt.
Una ceremònia revendicativa e un palmarès repartit
Lo realizaire japonés Hirokazu Koreeda a ganhat la Palma d’Aur de la 71a edicion del festenal de Canas amb lo filme Manbiki Kazoku (traducha en francés coma Un afar de familha). Un filme sus una familha de paures qu’amb lor sosten mutual subrevivon en panant dins de botigas, fins qu’un incident revèle brutalament lors secrets pus terribles "que dinamitaràn lors ligams".
Lo grand prèmi de la jurada l’a obtengut lo filme BlacKkKlansman, del realizaire Spike Lee, qu’explica de biais comic l’istòria d’un policièr negre infiltrat dins lo Ku Klux Klan.
Camèra d’Aur, Queer Palm e prèmi de la melhora interpretacion per Girl
La Camèra d’Aur es anada al jove realizaire flamenc Lukas Dhont, amb son filme Girl qu’aviá egalament recebut divendres la Queer Palm, lo guierdon reservat al cinèma de tematica LGBT. Lo filme explica l’esfòrç d’una joventa que vòl devenir dançaira e mai se considère amb un còrs masculin. Lo realizaire a revendicat un còp de mai lo ròtle inspiraire d'aqueles adolescents qu'an pas cap de paur de las criticas. Victor Polster, l'actor protagonista sortit d'un casting realizat sens especificacion de sexe pel ròtle, a obtengut lo prèmi de la melhora interpretacion de la jurada d'Un Certan Regard, a 16 ans.
D’aplaudiments per Panahi reprimit en Iran
Lo prèmi del melhor realizaire l’a ganhat lo polonés Paweł Pawlikowski per son filme Zimna wojna (Guèrra freja) del temps que lo melhor scenari lo ganhèron a l’encòp los filmes Lazzaro Felice de la cineasta italiana Alice Rohrwache, e Se rokh (3 caras) del realizaire iranian Jafar Panahi. Panahi foguèt representat a Canas per sa filha, car es totjorn empachat de quitar Iran ont es menaçat de preson e interdich d’exercir lo mestièr de cineasta. Lo public li dediquèt un long e calorós aplaudiment. A l'ora de recebre lo guierdon, la filha de Panahi faguèt un omenatge al realizaire iranian Abbas Kiarostami, que menèt son paire al Mond del cinèma.
Palma d’Aur especiala per Godard
Lo realizaire francosoís Jean-Luc Godard a recebut una Palma d’Aur especiala a la demanda de la jurada. Segon la presidenta de la jurada, Cate Blanchett, el es un artista “qu’a fach avançar lo cinèma e a redefinit sos limits”. Godard aviá presentat a Canas son filme Livre d’image (Libre d’imatge), una juxtaposicion d’imatges amb una tòca a l’estil experimentalista del videoart. Aquel filme amaga un “omenatge a Catalonha”.
Capharnaüm escridassat
L’anóncia del prèmi de la jurada per Capharnaüm provoquèt una escridassada del public de la sala reservada pels jornalistas, qu’èra pas gaire d’acòrdi amb la remesa d’aquel prèmi al filme de la realizaira libanesa Nadine Labaki. L'acusavan d'èsser “malonèsta” o de far una “instrumentalizacion de la pauretat”. En tot cas, es un filme que tracta l’enfança maltractada, los migrants e sens-papièrs, e es rodat quitament per las carrièras d’enfants e de familhas de migrants e de sens-papièrs e dins de centres de detencion e de reeducacion.
Revendicacion feminista
L’edicion d’ongan de Canas marca un virament important dins la revendicacion feminista dins l’encastre del cinèma. La 71a edicion del Festenal internacional de Cinèma a jonch la revendicacion feminista coma se passèt als Oscars amb lo movement #MeToo per se quilhar contra lo masclisme e revendicar l’egalitat dels genres.
Dimècres passat, 82 femnas marchèron sul tapís roge per nos remembrar que, sus aperaquí 1700 realizaires, solament 82 realizairas femnas son passadas pel festenal long de tota son istòria. Aquela accion l’organizèt lo movement Time’s Up e lo collectiu francés 5050, que revendica l’egalitat de las possibilitats per las femnas e los òmes.
En mai d’aquò, lo còde vestimentari del festenal exigís que las femnas pòrten de calçaduras de talon sul tapís roge, una règla que de mai en mai d'actrises refusan. En 2016, Julia Roberts se descalcèt per protestar, e ongan es estada Kristen Steward qu’a revendicat son drech de portar pas de talons pel simple fach d’èsser femnas. “Qual diguèt que las femnas eriam obligadas de metre de talons del temps que nòstres collègas masculins pòrtan de calçaduras planas?”, çò se demandèt Steward.
“En 1997 foguèri violada aicí a Canas per Harvey Weinstein. Aviái 21 ans. Aqueste festenal èra son terren de caça. Vòli far una prediccion: Harvey Weinstein serà pas pus benvengut aicí”, çò diguèt l’actritz al moment de remetre lo prèmi de la melhora actritz a Samal Yeslyamova per son ròtle dins lo filme Ayka.
En mai d’aquò, Argento denoncièt publicament “los qu’an pas res dich” e “lor comportament indigne”. “Sabètz qual sètz, sabèm QUAL sètz, vos permetrem pas de viure dins l’impunitat”, çò assegurèt.
Una ceremònia revendicativa e un palmarès repartit
Lo realizaire japonés Hirokazu Koreeda a ganhat la Palma d’Aur de la 71a edicion del festenal de Canas amb lo filme Manbiki Kazoku (traducha en francés coma Un afar de familha). Un filme sus una familha de paures qu’amb lor sosten mutual subrevivon en panant dins de botigas, fins qu’un incident revèle brutalament lors secrets pus terribles "que dinamitaràn lors ligams".
Lo grand prèmi de la jurada l’a obtengut lo filme BlacKkKlansman, del realizaire Spike Lee, qu’explica de biais comic l’istòria d’un policièr negre infiltrat dins lo Ku Klux Klan.
Camèra d’Aur, Queer Palm e prèmi de la melhora interpretacion per Girl
La Camèra d’Aur es anada al jove realizaire flamenc Lukas Dhont, amb son filme Girl qu’aviá egalament recebut divendres la Queer Palm, lo guierdon reservat al cinèma de tematica LGBT. Lo filme explica l’esfòrç d’una joventa que vòl devenir dançaira e mai se considère amb un còrs masculin. Lo realizaire a revendicat un còp de mai lo ròtle inspiraire d'aqueles adolescents qu'an pas cap de paur de las criticas. Victor Polster, l'actor protagonista sortit d'un casting realizat sens especificacion de sexe pel ròtle, a obtengut lo prèmi de la melhora interpretacion de la jurada d'Un Certan Regard, a 16 ans.
D’aplaudiments per Panahi reprimit en Iran
Lo prèmi del melhor realizaire l’a ganhat lo polonés Paweł Pawlikowski per son filme Zimna wojna (Guèrra freja) del temps que lo melhor scenari lo ganhèron a l’encòp los filmes Lazzaro Felice de la cineasta italiana Alice Rohrwache, e Se rokh (3 caras) del realizaire iranian Jafar Panahi. Panahi foguèt representat a Canas per sa filha, car es totjorn empachat de quitar Iran ont es menaçat de preson e interdich d’exercir lo mestièr de cineasta. Lo public li dediquèt un long e calorós aplaudiment. A l'ora de recebre lo guierdon, la filha de Panahi faguèt un omenatge al realizaire iranian Abbas Kiarostami, que menèt son paire al Mond del cinèma.
Palma d’Aur especiala per Godard
Lo realizaire francosoís Jean-Luc Godard a recebut una Palma d’Aur especiala a la demanda de la jurada. Segon la presidenta de la jurada, Cate Blanchett, el es un artista “qu’a fach avançar lo cinèma e a redefinit sos limits”. Godard aviá presentat a Canas son filme Livre d’image (Libre d’imatge), una juxtaposicion d’imatges amb una tòca a l’estil experimentalista del videoart. Aquel filme amaga un “omenatge a Catalonha”.
Capharnaüm escridassat
L’anóncia del prèmi de la jurada per Capharnaüm provoquèt una escridassada del public de la sala reservada pels jornalistas, qu’èra pas gaire d’acòrdi amb la remesa d’aquel prèmi al filme de la realizaira libanesa Nadine Labaki. L'acusavan d'èsser “malonèsta” o de far una “instrumentalizacion de la pauretat”. En tot cas, es un filme que tracta l’enfança maltractada, los migrants e sens-papièrs, e es rodat quitament per las carrièras d’enfants e de familhas de migrants e de sens-papièrs e dins de centres de detencion e de reeducacion.
Revendicacion feminista
L’edicion d’ongan de Canas marca un virament important dins la revendicacion feminista dins l’encastre del cinèma. La 71a edicion del Festenal internacional de Cinèma a jonch la revendicacion feminista coma se passèt als Oscars amb lo movement #MeToo per se quilhar contra lo masclisme e revendicar l’egalitat dels genres.
Dimècres passat, 82 femnas marchèron sul tapís roge per nos remembrar que, sus aperaquí 1700 realizaires, solament 82 realizairas femnas son passadas pel festenal long de tota son istòria. Aquela accion l’organizèt lo movement Time’s Up e lo collectiu francés 5050, que revendica l’egalitat de las possibilitats per las femnas e los òmes.
En mai d’aquò, lo còde vestimentari del festenal exigís que las femnas pòrten de calçaduras de talon sul tapís roge, una règla que de mai en mai d'actrises refusan. En 2016, Julia Roberts se descalcèt per protestar, e ongan es estada Kristen Steward qu’a revendicat son drech de portar pas de talons pel simple fach d’èsser femnas. “Qual diguèt que las femnas eriam obligadas de metre de talons del temps que nòstres collègas masculins pòrtan de calçaduras planas?”, çò se demandèt Steward.
#KristenStewart taking off her heels on the #Cannes2018 red carpet is the Monday vibe. That's all. We applaud you. pic.twitter.com/odmFrdVsdJ
— The Hunt (@thehunt) 14 de maig de 2018
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#8 Ok, donc elements (enquistas de jornalistas o autas causas) qui permeterén d'ahortir la vòsta tèsi segon laquau las acusacions de viòl contra Harvey Wenstein son ua biais de l'afeblir dens la competicion entre estudiòs de Hollywood, ne n'avetz pas. B'ei aquò?
#6 Isteria collectiva d'un faiç d'estarlètas que, APREP ESSER PASSADAS EN TOTA CONEISSENCA DE CAUSA PEL LIECH DE WEINSTEIN per venir las stars que son devengudas, se fan una novèla verginitat en participant a la mèsa a mòrt aisida e autorizada d'un tipe que val pas pus qu'èlas. Revelacions que VENAN PAS PER AZARD e qu'an mai a vèire amb la concurència ferotja entre los productors grands d'Hollywood qu'amb una sembla-liberacion de la paraula feminista qu'es aqui INSTRUMENTALIZADA PER DE FOSCAS QUESTIONS DE GUERRA ECONOMICA entre d'empèris financièrs americans.
CAPITO, MONSSEN PASCAU-CANDIDE QUE FAI SEMBLANT DE PAS COMPRENE LO MANIPOLI E LAS MESSORGAS HOLLYWOODIANAS ?
Aquelas se son fach sautar pel productor grand e poderos (aqueste còp lo Weinstein) en tota coneissènça de causa, emai foguèsse aziros, per poder venir las stars que son devengudas. Coma a passat temps o faguèron idem las Bardot, Signoret e autras Huppert o Romy Schneider, que un còp que son devengudas de stars "respectablas" te fan las santas-nitochas vertuosas e inoçentas. Es a-n-aquel jòc que jòga l'Asia Argento, plan contenta d'ésser venguda una star miliardaria aprèp s'ésser fach baisar pel vièlh lordàs Weinstein. Mas benlèu que sias trop naif per compréne aquò, o pièger que fas semblant de pas compréner per poder servar tas illusions de mainatge, pecaire !
c
#3 Non. Segon ua enquista menada aus Estats Units en 2010, permiei las personas qui pòrtan planh per viòl, que n'i a 6% qui menten. Segon ua auta qu'ei 6 a 8%*.
Mei de 9 còps sus 10, l@ planhent(a) que ditz vertat.
Dab comentaris atau e lo nombre de flèchas vèrdas qui obtienen ne's cau pas estonar de demorar casi tostemps enter òmis sus aqueste sit!
* cf nòta 13 de la paja 13 d'aquesta enquista https://www.ipsos.com/fr-fr/violences-sexuelles-pourquoi-les-stereotypes-persistent
#2 Avetz elements qui permeten de díser qu'ei ua "sembla-liberacion de la paraula feminista qu'es aqui instrumentalizada per de foscas questions de guèrra economica entre d'empèris financièrs americans"?
Si non, atencion au reflèxe de solidaritat quand ua persona de la nosta comunautat (ací los òmis) ei atacada : ne sabem pas çò qui s'ei passat e las acusacions de viòl mensongèras ne son pas qu'ua petita minoritat... que i a hèra mei de hemnas violadas qui's caran que de hemnas qui acusan a tòrt.
Un article qui m'agrada suu subjècte https://www.franceinter.fr/emissions/pas-son-genre/pas-son-genre-11-avril-2018
Paure Weinstein ! S'aguèsse dich que se sonava Strauss Kahn las causas se serian mielhs passadas !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari